DEUTERONOMY 2:36 - Bawm Common Language Bible Version

³⁶ LALPA kan Pathian nih khuapi zawzawng hawng kan lâk tir le, Arnon tivakuam kiangah mi Aroer thawk hen leh chu vakuam a lâi ram ah mi khuapi thawk hen Gilead lei mi lampi zawzawng tla khawm kan lâk. Kulhnei khuapi pakhat khawm ti kho lo kan nei loh.

DEUTERONOMY 2:36 ပူးပေါင်းရင်းမြစ်များ

2 SAMUEL 24:5

Churawhchun, Jordan an kanh le, Gad ram sung Aroer simlei khuapi tivakuam lâi ah riakmun an khuar. Chu thawk hen mailei Jazer,

2 Lal 10:33

Jordan saklei ah Amon Tiva mi Aroer simlei tiang; Gilead ram leh Basan ram zawzawng tla, Gad, Reuben phun umnâk leh Manaseh phun umnâk saklei tla khawm a neh hep.

SAM 44:3

Na mi le tla nih ram chu an riamnâm hen an neh mi asi lo; anmah thiltikhonâk hen an neh mi khawm asi lo. Nangmah nih na umpi na mi an theih ruangah leh na thiltikhonâk leh na chaknâk ruangah asi. Chu nih chun na dâwt na ti a zauhtir.

EXODUS 23:31

Nan ram chu Agaba likâwlneng thawk hen Eufretis tiva tiang leh Mediteranian Tipi thawk hen ramkaro tiang ka kauh lai. Chu mi ram ah um mi tla tlûnah thiltikhonâk kan pêk na lai le, nan kalnâk zawng ah nan nar vima na lai.

ISAI 17:2

Siria khuapi tla chu a vei pawt lai rawh. Ran leh dawrâ tla râwl tlatnâk asi lai le, chunah mi chu âukhawm nih an khalh na lai lo rawh.

JEREMIA 48:19

Nannih Aroer a um mi tla, lampi kiangah dîr hen ngâk ule; a tek mi tla rangah deih na ule, thil a hawng um mi theih ding tum u.

NUMBER 32:34

Gad phun tla nih Dibon, kulhnei khua tla, Atarot, Aroer,

ROM 8:31

Chubang thu lakah chun zei me kan sim lai ne? Pathian kan leiah â ṭang chun âunih me hawng kan do kho lai?

DEUTERONOMY 3:12

“Ram tingvo kan siam liauah Reuben phun leh Gad phun chu Arnon Tiva kiangah mi Aroer khuapi marlei kâng ram leh Gilead tlâng leh a khuapi tla ka pêk na asi.

DEUTERONOMY 4:48

Hi ram hi Aroer khuapi thawk hen Arnon Tiva rîl hen; marlei kângah Sirion Tlâng tiang asi, chu chu Hermon Tlâng asi.

JOSUA 1:5

Josua, nang rangah neh khotu ding na dam karah âukhawm an um lai lo. Mosi sinah ka um hâwi ber hen na sinah ka um lai, na sinah ka um kumza lai le, zeiliau khawm kan kaltâk lai lo.

JOSUA 12:2

Lalchem panih Hesbon ah lâirêltu Amor lalchem Sihon chu an neh le, Gilead ram khingkhuai chu a ram asi. Aroer thawk hen (Arnon Va tiang hen) chu tivakuam lâi ah khuapi hen Jabok Va tiang hen, Amon ramri;

JOSUA 13:16

An ram chu Aroer tiang hen (Arnon Vakuam kiang) leh chu tivakuam lâi ah mi khuapi leh Medeba kiangkam mi ram tênek telhsih hen asi.

JOSUA 13:9

An ram chu Aroer tiang (Arnon Va kiang) leh chu tivakuam lâi ah tivapi, ram tênâu Medeba thawk hen Dibon tiang telhsih ver asi.

JOSUA 21:44

Ram chu thlangam tak hen LALPA nih a pêk na le, an pu tla sinah a tiamh na rawh hâwi hen. Anmah dotu an mêlma zawzawng lakah pakhat khawm anmah do khotu an um lo, LALPA nih Israel tla chu an mêlma zawzawng lakah nehtu ah a siam na rawh ruangah.

LÂIRÊL 11:22

Amor ram zawzawng, simlei kângah Arnon thawk hen marlei kângah mi Jabok tiang, ramkaro saklei thawk hen Jordan thlanglei tiang an luah hep.

LÂIRÊL 11:26

Israel tla nih chun kum zathum sung Hesbon leh Aroer, a kiangkam a khua tla leh Arnon tivakap ah khuapi tla zawzawng khawm an luah. Chubang tla chu tutan ah zei rangah na lâk hep lo?