DEUTERONOMY 20:3 - Bawm Common Language Bible Version

³ ‘Israel mi tla, ngâi u! Tusûn ni ah hin râl nan tuk awt asi. Nan mêlma tla chu ṭih lah na ule, zer hen nan thin dâwk lah u.

DEUTERONOMY 20:3 ပူးပေါင်းရင်းမြစ်များ

2 CHRONICLES 32:8

Annih chu minung thiltikhonâk an nei le, kannih lam chu LALPA kan Pathian nih râl kan do ding mi hawng kan ṭangpi ding hen kan nei,” a ti. Zapi minung tla chu an lalchem thusim ruangah râlṭhatnâk an nei.

JOB LASUIBU 23:16

Zeizawng tikho Pathian nih ka râlṭhatnâk a veih dep. Hawng ka lâutirtu chu mûi asi lo le, Pathian asi. Chu hâwi sikhawmsele, mûi nih chun ka mit a châwtir.

SAM 3:6

A ker kip ah ka mêlma sâng tam tak hawng ka kulhtu khawm ka ṭih lo.

EXODUS 14:13

Mosi nih a sâng na le, “Lâu rîlmâl lah u! Nan um mun ṭhial lo hen dîr ule, tusûn ah LALPA nih ruang an suah na ding mi nan muh lai; hi Aigupta minung tla hi turî rawh chun nan muh na awtlo rawh asi.

ISAI 28:16

Hi hi, tuah, LALPA zahkâi nih, ‘Zion lungphun bir tak leh chak tak ka siah. Chu lakah chun a ki mi lung ka siah le, chu lakah thu tla rîn mi ka siah, ‘Lungnâk bir tak chu a felfê ber asi.’

ISAI 7:4

Râlring zet hen dâisip um ding hen va simh, ningṭih hen a thinlung a nawktir lah seh. Lalchem Rezin leh a mi tla leh Lalchem Pekah chu ṭhianṭhunh panih mei nih a muat mi khû tluk hen khawm ṭihnung an kâi lo.

NUMBER 14:9

LALPA tlûnah hel lah ule, chu ram ah um mi tla khawm ṭih lah na u. Awl tak hen kan neh na lai. LALPA kan sinah a um asi, anmah vêngtu pathian tla chu a neh rawh; churuangah ṭih rîlmâl lah u,” an ti.

MATHAI 10:16

“Ngâinik u, chingngia nâwngah dawrâ um hâwi hen ka nan fial na hi: chuvachun, rûl hâwi hen fing hen, vaṭhu hâwi hen pawi khawih lo hen um u.

MATHAI 10:28

Chun, taksa thah kho hen thlarau thah kholotu tla chu ṭih lah u; Gehena ah thlarau leh taksa veih khotu lam chu ṭih lehlam u.

MATHAI 10:31

Churuangah ṭih lah u; Phâisen phittê tam tak ngâk hen nan sung-û dauh asi.

MATHAI 8:26

Chun, Jisu nih chun an sinah, “Lung tâwm tla, zei rangah nan ṭih?” a ti. Churawhchun, a thawk le, thli leh rilî chu a fâi le; chun a hawng reh dup ko.

MARK 16:18

rûl tla kut hen an lâk lai le, thihnâk tûr zei tal din khawmsele zeikhawm a pawi lai lo. Damlo tla tlûnah an kut an thâng lai le, an dam vima lai,” a ti.

MARK 16:6

Chun, anih nih chun, an sinah, “Lawksawng lah u; Jisu Nazaret mi, an khenhbêk mi kha nan hâwl asi; a thawknawlh rawh; hinah a um lo rawh, zauhnik u, an vûinâk hi!

THILTI 27:24

‘Pawl ṭih lah, Kaisar mâika ah na dîr ding asi; chun, ngâinik, lawng lakah na sinah kal mi zawzawng tla khawm Pathian nih a nan pêk,’ hawng ka ti asi.

DEUTERONOMY 20:1

“Nan mêlma do ding hen nan kal tikah kâri tla, rang tla leh kawrsen tla, nanmah lei mi ngâk hen an tam ruang ko ah ṭih lah na u. LALPA nan Pathian Aigupta ram ah mi ruang a nan suah natu chu nan sinah a um awt asi.

DEUTERONOMY 20:2

Râldo nanna dawmh lântê ah bâwlpu chu nan mâilei ah a hawng lai le, kawrsen tla sinah,

1 THESALONIKA 5:15

Âukhawm nih âu sual khawm sual hen rulh lo ding hen a thiamthih u; thil nanna ti piak tawnhnâk leikângah leh mi zawzawng tlûnah nanna ti piaknâk leikâng khawm ah a ṭha lei vial ti kumza u.

1 TIMOTHE 6:12

Lungnâk zuamnâk ṭha chu ti le, zungzâl nungnâk chu tleih rawh; chu chu ting ding hen kawh na si; theihtu tam tak tla mitmuh ah ṭanhnâk ṭha chu na ṭanh rawh kha.

HEBRAI 13:6

Chun, râlṭha tak hen, “Lalpa chu hawng ka ṭangpitu asi, ka lâu lai loh; minung nih zeitin a ka ti kho lai,” kan ti tâwn asi.

JOSUA 23:10

Nan lakah pakhat khawm nih chun minung sâng khat tektirtu nan um lo ruangah thu a tiamh mi hâwitê hen LALPA nan Pathian nih an do piak na asi.

THUPHUANG 2:10

Nâ tuar ding tla hi ṭih lah, ngâinik, Diabol nih niknâk ah a nan siah lai le, nan lakah mi zeimaw mi rêngin ah a nan khumh na awt asi, chun, ni râ hamh nan tuar lai. Thih tiang hen zumhkâi hen um rawh, chuvachun nungnâk lallukhuh ka nan pêk lai.

1 SAMUEL 17:32

David nih Saul sinah, “Bâwipa, hi Philistia minung hi âukhawm nih ṭih lah na seh, keimah ka va kal lai le, ka do lai,” a ti.