DEUTERONOMY 18:10 - Bawm Common Language Bible Version

¹⁰ Nan mâichâm tlûnah mi mei lakah nan fa tla bâwlnâk ah mang lah ule; nan mi tla chu simkan khotu mawh, tuakthiam mawh, simkhotu mawh,

DEUTERONOMY 18:10 ပူးပေါင်းရင်းမြစ်များ

GENESIS 44:5

Zei rangah ka hotupa tangka hâi nan fîr? Chu chu ka pu uain dinnâk leh chamchawhnâk ah a mang mi asi lo ma? Thilsual fâk tak nan ti asi va ti,” a ti.

2 Lal 16:3

Israel lal tla zia a châwng. A fapa tiang milem sawnhnâk ding hen thil duah apnâk ah a pêk, a lânah Israel mi tla an kalnâk kip ah LALPA nih a nar na mi tla ti dân fihnungkâi a châwng.

2 Lal 17:15

An thlâktu tla sinah thudântuk chu an zûl duh lo le, a sîntirnâk khawm an êl; a nunsimhnâk khawm an siarlo. Zeikhawm silo mi ruk an sawnh le, anmah khawm zei kawngkâ khawm an zawh lo. An kiangkam mi phun tla ti dân an châwng le, LALPA thupêk khawm an ngâilo, a dawn khawm an dawn lo.

2 Lal 17:17

Chu lunglotu pathian sinah an fanu leh an fapa tla bâwlnâk ah mang hen an ap rawh, dâwithiam leh chamchawh thiam sinah krai anna khâi, LALPA mitmuh hen thil diklo ti ding hen anna pumpêk tlak le, LALPA thin an thawktir.

2 Lal 21:6

Bâwlnâk duahphung lakah a fapa a mang. Chamchawh thiam leh kutzalam zauh a châwng, vânsia vânṭhat siamtu leh tin-tlah-ninh thiam tla thu a deih na. LALPA tlûnah thilsual ti hen a thin a runhtir.

2 Lal 23:24

Biakin ah Dân rînnâk bu bâwlpu lalchem Hilkiah nih a tawng mi chu zûl rawh ding hen lalchem Josiah nih Jerusalem thawk hen Juda ram zawzawng mi tin-tlah-ninh thiam, vânsia vânṭhat simtu, dâwngsungkhur pathian tla, milem tla leh lunglotu tla pathian sawnhnâk thil zawzawng a veih phin.

1 CHRONICLES 10:13

LALPA lakah zumhkâi tak hen a um lo ruangah Saul chu a thi rawh. LALPA thupêk a ngâilo le; LALPA in ah thu deih ngâk hen mithi thlarau kawh khotu thu a ngâi dauh ruangah.

2 CHRONICLES 28:3

Thîr hen Baal lem siam mi a nei le, Hinom Vakuam ah rimthâw a duah le, chu milem lakah a fapa tla bâwlnâk ah a mang. LALPA nih Israel kalnâk zawng ah a nar na mi minung tla ti dân a châwng.

2 CHRONICLES 33:6

A fapa tla chu Hinom Kuam ah duahphung bâwlnâk ah a mang na. Chamchawh thiam leh dâwithiam tla a mang na le, vânṭhatnâk simhkantu leh mithi sawnhtu sinah thu a deih. LALPA lakah fâk tak hen thilsual a ti le, a thin a thawktir.

EXODUS 22:17

Sikhawmsele, a pa nih umpitir ding a siang lo khawm ah, man a manh zat ding chu a pa rangah a pêk nget ding asi.

EXODUS 22:18

“Zei nunau tal dâwi mangtu chu thah ding asi.

ISAI 47:13

Zeitin tal hen ngaihdân lâk khawm le, thiltikhonâk na nei lêm lo. Na mifing tla, ârfi lei sîntu tla, vân lem siamtu tla leh a thla thla hen zei a hawng tlung awt ti a nan simhtu tla chu hawng na hen an hum seh.

JEREMIA 27:10

Nan ram thawk hen ram lât takah kalpi ving nan siding hen an perpet na mi asi. Ka nan suah ving na lai le, nan vei dep lai.

JEREMIA 27:9

Nan khuavâng tla mawh, mâilei ding mi thusimtu âuzawng, mang manhtu leh mithi thlarau kawhtu leh mitleh dâwithiam tla thu ngâi lah u. Chubang zawng tla nih chun Babulon lalchem sinah a pêk lo ding hen an simh na.

