DEUTERONOMY 18:2 - Bawm Common Language Bible Version

² Phun dang tla nih an nei hâwi hen ram an nei ding asi lo; an vo chu LALPA nih a tiamh mi hâwi hen LALPA bâwlpu tla sinâk chu asi.

DEUTERONOMY 18:2 ပူးပေါင်းရင်းမြစ်များ

GENESIS 15:1

Chu nûn chun, Abram nih langhnâk a muh le, LALPA nih a sawnh mi a theih, “Abram, ṭih rîlmâl lah, vânduainâk ah mi ka nan hum lai le, lâwmman rokual tak ka nan pêk lai,” a ti.

SAM 119:57

LALPA, ka duh mi zawzawng chu nangmah na si, na dân zûl ding hen thu ka tiam.

SAM 16:5

Nang, LALPA chu ka neih zawzawng na si le, ka herh mi zawng na ka pêk; ka mâilei ding mi chu na kut ah a um.

SAM 84:11

LALPA chu hawng kan vêngtu leh lal rokual asi, zahnâk leh vêlneihnâk hen mal hawng kan sâwm. Thil dik titu tla rangah zeikhawm thil ṭha sianglo a nei lo.

ISAI 61:6

Nannih lam chu LALPA bâwlpu, Kan Pathian to-aw ti hen theih nan si lai. Phun tla neih lakah nanna lâwm lai le, Nan tâ si hen zûm phahnâk ah nan mang lai.

LUNGFÂKNÂK 3:24

LALPA chu ka neih zeizawng asi le churuangah amah lakah lungumnâk ka nei.

EZEKIEL 44:28

“Bâwlpu tla chu bâwlpu sinâk Israel tla lakah ka pêk na mi chu thlâk khat thawk hen thlâk dang a um ding mi lakah anna ap singsuan vima ding asi. Israel lakah mi thil anna tleih kumza ding asi lo; an thil herh zawzawng chu keimah kasi.

NUMBER 18:20

LALPA nih Aron sinah “Israel tla lakah ro ting ding leh ram tingvo zeikhawm nan nei ding asi lo. Kei, LALPA hi nan herhnâk zawzawng rang ding ah nan vo kasi,” a ti.

NUMBER 18:7

Sikhawmsele, nang leh na fapa tla lâwng nih bâwlpu mawhphurhnâk zawzawng mâichâm ah leh Mun Thenhlimh chem ah um mi tla chu nan ti kho lai. Bâwlpu sinâk ka nan pêk na ruangah hi bang thil tla hi nan mawhphurhnâk ding mi tla chu asi. Tawngh kholotu ding mi minung thil thenhlimh kiangah a hawng kaltu chu thah ding asi,” a ti.

DEUTERONOMY 10:9

Churuangah asi, Levi phun tla chu phun dang hâwi hen ram an nei lo mi chu; LALPA nan Pathian nih thu a tiamh hâwi hen LALPA bâwlpu tla tawng mi chu an tâ asi bâk ko.)

JOSUA 13:14

Mosi nih Levi phun tla rangah chun ram a pêk na lo. LALPA nih Mosi sinah a simh mi hâwi hen Israel LALPA leh Pathian mâichâm ah bâwlnâk lakah mi tingvo chu an vo ah ting ding an si bâk.

1 PETER 2:5

Lung nung tla hâwi hen amah sinah hawng u, chun thlarau lei in saknâk ah mang ding hen a pêk u. Jisu Krist zârah Pathian sinah thlarau lei bâwlnâk pawmtlâk ap ding hen chunah chun, bâwlpu thenhlimh nan si lai.

1 PETER 2:9

Sikhawmsele, mûi ah mi suak hen, a chêu chê tak ah lût ding hen a nan kawh natu Pathian thilchê ti tla nan langhtir khonâk ding hen, nannih chu phun thîm, Lalchem bâwlpu tla, phun thenhlimh, Pathian mi tak nan si.