DEUTERONOMY 2:14 - Bawm Common Language Bible Version

¹⁴ Chu chu Kades Barnea kan mâknâk thawk hen kum sâwmthum leh kum riatnâk asi. LALPA nih a sim rawh mi hâwi hen chu thlâk lakah mi râl dotu tla zawzawng chu an thi hep rawh.

DEUTERONOMY 2:14 ပူးပေါင်းရင်းမြစ်များ

SAM 106:26

Churawhchun, ramkaro ah an thi ding mi leh an thlâk tla lunglo nâwngah anna rek ding mi tla ramdang ah an thi ding mi tla ningṭih phaih hen a simh na.

SAM 90:15

Hamhnâk tuar hen kan dam liau kum zawzawng hi ngaihsiatnâk na kan pêk hâwi hen tuah lâwptlonâk hawng kan pêk.

SAM 90:3

Minung chu a sinâk ah si nawlh ding hen na simh. Valei ah kîr nawlh ding hen na siam.

SAM 90:9

Kan san chu na thinthawknâk nih a tâwitir, thaw hâwi hen na dâitir.

SAM 95:11

Ka thin a thawk le, thutiam fâk tak ka siam: ‘Dinhnâk ding ka nan pêk na mi ram ah chun nan lût rêng lai lo,’ ” ti hen.

EZEKIEL 20:15

Churawhchun, anmah rangah ka pêk na mi neihnâk leh ram ṭha, ram zawzawngah ram ṭha chem leiah kalpi na lo ding hen ramkaro ah thu ka tiam.

NUMBER 1:1

Israel tla nih Aigupta an suaktâk nûnah a kum nihnâk a thla nihnâk a ni khat ni ah Sinai Ramkaro ah Pathian umnâk Puanin ah LALPA nih Mosi sinah thu a sim.

NUMBER 13:26

Mosi, Aron leh Israel mi zapi tla umnâk Paran ramkaro ah mi Kades ah an kîr rawh. An muh mi tla chu an phuang le, an theirah phurh chu an zauhtir na.

NUMBER 32:11

‘Ka duhzia hen an um lo ruangah kum kul mi leh a tlûnlei mi Aigupta ram thawk hen hawng suak mi nih chun Abraham, Isak leh Jakob sinah ka tiamh mi ram ah an lût rerêng lai loh ti hen thu ka tiamh.’

1 KORIN 10:5

Sikhawmsele, an lakah mi tam dauh tlûnah chun Pathian a lungsi lo le, ramkaro ah an ruak chu a vawrh phut na.

DEUTERONOMY 1:19

“LALPA kan Pathian thupêk hâwi hen Sinai Tlâng chu kan mâk le, ramkaro ṭihnungkâi kâu tak pal hen Amor umnâk tlâng ram lampi leiah kan kal. Kades Barnea ah kan tlung rawh chun,

DEUTERONOMY 1:2

(Edom tlâng ram lampi ah kal hen Sinai Tlâng thawk hen Kades Barnea tiang ni leikhat kal asi.)

DEUTERONOMY 1:46

“Kades ah hun sâwt ual kan um rawh chun, a dawnghnâk ah kanna her le, ramkaro leiah kan kal.

DEUTERONOMY 2:13

“LALPA nih hawng ka simh mi hâwi hen Zered Va chu kan kanh rawh.

DEUTERONOMY 2:16

“An thi hep nûnah,

DEUTERONOMY 2:7

“LALPA nih nan thilti zawzawng mal an sâwm na zia theihkumza u. Hi ramkaro kâu tak ah nan vâi mi tla khawm a nan zauhkhenh na asi. Hi kum sâwmli sung zawng nan sinah a um le, nan thil herh zeizawng nan nei.

JOSUA 24:7

ṭangpi deih hen an hawng ka auh le, Aigupta mi tla hen an karah mûi ka siah. Aigupta mi tla lakah chun tî ka luangtir le; ka nîmtir dep na. Chu hâwi hen Aigupta ram ah ka ti mi chu nan theih. “Ramkaro ah kum sâwt tak nan um.

JOSUA 5:4

Israel mi tla chu Aigupta an kaltâk liauah mipa zawzawng chu an fêm an tan hep rawh. Sikhawmsele, zapi tla nih ramkaro kanh ding hen kum sâwmli an râu le, chu karah mipa ngâksia tla chu fêm tanlo hep an si. Chu lo khawm chu hun dawngh leikângah chun Aigupta ram thawk hen suak mi upa râltuktu vial chu LALPA thu an ngâilo ruangah an thi hep. A tiam rawh hâwi hen anmah thlâktu tla sinah a tiamh rawh mi neihnâk ram leh ram ṭha chu an muh ding hen a siang na lo.

JUD 1:5

Hi bang tla hi a ektê hen theih ver khawm ule, Lalpa nih chun Aigupta ram thawk hen Israel tla chu ruang a suah na le, chu nehnûn ah lunglotu tla chu a veihtir na zia an theihtir nawlh na ding ka duh.