JEREMIA 32:35

Hinnom kuamah Baal mâichâm tla an siam le, Molek pathian sinah an fanu an fapa tla bâwlnâk ah an pêk. Chubang tla ti ding hen thu ka pêk na lêm lo, chubang thil tla ti hen Juda mi tla an sualtir na ding hen khawm ka thinlung ah ka ruat lo,” a ti.

JEREMIA 7:31

Hinom Kuam ah Topheth an ti mi mâichâm an siam le, chunah chun an fanu leh an fapa bâwlnâk ding hen mei ah an rawh ding hen. Chu hâwi ti ding hen thu ka pêk na lo le, ka thinlung khawm ah chu hâwi ti ding hen a um lo.

LEVITICUS 19:26

“Sâ a thî hen ei lah u. Dâwi leikâng thil rerêng ti lah u.

LEVITICUS 19:31

“Mithi thlarau kawhtu sinah thu deih ding hen kal lah. Na ti chun dân hâwi hen na nâwm lai. Kei, LALPA nan Pathian kasi.

LEVITICUS 20:6

“Âuzawng mithi thlarau sawnhtu sinah thu deihtu chu ka do lai le, ka minung asi kho lai lo.

MIKAH 5:12

Dâwithiam na mang na mi tla chu ka veih na lai le, chamchawh thiam tla umlo hen kan siah lai rawh.

MALAKI 3:5

LALPA, Zeizawng tikho nih, “Lâirêl ding hen nan lakah ka hawng a langh lai le, dâwithiam, ṭângdang pawm mang, thâwngthâng diklo simtu, rianṭuantu tla lawh lakah perpettu leh numei tla, ngâkṭah tla, ramdang minung lakah nâunehtu leh hawng ka zahlotu zawzawng sâwi hen thu ka sim awt.

THILTI 19:19

Dâwithiam tam tak khawm nih an lasuibu tla an hawng put ver le, mi zawzawng mitmuh ah an duah rawh, chun a man an sût le, tangka sîng nga si hen an theih.

THILTI 8:9

Chun, chu mi khuapi ah chun a min, Simon, minung pakhat a um le; anih nih chun dâwi mang hen Samaria mi tla chu chê ti tak hen a siam na tâwn. Amah nih chun milian kasi a ti,

GALATIA 5:20

Duhnâk, nâwmtâmnâk, hurnâk, ruk sawnhnâk, dâwi thiamnâk, huatnâk, tawhnâk, thîknâk, thinthawknâk, mah kawngkâ ruatnâk, a dang hen umnâk, a dang hen lungnâk,

DEUTERONOMY 12:31

An pathian an sawnh dân hen nannih chu LALPA nan Pathian rangah sawnh lah u, annih nih an pathian an sawnhnâk, LALPA nih a hua mi thil fihnungkâi zawzawng an ti ruangah. An mâichâm tlûnah an fa tla bâwlnâk ding ah mei ah an paih na.

1 SAMUEL 15:23

A lakah helnâk hi dâwithiam hen a bang le, lungkhungnâk hi milem sawnh tluk hen a sual. LALPA thu na ngâilo ruangah lalchem siding an duh lo rawh,” a ti.

1 SAMUEL 28:3

Samuel chu a thi le, Israel mi zawzawng nih an ulh le, Ramah khua ah an vûi. Saul nih Israel ram ah mi, mithi thlarau kawh thiam mi leh dâwithiam tla chu a nar ver na.

1 SAMUEL 28:7

Churawhchun, Saul nih a minung tla chu “Mithi thlarau kawh thiam mi nunau hawng ka kawh piak ule, a sinah thu ka deih awt,” a ti. “Endor khua ah pakhat a um,” ti hen an sâng.

1 SAMUEL 28:8

Saul chu nipuan dang aih hen mêl dang hen â tuah le, a mûi rawh chun chu nunau va muh ding hen a minung panih tla hen an kal le, a sinah, “Mithi thlarau hawng kan sawnh piak le, zei hâwi hen thil a hawng um awt, hawng kan simh,” a ti.

1 SAMUEL 28:9

Nunau nih a sâng le, “Lalchem Saul nih Israel ram ah mi mithi thlarau kawh thiam leh dâwithiam a nar hep na mi na theih ko khateh. Zei rangah keimah tângnâk leh thahnâk ding karo na tum?” a ti.