DEUTERONOMY 20:5 - Bawm Common Language Bible Version

⁵ “Churawhchun, hotu tla nih mi tla chu an kawh na lai le, ‘Hinah hin mi in sak hen ap lo rih mi nan um ma? A um asi chun in leiah tlung seh. Asi lo chun râltuknâk ah a thi beibâng chun a in chu midang nih an ap lai.

DEUTERONOMY 20:5 ပူးပေါင်းရင်းမြစ်များ

NEHEMIAH 12:27

Jerusalem khuapi kulh an ap liau chun chu lakah tel ding hen Levi tla chu mun kip ah mi kawh hen an um le, tumphung, chêngchêng leh ṭingṭang tla hen lâwmthusimnâk lasaktu ding ah.

SAM 30:1

LALPA, ruang na ka suah ruangah leh ka mêlma tla diriamh lo ding hen na ka kil ruangah ka nan sawr.

NUMBER 31:14

Mosi chu râltuknâk ah hotu leh thuneitu tuknâk thawk hen an hawng kîr mi tla tlûnah a rothawk.

NUMBER 31:48

Churawhchun, kawrsen hotu chu Mosi sinah a va kal le, thu a va sim.

DEUTERONOMY 1:15

Churawhchun, phun kip lakah mi mifing leh ti dân thiam tla nan thîm na mi chu ka put na lai le, nan hotu rang ding ah ka siam na lai. A zeimaw mi sâng tlûnah mawhphurhtu ding hen, a zeimaw mi zâ tlûnah, a zeimaw mi sâwmnga tlûnah, a zeimaw mi parâ tlûnah mawhphurhtu tla ka ruat na.

DEUTERONOMY 16:18

“LALPA nan Pathian nih a nan pêk na mi khua kip ah lâirêltu leh rianṭuantu ruat na u. Chubang tla nih zapi tla chu thliar dangnâk nei lo hen lâi an rêl ding asi.

DEUTERONOMY 20:6

Chun, grep dûm siam hen a rah kawih lo rih mi nan um ma? A um chun in leiah tlung seh. Asi lo chun râltuknâk ah a thi beibâng chun, midang tla nih uain chu lâwptlonâk ah an mang salam lai.

1 SAMUEL 17:18

An hotu rangah chaw nûk khal parâ put piak. Na u le tla zei hâwi an um an dam ma, an thâwngthâng na theih mi leh na muh mi chu sim ding hen hawng kîr nawlh.