DEUTERONOMY 17:7 - Bawm Common Language Bible Version

⁷ Theihpitu tla nih a masa chem hen lung hen an seh lai le, chu tikah midang tla nih chu minung chu lung hen an seh ding asi; hi hâwi hen sualnâk lakah nanna thlei ding asi.

DEUTERONOMY 17:7 ပူးပေါင်းရင်းမြစ်များ

LEVITICUS 24:14

“Kha minung kha riaknâk mun ah mi lêng ah suah ving u. Siatbarh liau theihtu zawng nih a lû tlûnah an kut thâng na seh, a sual ti theihnâk ding hen, churawhchun zapi nih thi thlo hen lung hen seh na seh.

JOHAN 8:7

Chun, an deih seset ruangah anih chu a thawk le, an sinah, “Nan lakah sual nei lo mi zawng nih amah chu lung hen seh masa seh,” a ti.

DEUTERONOMY 13:10

Thi thlo hen seh u! Aigupta ram ah sal nan sinâk ah mi an suah natu LALPA nan Pathian lakah mi chu mahlo leikângah an pialpi na ding hen a awt ruangah.

DEUTERONOMY 13:5

Aigupta ram ah sal nan sinâk ah mi an suah natu lakah heltu, mang simhfiangtu mawh, khuavâng mawh si mi âutal nan thah na ding asi. Chubang hâwi minung tla chu misual, LALPA nih um ding dân thu an pêk na mi lakah mi chu pial tâk ding hen an awt natu an si. Chu sualnâk lakah mi chu nan suak khonâk ding hen anmah tla chu nan thah na ding asi.

DEUTERONOMY 13:6

“Na unau nih mawh, na fapa nih mawh, na fanu nih mawh, na nupi na dâwt tak mi nih mawh, na kâwi tak nih mawh, an thlâk natu nih an sawnh dahlo mi pathian sawnh ding hen an fawrh na kho.

DEUTERONOMY 13:9

Amasa chem ah lung hen seh masatu si rawh, chu tikah midang tla khawm nih seh bâk na seh.

DEUTERONOMY 17:12

Âuzawng lâirêltu mawh bâwlpu tla nih an ti mi siarlo tak hen zûl duhlotu tla chu thah ding asi; chu hâwi hen Israel lakah mi thilsual chu nan lawnh ding asi.

DEUTERONOMY 19:19

mi a phiar mi rêp tawng ding mi chu a phiartupa nih rêp a tawng rûl lai. Chu hâwi hen nan lakah sual chu nan veih ding asi.

DEUTERONOMY 21:21

Churawhchun, khua mi tla nih lung hen thi thlo hen an seh ding asi; chu hâwi hen sualnâk chu nan veih ding asi. Israel lakah mikip tla nih chubang thil chu an theih lai le, an lâu lai rawh.

DEUTERONOMY 22:21

a pa tualmâi ah an kalpi lai le, khua mi minung tla nih thi thlo hen lung hen an seh ding asi. Kan mi lakah thil ningzakkâi tak a ti hen, pasal nei lânah a pa in ah a um liauah pung hen a um ruangah. Hi hâwi hen Israel lakah thilsual chu nan veih ding asi.

DEUTERONOMY 22:22

“Mi midang nupi a pung liauah an tleih chun, an panih hen thah na ding asi. Chu hâwi hen sualnâk chu veih ding asi.

DEUTERONOMY 22:24

an panih hen khua lênglei ah nan suakpi hen thi thlo lung hen nan seh na ding asi. Khua lakah hâu theihkhonâk ah um ko hen chu nungâk chu ṭangpitu hâwl hen a âu lo ruangah a thi ding asi. Chu mipa khawm chu mi deih mi nungâk a pung ruangah a thi bâk ding asi. Hi hâwi hen chubang sualnâk chu nan veih ding asi.

DEUTERONOMY 24:7

“Âuzawng mah Israel phun lakah mi a fîr hen sal ah a siam hen mawh sal ah zuartu chu thah ngelchel ding asi. Hi hâwi hen chubang thilsual tla chu nan veih ding asi.

LÂIRÊL 20:13

“Tuah Gibeah khua mi misual tla chu kan kut ah hawng kan pêk u; chu tikah kan thah na lai le, Israel lakah mi thilsual chu kan veih lai,” an ti. Sikhawmsele, Benjamin mi tla nih Israel dang tla thusim chu an ngâi piak duh na lo.