DEUTERONOMY 17:3 - Bawm Common Language Bible Version

³ pathian dang nî mawh, thlâ mawh, ârfi mawh sawnh leh a rian a ṭuan ti nan theih chun LALPA thupêk hen â kalh asi.

DEUTERONOMY 17:3 ပူးပေါင်းရင်းမြစ်များ

GENESIS 2:1

Churawhchun, laikulh pumpi chu siam dih asi rawh.

2 Lal 21:3

A pa Hezekiah nih a râwk mi lunglotu pathian sawnhnâk mun tla a siam nawlh le; Israel lalchem Ahab nih a ti mi hâwi hen Baal leh pathiannu Aserah lem a siam mi sawnhnâk ding ah mâichâm tla a siam. Manaseh nih ârfi tla khawm a sawnh.

EXODUS 22:20

“Âuzawng, Kei, LALPA lakah silo hen pathian dang sinah bâwlnâk aptu chu thi ding hen mawhtir an si lai.

JEREMIA 19:5

an fa tla chu bâwlnâk ah mei ah duah ding hen Baal rangah mâichâm an siam. Chubang ti ding hen kei nih thu ka pêk na dahlo; ka thinlung khawm ah a um dahlo.

JEREMIA 32:35

Hinnom kuamah Baal mâichâm tla an siam le, Molek pathian sinah an fanu an fapa tla bâwlnâk ah an pêk. Chubang tla ti ding hen thu ka pêk na lêm lo, chubang thil tla ti hen Juda mi tla an sualtir na ding hen khawm ka thinlung ah ka ruat lo,” a ti.

JEREMIA 7:31

Hinom Kuam ah Topheth an ti mi mâichâm an siam le, chunah chun an fanu leh an fapa bâwlnâk ding hen mei ah an rawh ding hen. Chu hâwi ti ding hen thu ka pêk na lo le, ka thinlung khawm ah chu hâwi ti ding hen a um lo.

JEREMIA 8:2

Pumh leh vûi ngangâk hen tual churtirnâk hâwi hen tual tlûnah an rîl lai. Nî, thlâ, ârfi, chubang minung tla nih an duh hen an rian an ṭuan hen thu an deih hen an sawnh mi mâika ah pharh zut hen an um lai.

EZEKIEL 8:16

Churawhchun, Biakin kulh sung leiah a hawng ka kalpi. Chunah mun thenhlimh tualmâi kiangah mi mâichâm leh latnâk karah minung kul leh panga an um. Mun thenhlimh chu dunglei sît hen saklei kângah nî a suak mi mâimûk hen an sawnh le an kûn.

DEUTERONOMY 11:16

LALPA lakah nan um mi chu pathian dang tla leiah pial rîlmâl lah u.

DEUTERONOMY 17:4

Chu hâwi thu nan theih chun deihfiang ver u. A dik mi asi hen chubang hâwi thilsual Israel lakah a hawng um mi asi chun,

DEUTERONOMY 4:19

Vân ah nan muh mi nî, thlâ leh ârfi tla sawnh ding hen khawm perpet hen um lah u. Chubang zawzawng tla chu LALPA nan Pathian nih midang tla rangah sawnh ding hen a pêk na mi asi.

JOSUA 23:16

LALPA nan Pathian nih thudântuk zûl ding a nan pêk na mi nan zûl lo hen, pathian dang tla rianṭuan hen nan sawnh chun a thin thawknâk hen a nan rêp na lai le, hi a nan pêk na mi ram ṭha lakah nan um mi hi zeikar lo ah pakhattê khawm an zuah na lai lo,” a ti.