DEUTERONOMY 17:9 - Bawm Common Language Bible Version

⁹ Levi bâwlpu tla leh lâirêltu, chu liauah rianṭuan hen um mi sinah nan thunawk tlunh ule, anmah rangah thu chu thlûktir na u.

DEUTERONOMY 17:9 ပူးပေါင်းရင်းမြစ်များ

1 CHRONICLES 26:29

Izhar thlâk lakah Kenaiah leh a fapa tla chu rianṭuan ding mi ruat piak an si: Lasui rînnâk singsiahnâk kilkâwi ding leh Israel mi tla thunawk lâirêl piak na ding.

EXODUS 18:16

Mi panih thu anna êl chun ka sinah an hawng kal le, a zei mi dik ti thlûk ding hen Pathian thupêk leh dân tla ka simh na,” ti hen a sâng.

EXODUS 22:8

Sikhawmsele, mifîr chu an tleih kho lo chun, thil kiltu pa chu Pathian sawnhnâk in ah an kalpi lai le, chunah chun midang thil ka fîr lo ti hen siat a tleih ding asi.

JEREMIA 18:18

Churawhchun, mi tla nih, “Jeremia thu ah hin zei thil mawh kan ti lai! Bâwlpu tla nih hawng kan sîntir kumza lai le, mifing tla nih ti dân hawng kan simh lai, khuavâng tla nih Pathian thuchah an sim lai. Amah rang ah hêk hen a thusim kan ngâi piak lai lo rawh,” an ti.

EZEKIEL 44:24

Dân lakah elnâk a suak chun, bâwlpu tla nih keimah dân hâwitê hen thu chu an thlûk ding asi. Phûng kût tla chu ka dân leh ti ding dân hâwi hen an ti lai le, Dinhni thenhlimh tak hen an ulh ding asi.

HAGAI LASUIBU 2:11

“Bâwlpu tla rangah lâirêl ding hen hi deihnâk hi deih.

ZEKARIA 3:7

“Ka dân na zûl hen thilti hen ka nan ruat mi na ti chun, ka Biakin leh a kulh sung lakah thuneitu na si kumza lai le, ka mâika mi vânmifial thlachamnâk ka ngâi mi hâwi hen nang thlachamnâk khawm ka ngâi lai.

ZEKARIA 7:3

“Biakin a râwk mi thu ruangah kum sâwt tak a thla nganâk thawk hen tusûn ni tiang lungfâk tak hen buh kan ngei mi hi ti vima ding ma asi awt?” an ti.

MALAKI 2:7

Pathian theihnâk dik sîntir chu bâwlpu rianṭuan asi. LALPA Zeizawng mifial an si ruangah an sinah ka duhzia sîn ding hen mi tla an kal ding asi.

DEUTERONOMY 16:18

“LALPA nan Pathian nih a nan pêk na mi khua kip ah lâirêltu leh rianṭuantu ruat na u. Chubang tla nih zapi tla chu thliar dangnâk nei lo hen lâi an rêl ding asi.

DEUTERONOMY 17:10

Annih nih thu an thlûk lai le, a nan simh na mi hâwitê hen nan ti ding asi.

DEUTERONOMY 21:5

Levi bâwlpu tla khawm chunah chun an va kal bâk lai le, anmah nih thunawk tla chu dân hâwi hen thlûktu ding an si ruangah. LALPA nan Pathian nih amah rianṭuantu leh a min hen malsâwmnâk simtu a thîm na mi an si ruangah.

DEUTERONOMY 25:1

“Israel mi panih an thunawk sim ding hen lâirêlnâk mun ah va kal sele, pakhat chu sual lo hen, pakhat chu sual hen ngaih asi lai.

DEUTERONOMY 33:10

Na fa tla chu na dân zûl ding hen an sîntir lai le; Na mâichâm ah bâwlnâk an hawng ap lai.