DEUTERONOMY 2:7 - Bawm Common Language Bible Version

⁷ “LALPA nih nan thilti zawzawng mal an sâwm na zia theihkumza u. Hi ramkaro kâu tak ah nan vâi mi tla khawm a nan zauhkhenh na asi. Hi kum sâwmli sung zawng nan sinah a um le, nan thil herh zeizawng nan nei.

DEUTERONOMY 2:7 ပူးပေါင်းရင်းမြစ်များ

GENESIS 12:2

Thlâk tam tak ka nan pêk lai le, phun rokual tak an hawng si lai. Mal ka nan sâwm lai le, chun minthang tak hen ka nan siam lai, malsâwmnâk na si khonâk ding hen.

GENESIS 24:35

“LALPA nih ka pu nei tak hen mal a sâwm. Dawrâ rual tla, kêl tla, ranrual tla, ngûn tla, tangka tla, salnu leh salpa tla, sangâwngsâu leh sanatung tla a pêk.

GENESIS 26:12

Isak nih chu ram ah chun thlâi a chîng le, a tuh kum ah mi a leh zâ a tawng, LALPA nih mal a sâwm ruangah.

GENESIS 30:27

Laban nih a sinah, “Zângfahtê hen thu kâ khat ka sim lai rih; Nangmah ruangah chamchawh hen LALPA nih mal hawng ka sâwm zia ka theih.

GENESIS 39:3

Josef sinah LALPA a um hen thilti zawzawngah dingchangnâk a pêk mi a muh.

GENESIS 39:5

Chu thawk hen chun Josef ruangah LALPA nih Aigupta mi dâwngsung leh a thilneih zawzawng, phâisen mi leh in lei mi khawm mal a sâwm piak.

NEHEMIAH 9:21

Kum sâwmli kar ramkaro ah an herh mi zawzawng na pêk na le, an nipuan tla khawm a ṭet lo, an kê tla khawm a fâk hen a phing lo

JOB LASUIBU 23:10

Sikhawmsele, Pathian nih kê ka kâr mi kip hi a theih. Hawng ka nik khawmsele, thenhlimh tak hen hawng ka muh lai.

SAM 1:6

Mirep tla chu Pathian nih a hum na lai le; Misual tla lam chu anmah siatnâk lampi ah an um.

SAM 107:4

Lampi umlonâk ramkaro ah mi zeimaw mi an vâi le, um ding hen khuapi lei kalnâk an tawng kho lo.

SAM 31:7

Na dâwtnâk dawnglo ruangah lâwm hen ka lâwptlo lai. Ka tuar zia leh ka lawksawng mi na theih.

SAM 90:17

LALPA, kan Pathian, kan lakah na malsâwmnâk tlungtir le, kan thilti zawzawngah dingchangnâk hawng kan pêk.

EXODUS 16:35

Israel tla nih chun an umnâk Kanaan an tlung lânlo chu kum sâwmli kar manna an ei.

JEREMIA 2:2

hi thuchah hi phuang ding hen hawng ka simh. “Na ngâksia liauah zumh na kâi zia tla, kanna umhtîr liauah na ka dâwt zia tla; ramkaro ah vât dahlo mi ram ah na hawng ka zûl mi tla kha ka theihkumza.

HOSEA 13:5

Ramkaro châr ah ka nan kilkâwi na mi nan si.

AMOS 2:10

Aigupta ram a mi chu kan suakpi na le, ramkaro mun ah kum sâwmli kar vial ka rui na le, Amor ram chu nanmah tâ siding hen kan pêk na.

NUMBER 1:1

Israel tla nih Aigupta an suaktâk nûnah a kum nihnâk a thla nihnâk a ni khat ni ah Sinai Ramkaro ah Pathian umnâk Puanin ah LALPA nih Mosi sinah thu a sim.

NUMBER 14:33

Nan fa le chu hi ramkaro ah hin kum sâwmli an rawl lai le, nan lakah a madung chem mi a thih tiang hen nan zumh kâilonâk chu nan tuar lai.

NUMBER 14:34

Ram nan va zauh liauah ni sâwmli nan râu mi chu nikhat chu kum khat ah ngaih hen kum sâwmli nan sual ruangah nan tuar lai. Ka duh lo zia hen um hi zei hâwi asi ti nan theih lai!

NUMBER 22:12

Pathian nih Balaam sinah, “Hi minung tla hi zûl lah na, Israel mi tla khawm siatbarh lah na, keimah malsâwmnâk tingtu tla an si,” a ti.

NUMBER 32:13

LALPA chu mi zapi lakah a rothawk le, amah lawmhtir lotu tla thlâk zawzawng an thi hep lânlo chu kum sâwmli kar ramkaro ah a vâitir na.

LUK 22:35

Chun, an sinah, “Tangka sâwngkhâwi, zâl leh pheikawk lo hen ka nan fial na liau khan thil nan samphâng rerêng ma?” a ti. Chun, annih nih chun, “Samphâng lo,” an ti.

JOHAN 10:27

Ka dawrâ tla nih ka aw an theih tâwn, kei khawm nih annih chu ka theih na le, annih nih chun an hawng ka zûl tâwn;

DEUTERONOMY 1:19

“LALPA kan Pathian thupêk hâwi hen Sinai Tlâng chu kan mâk le, ramkaro ṭihnungkâi kâu tak pal hen Amor umnâk tlâng ram lampi leiah kan kal. Kades Barnea ah kan tlung rawh chun,

DEUTERONOMY 1:46

“Kades ah hun sâwt ual kan um rawh chun, a dawnghnâk ah kanna her le, ramkaro leiah kan kal.

DEUTERONOMY 2:14

Chu chu Kades Barnea kan mâknâk thawk hen kum sâwmthum leh kum riatnâk asi. LALPA nih a sim rawh mi hâwi hen chu thlâk lakah mi râl dotu tla zawzawng chu an thi hep rawh.

DEUTERONOMY 2:6

An lakah thawk hen tî-le-râwl nan châwk kho lai,” a ti.

DEUTERONOMY 29:4

Sikhawmsele tusûn ni tiang hen nan thil theih lakah theihthiamnâk zeikhawm a nan pêk na lo rih.

DEUTERONOMY 29:5

Kum sâwmli kar chu ramkaro ah LALPA nih an kalpi na le, nan nipuan leh nan pheikawk khawm a ṭet lêm lo.