DEUTERONOMY 21:3 - Bawm Common Language Bible Version

³ Churawhchun, a naih chemtu khua lakah ruitu tla nih chaw lâ, rianṭuannâk ah mang dahlo mi an thîm ding asi.

DEUTERONOMY 21:3 ပူးပေါင်းရင်းမြစ်များ

JEREMIA 31:18

Israel mi tla nih ngaihsiat bû hen, ‘LALPA, ramsa a ngam lo mi hâwi kan si le, sikhawmsele ê-aw ngâi ding hen na hawng kan sîntir an ti mi ka theih. Hawng kan kîrtir nawlh le, nang LALPA kan Pathian sinah kîr ding hen kanna tîm rawh.

NUMBER 19:2

hi bang dân tla hi Israel tla pêk ding hen thu a pêk na. Chaw nunau a sen mi sâwinâk umlo mi leh rianṭuannâk ah mang lo mi hawng put le,

DEUTERONOMY 10:8

Tlâng tlûnah khan LALPA nih Levi phun a mi tla chu bâwlpu rianṭuan ding hen Thudantuk Bâwm lakah thuneitu siding leh a min hen malsâwmnâk simtu ding hen a ruat na. Chu chu an rianṭuan asi kumza.

DEUTERONOMY 21:2

nan hotu leh lâirêltu tla chu an va kal lai le, a kiang mi khua tla chu ruak hen zei vial a lât tah na seh.

DEUTERONOMY 21:4

Tiva tî a kang dahlo mi kiangah, chu mun chu âukhawm nih nâwn lo mi, zeikhawm chînglonâk mun ah chun a ngâwng an khiak ding asi.

PHILIPI 2:8

Chun, minung hâwi a um hen, â nâutir le, thih phah rê hen thu zâwt hen a hawng um rawh, Kraws a thihnâk tak chu.

1 SAMUEL 6:7

Churuangah kari thar chawpê a nunau kari banh dahlo mi panih timhtuah u, kari banh na ule, an fa tla chu a rung leiah kaltir u.