DEUTERONOMY 20:1 - Bawm Common Language Bible Version

¹ “Nan mêlma do ding hen nan kal tikah kâri tla, rang tla leh kawrsen tla, nanmah lei mi ngâk hen an tam ruang ko ah ṭih lah na u. LALPA nan Pathian Aigupta ram ah mi ruang a nan suah natu chu nan sinah a um awt asi.

DEUTERONOMY 20:1 ပူးပေါင်းရင်းမြစ်များ

GENESIS 26:3

Hinah um ko, na sinah ka um lai le, mal ka nan sâwm lai. Hi ram tla zawzawng hi na thlâk tla leh nangmah rangah ka nan pêk lai. Na pa Abraham sinah, thu ka tiamh mi khawm ka theihkumza lai.

2 CHRONICLES 14:10

Asa chu amah do ding hen a kal le, Maresah kiangah Zephathah Kuam ah an murui nih hen riakmun an khuar vevê.

2 CHRONICLES 14:11

Asa nih LALPA a Pathian sinah thla a cham, “LALPA, kawrsen chak lo tak chu thiltikho tak ding hen na ṭangpi kho. Nangmah rinhsanh hen na min hen kawrsen tam tak do ding hen hawng mi kan si ruangah tuah hawng kan ṭangpi rawh. LALPA nang chu kan Pathian na si, nang neh ding hen âukhawm anna ruat lai loh,” a ti.

2 CHRONICLES 20:12

Nang chu kan Pathian na si! Hi hawng kan dotu kawrsen tam tak lakah chun ṭangpi kan herh ruangah nangmah nih rêp na. A ti dân ding zeikhawm kan theih loh, sikhawmsele nangmah ṭangpinâk cho kan bawh ko,” a ti.

2 CHRONICLES 20:15

Jahaziel nih, “Nannih lalchem leh Jerusalem ah Juda um mi zawzawng tla, LALPA nih kawrsen tam tak chu ṭih lah na u. Râltuknâk chu nan nih do ding asi lo le Pathian tlûnah ngauh asi.

SAM 118:6

LALPA ka sinah a um, ka lâu lai loh; Âunih me an ka ti kho lai?

SAM 20:7

Mi zeimaw mi nih an râltuknâk kari leh an rang tla an rinhsanh le, khawmsele kannih lam nih chun LALPA, kan Pathian thiltikhonâk kan rinhsanh.

SAM 23:4

Mûi sah tak lakah lan menza khawmsele LALPA, ka sinah na um ruangah ka ṭih lai lo. Na dawrâ vêngnâk ṭhianṭhunh leh vuakfung hen na ka hum.

SAM 46:11

Pathian zeizawng tikho kan sinah a um; Jakob Pathian chu kan himnâk asi.

SAM 46:7

LALPA thil zeizawng tikho chu kan sinah a um; Jakob Pathian chu kan himnâk asi.

SAM 46:8

Hawng le, LALPA thilti hi zauhnik, tual tlûnah thilchê a ti mi tla chu zauhnik.

EXODUS 20:2

“Kei, LALPA nan Pathian, Aigupta ram ah mi sal nan sinâk lakah mi an suakpi natu chu kasi.

ISAI 31:1

Aigupta ah ṭangpi ding sâwm hen va kaltu tla chu an vân a duai! Aigupta râltuk kawrsen tam tak chaknâk rang tla, kari tla leh, kawrsen lakah anna ngauh. LALPA, Israel Pathian thenhlimh lakah a ngauh hen a sinah ṭangpi an deih lo.

ISAI 41:10

Lâu lah u, nan sinah ka um! Nan Pathian kasi, zeikhawm nih an lâutir lah na seh! Chak tak hen kan siam na lai le, kan ṭangpi na lai. Kan nan zauhkhenh na hen kan hum na lai.

ISAI 43:2

Tî thûk tak na pal liau khawm na sinah ka um lai; na lawksawngnâk nih a nan khuh lai lo. Mei lakah na lan liau khawm ah na kâng lai lo; niknâk fâk tak hawng tlung mi khawm nih nganfâk a nan pêk lai lo.

ISAI 7:14

Churuangah Lalpa amah tak nih singsiahnâk a nan pêk lai: Nungâk Thenhlimh a râi mi nih fapa a ring lai le, a min ah ‘Immanuel’ sak asi lai

JEREMIA 16:14

LALPA nih, “Pathian nung, Aigupta ram ah mi Israel mi tla suakpitu keimah sâl hen mi nih thu tiamh lo ding tik chu a tlung awt rawh.

ZEKARIA 10:5

Juda mi tla chu râltuknâk ah nehtu kawrsen tla nih khualâi nêngthû lakah an mêlma tla lamhbêktu hâwi an si lai. LALPA chu an sinah a um ruangah an mêlma rang tlûnah a chuan mi tla khawm an neh na lai.

