DEUTERONOMY 17:8 - Bawm Common Language Bible Version

⁸ “A zeimaw mi thunawk tla chu khua mi lâirêltu tla rangah thlûk ding hen a har tuk khawm asi kho, thil-le-rî thunawk, taksa liamh thu, thah mi leh thahtu kar lakah mi thunawk tla. Chubang hâwi thu a hawng um chun LALPA nan Pathian nih a ruat mi sawnhnâk mun pakhat ah kal ule,

DEUTERONOMY 17:8 ပူးပေါင်းရင်းမြစ်များ

2 SAMUEL 15:2

Churawhchun, Absalom chu zîngtê a thawk le, kulh kawtkâ lampi ah a va dîr. Lalchem sinah thunawk remh ding hen hawngtu zawng chu a kawh na le, zei thawk hen mi me an si a deih na tâwn. Mi tla nih zei phun an si ti leh an hawng nâk an simh rawh chun,

1 CHRONICLES 26:29

Izhar thlâk lakah Kenaiah leh a fapa tla chu rianṭuan ding mi ruat piak an si: Lasui rînnâk singsiahnâk kilkâwi ding leh Israel mi tla thunawk lâirêl piak na ding.

EXODUS 18:15

Mosi nih, “Mi tla nih Pathian duhzia theih ding an duh ruangah hi bang tla hi ka ti ding rêng asi.

EXODUS 18:26

Chubang tla chu mi zapi lâirêltu ah bir tak hen an um le, Mosi sinah thu har dauh an tlunh le, thu tênâu lam chu anmah nih an rêl.

EXODUS 21:20

“Mi nih vuakfung hen a sal a vuak chun, nunau mawh mipa mawh khawm si sele, a thi chun chu minung chu rêp asi lai.

EXODUS 21:22

“Mi anna sual hen nunau a râi mi rangah ngânfâk an pêk hen a fa a siat chun, chu nunau chu a dêngkhuai lah khawmsele, ngânfâk pêktu nih chun chu nunau pasal nih a hauh zat zawng a châwi ding asi, lâirêltu tla remtinâk hen.

EXODUS 21:28

“Chawchal nih âumawh thi thlo hen suk sele, chu chaw chu thi thlo hen seh ding asi, a sâ khawm ei ding asi lo; a dâwngpu lam chu rêp ding asi lo.

EXODUS 22:2

A fîr mi chu a rulh ngelchel ding asi. Zeikhawm a nei lo chun a fîr mi ruangrûl ah amah chu sal ah zuar ding asi. Ran mawh, chawpê mawh, sanatung mawh, dawrâ mawh a fîr mi chu a nung hen a kil ko rih asi chun, pakhat ruangrûl ah panih a pêk ding asi. “Mifir nih zân ah in a rawk hen in dâwngpu nih a thah chun, minung thahtu mawhnâk tingtir ding asi lo. Sikhawmsele sûn lâi vâr ah asi chun mawh hen ngaih kho asi lai.

EXODUS 22:8

Sikhawmsele, mifîr chu an tleih kho lo chun, thil kiltu pa chu Pathian sawnhnâk in ah an kalpi lai le, chunah chun midang thil ka fîr lo ti hen siat a tleih ding asi.

EZEKIEL 44:24

Dân lakah elnâk a suak chun, bâwlpu tla nih keimah dân hâwitê hen thu chu an thlûk ding asi. Phûng kût tla chu ka dân leh ti ding dân hâwi hen an ti lai le, Dinhni thenhlimh tak hen an ulh ding asi.

HAGAI LASUIBU 2:11

“Bâwlpu tla rangah lâirêl ding hen hi deihnâk hi deih.

MALAKI 2:7

Pathian theihnâk dik sîntir chu bâwlpu rianṭuan asi. LALPA Zeizawng mifial an si ruangah an sinah ka duhzia sîn ding hen mi tla an kal ding asi.

NUMBER 35:11

mi anna thah palh sual ah him ding hen teknâk khuapi tla nan thîm ding asi.

NUMBER 35:16

“Mi nih riamnâm thîr mawh, lung mawh, thing mawh hen mi thahnâk ding ah a mang chun, minung thah hen a sual ruangah anih khawm thah bâk ding asi.

DEUTERONOMY 1:17

Nan thu thlûk chu âu lei khawm ṭângṭawm lo hen langhtir ule, mikip rangah bang khap hen lâirêl ule, anih rang ê tilo hen. Âukhawm ṭih na lah ule, nan thu thlûk chu Pathian thawk hen mi asi ruangah. Zei thu tal nan rangah a har tuktarâi chun ka sinah hawng put ule, keimah nih ka thlûk lai.’

DEUTERONOMY 12:11

LALPA nih amah nan sawnhnâk ding hen mun pakhat cho a thîm lai le, chunah chun thu kan pêk na mi thil zeizawng a sinah nan kalpi lai. Nan bâwlnâk duahphung tla leh bâwlnâk dang tla, parâ lû pakhat leh nan thil ap tla, a bîk hen LALPA sinah thilpêk nanna tiam mi tla LALPA sinah nan pêk ding asi.

DEUTERONOMY 12:14

Nan phun lakah mi phun khat umnâk ah LALPA nih a ruat mi mun pakhat cho ah nan pêk ding asi. Chu mun pakhat cho ah chun ap ding mi bâwlnâk tla, duah ding mi leh thil dang zawzawng tla chu nan ap ding asi.

DEUTERONOMY 12:5

Nan ram sungah mi nan phun zawzawng tla nih sawnhnâk ding mun chu LALPA nih amah sawnhnâk ding mun pakhat cho a thîm awt.

DEUTERONOMY 19:17

an panih hen sawnhnâk mun pakhat ah an va kal lai le, bâwlpu tla leh lâirêltu tla chunah um mi nih lâi an rêl ding asi.

DEUTERONOMY 19:4

Mi nih a mêlma silo mi âumawh a thah palh chun, hi khuapi tla a zei lak tal ah him ding hen a tek khonâk ding hen.

DEUTERONOMY 21:5

Levi bâwlpu tla khawm chunah chun an va kal bâk lai le, anmah nih thunawk tla chu dân hâwi hen thlûktu ding an si ruangah. LALPA nan Pathian nih amah rianṭuantu leh a min hen malsâwmnâk simtu a thîm na mi an si ruangah.

DEUTERONOMY 25:1

“Israel mi panih an thunawk sim ding hen lâirêlnâk mun ah va kal sele, pakhat chu sual lo hen, pakhat chu sual hen ngaih asi lai.