DEUTERONOMY 18:8 - Bawm Common Language Bible Version

⁸ Bâwlpu dang tla tawng mi zat hâwitê â ting lai le, a dâwngsung nih zeital an hawng kuat mi chu a kil kho lai.

DEUTERONOMY 18:8 ပူးပေါင်းရင်းမြစ်များ

2 CHRONICLES 31:4

Chu lo khawm ah lal nih Jerusalem ah mi tla chu bâwlpu leh Levi ruat an si mi tla sinah thil ap tla hawng put ding hen a simh na. LALPA Dân ah a herh zia hâwi hen an hun tla chu an mang khonâk ding hen.

NEHEMIAH 12:44

Chu liau chun Biakin rang ding ah khawlh mi parâ lû ah pakhat fâng thar leh thingthei rah min kum siar khawlh mi tla siahnâk mun hotu rang ding ah mi tla ruat an si. Chubang minung tla chu khuapi kiangah phâisen lakah mi bâwlpu leh Levi tla rangah Dân nih a herh a ti mi hâwi hen khawlhtu rang ding ah pêk an si. Juda mi zawzawng chu thenhlimhnâk leh Pathian nih thu a pêk mi hâwi hen an timhtuah ruangah,

NEHEMIAH 12:47

Zerubabel leh Nehemiah san liau khawm ah Biakin ah tumphung tumtu leh Biakin vêngtu tla rangah châwmnâk ding hen Israel mi zawzawng tla nih nisiar thilpêk tla an pêk. Zapi minung tla nih thilpêk thenhlimh Levi tla rangah an pêk na le, Levi tla nih bâwlpu rangah thil herh an pêk na.

LEVITICUS 27:30

Ram sungah a hawng suak mi parâ lû ah pakhat chu fâng khawm, theirah khawm LALPA tâ asi.

LEVITICUS 7:14

A chi kip a khingkhuai vima hen a bîk hen khawlh mi chu LALPA sinah a pêk lai; mâichâm ah ran thî thehtu bâwlpu vo asi.

NUMBER 18:21

LALPA nih, “Israel mi tla nih parâ lû ah pakhat an ka pêk mi vial chu Levi tla rangah ka pêk na. Hi hi ka umnâk Puanin zauhkhenhnâk rian an ṭuan mi man ah pêk mi chu asi.

LUK 10:7

Chu in ah chun um ko ule, an pêk na mi zawng din hen ei u; rianṭuantu chu lawh tawng tlâk asi. In kip lâwr lah u.

DEUTERONOMY 18:7

LALPA a Pathian rangah bâwlpu rianṭuan ding hen Levi dang tla nih chunah an ṭuan hâwi hen chunah chun a ṭuan kho bâk lai.