DEUTERONOMY 20:8 - Bawm Common Language Bible Version

⁸ “Hotu tla nih chun mi tla sinah, A zer hen a ṭih mi nan um ma? A um chun in leiah tlung seh. Midang thinlung a râwk lai,” ti na seh.

DEUTERONOMY 20:8 ပူးပေါင်းရင်းမြစ်များ

EXODUS 15:15

Edom ram ruitu tla chu an lâu le, Moab ram mi chak tla an thir; Kanaan ram mi tla chu an râl ṭhatnâk a vei dep.

THUFING LASUIBU 24:10

Tik harsat liauah na dî thlo chun na dî tatak mi asi lai.

NUMBER 13:31

Sikhawmsele Kaleb sinah kal mi tla nih chun, “Mah lai le, annih tla do ding hen kan chak tâwk lo; chunah um mi tla chu kan nih ngâk hen thil an ti kho dauh,” an ti.

NUMBER 32:9

Eskol Vakuam tiang an va kal le, ram chu an va muh le, sikhawmsele an hawng kîr nawlh le, chu ram LALPA nih a pêk na mi ah lût lo ding hen mi tla an ṭhih na.

LUK 9:62

Chun, Jisu nih a sinah, “Âuzawng tual nâwnnâk tleih hen dung leiah zauh mi chu Pathian Ram rangah a tlâk loh,” a ti.

1 KORIN 15:33

Perpet hen um lah u; hâwi sual tla nih chun nunchan ṭha an râwk tâwn.

DEUTERONOMY 1:28

Zei rangah chunah kan va kal rîlmâl lai? Kan ṭih asi. Minung kan va fial mi tla nih chunah um mi tla chu kanmah ngâk hen an chak hen an sâng dauh, khuapi kulh vân tawngh khet mi lakah um mi an si. Milian tla an muh na an ti!’ nan ti.

DEUTERONOMY 20:9

Hotu tla nih kawrsen tla sinah thusim an lîm rawh chun murui kip rangah ruitu thîm ding asi.

DEUTERONOMY 23:9

“Râltuk liauah riakmun ah dân lakah an nawmhtir natu ding mi thil chu veih ver u.

THUPHUANG 21:8

Sikhawmsele, mi zer tla, lunglo tla, mi lêmtu tla, mi thahtu tla, mi hur tla, dâwithiam tla, milem sawnhtu tla leh âwkrâwl simtu tla tingvo mun chu mei leh kât hen a kâng mi zur asi, chu chu thih nihnâk chu asi.

THUPHUANG 3:16

Lum ṭung lo, kîk ṭung lo hen na lum cho ruangah ka kâ lak mi ka nan sâk awt asi.

LÂIRÊL 7:3

Zapi tla sinah, ‘Âuzawng ṭihnâk thinlung neitu chu in leiah kîr seh, kannih chu hi Gilead tlângah kan um lai,’ ” ti hen phuang. Churawhchun, sîng nih leh sâng nih an kîr le, sîng khat an um rih.