NUMBER 10:9

Nan ram ah tuknâk a um hen, an do natu mêlma lakah nanna vêng chun, hi tâwtawrâwt hâu lakah hin râltuk ding mi singsiahnâk nan nei ding asi. Kei, LALPA nan Pathian nih nan mêlma lakah mi kan ṭangpi na lai le, kan hum na lai.

NUMBER 23:21

Israel tla nih mâilei ah vânduainâk Leh nawknâk an tawng lo ding mi ka muhkanh asi. LALPA an Pathian chu an sinah a um le; An lalchem asi ti an phuang.

ROM 8:31

Chubang thu lakah chun zei me kan sim lai ne? Pathian kan leiah â ṭang chun âunih me hawng kan do kho lai?

DEUTERONOMY 1:29

“Sikhawmsele, kei nih, ‘Chubang minung chu ṭih na lah u.

DEUTERONOMY 2:7

“LALPA nih nan thilti zawzawng mal an sâwm na zia theihkumza u. Hi ramkaro kâu tak ah nan vâi mi tla khawm a nan zauhkhenh na asi. Hi kum sâwmli sung zawng nan sinah a um le, nan thil herh zeizawng nan nei.

DEUTERONOMY 20:2

Râldo nanna dawmh lântê ah bâwlpu chu nan mâilei ah a hawng lai le, kawrsen tla sinah,

DEUTERONOMY 20:3

‘Israel mi tla, ngâi u! Tusûn ni ah hin râl nan tuk awt asi. Nan mêlma tla chu ṭih lah na ule, zer hen nan thin dâwk lah u.

DEUTERONOMY 31:6

Zumh thlir le, tum thlir. Annih tla chu ṭih na lah u. Nan Pathian, LALPA amah tak chu nan sinah a um lai. A nan thlahthlamh hen a nan kaltâk na lai lo,” a ti.

DEUTERONOMY 31:8

LALPA amah tak chu na sinah um hen an rui lai. An thlawrhthlâu hen an kaltâk lai loh, churuangah na thinlung dâwk lo hen ṭih khawm ṭih lah,” a ti.

DEUTERONOMY 7:1

“LALPA nan Pathian nih nan va luah ding mi ram ah an kalpi na lai le, a sungah mi phun tam tak tla chu a nar hep na lai. Nan kalnâk kip ah nanmah ngâk hen tam dauh mi leh thiltikho dauh mi phun sarih: Hit mi, Girgasit mi, Amor mi, Kanaan mi, Periz mi, Hiv mi leh Jebus mi tla a nar phin na lai.

DEUTERONOMY 7:18

Anmah chu ṭih na lah ule; Aigupta ram lalchem leh a mi le tlûnah LALPA nan Pathian nih thil a ti mi kha theihkumza u.

DEUTERONOMY 7:21

Churuangah hi minung tla hi ṭih na lah u. LALPA nan Pathian nan sinah a um; amah chu Pathian rokual leh ṭih ding mi chu asi.

DEUTERONOMY 9:3

Sikhawmsele, nanmah ngelchel nih LALPA nan Pathian chu nan mâilei ah meihumpi hâwi hen a kal mi nan muh lai. Nan kalnâk zawng nan neh vima lai le, nan nar phin na lai, thu a tiamh hâwi hen tuko ah nan neh dep lai.

JOSUA 1:5

Josua, nang rangah neh khotu ding na dam karah âukhawm an um lai lo. Mosi sinah ka um hâwi ber hen na sinah ka um lai, na sinah ka um kumza lai le, zeiliau khawm kan kaltâk lai lo.

JOSUA 1:9

Tum thlir leh zumh thlir ding hen thu ka nan pêk asi ti theihkumza! ṭih lah le, dâwk lah, Kei, LALPA na Pathian, na kalnâk kip ah ka um vima lai,” a ti.

JOSUA 11:9

LALPA nih thu a pêk hâwi hen Josua nih a ti rawh. An rang tla a khêngtir na le, an kari tla a duah hep.

LÂIRÊL 6:12

LALPA vânmifial chu chunah a sinah a va a langh le, “Nang, mi râlṭha leh mi chak, LALPA na sinah a um,” a ti.

LÂIRÊL 6:16

LALPA nih a sâng le, “Ka nan ṭangpi awt ruangah na ti kho lai. Minung pakhattek, awldek na ti mi hâwi hen Midian tla chu na neh na lai,” a ti.

1 SAMUEL 17:32

David nih Saul sinah, “Bâwipa, hi Philistia minung hi âukhawm nih ṭih lah na seh, keimah ka va kal lai le, ka do lai,” a ti.