DEUTERONOMY 17:20 - Bawm Common Language Bible Version

²⁰ A hâwi Israel tla ngâk hen ṭha dauh hen â ruat ding mi leh LALPA thupêk lakah zei kâng khawm ah a zûl lonâk ding mi lakah chu nih chun a vêng ding hen. Churawhchun, kum tam tak lâi a rêl lai le, a thlâk tla nih Israel tla chu thlâk tam tak rangah lâi an rêl lai.

DEUTERONOMY 17:20 ပူးပေါင်းရင်းမြစ်များ

2 SAMUEL 22:23

A dân zawzawng chu ka kil le, a thupêk chu zûl lo hen ka um lo.

1 Lal 11:34

Sikhawmsele, a ram pumpi lam chu ka lâk piak lai lo, a damsung zawzawng chu ka thiltikhonâk hen ka hum lai. Hi ka ti awt mi hi ka to-aw David ka thîm mi, ka dân thu leh ka thupêk a ngâi ruangah asi.

1 Lal 11:36

Solomon fapa rangah phun khat ka tingtir lai; ka to-aw David thlâk tla nih keimah an hawng ka sawnhnâk rang ding ah ka thîm mi Jerusalem ah lâi a rêl kumza ding hen.

1 Lal 15:3

A pa hâwi hen thilsual a ti le, a pu David chu LALPA sinah zumh a kâi hâwi hen LALPA a Pathian sinah zumh a kâi lo thlo.

1 Lal 15:5

David nih Hit mi Uriah lakah a thilti cho lo chu LALPA rangah a lawmhtir hen a thupêk a ngâi ruangah chu chu LALPA nih a ti mi asi.

1 Lal 2:3

LALPA na Pathian nih ti ding thu a nan pêk mi lakah bir tak hen um rawh. Mosi Dân ah rîn mi a thupêk leh a dân thu zawzawng zûl le, chu tikah na kalnâk kip ah thil zeizawng na ti mi kip chu tluang tak hen a um lai.

2 Lal 10:30

LALPA nih Jehu sinah, “Ti ding ka nan duh hâwi hen thil zeizawng Ahab thlâk tla lakah thil na ti le, churuangah na thlâk tla nih san li tiang Israel lakah lal siding hen thu ka nan tiamh,” a ti.

2 Lal 14:10

Tuah Amaziah, Edom mi tla na neh ruangah na zûm asi. Na min thangnâk ruangah a lâwm le, in ah um ziar. Zei rangah nang leh na minung tla râwknâk ding salam hen nawknâk na tuah awt!’ ” a ti.

2 CHRONICLES 25:19

Tuah Amaziah, Edom mi tla na neh ruangah na zûm asi, sikhawmsele in ah um ziar ding hen ka nan simh asi. Nang leh na mi leh râwknâk ding hen zei rangah nawknâk na tuah awt?” a ti.

2 CHRONICLES 26:16

Uziah chu lal a hawng si le, a hawng chak dauh rawh chun zûmnâk thinlung a nei le, chu chu a niam phahnâk asi. Biakin ah rimthâw duah ding hen a kal mi lakah LALPA a Pathian lung a sitir lo.

2 CHRONICLES 33:12

Chu a tuarnâk ruangah chun thinlung ah nâunâk a nei le, LALPA Pathian lei hâwi hen a sinah ṭangpi a ngiar.

2 CHRONICLES 33:19

Lal thlachamnâk leh Pathian nih a sângnâk, a rim lânah thilsual a ti mi tla, lunglo pathiannu Aserah lem leh a sâwnhnâk mun siam mi tla zawzawng chu khuavâng thâwngthâng rînnâk bu ah rîn asi.

2 CHRONICLES 33:23

Sikhawmsele, a pa hâwi hen nâu tak hen LALPA leiah a kîr duh loh, a pa ngâk hen a sual zia a zual dauh.

2 CHRONICLES 34:27

Jerusalem leh a mi tla rêp ding hen thihnâk thu na theih rawh chun na nipuan thlêk hen leh ṭap hen ka mâika ah nâu tak hen na rim.

SAM 119:102

Na sîntirnâk chu ka thlawrhthlâu lo; nangmah tak chu hawng ka sîntirtu na si ruangah.

SAM 132:12

Na fa le tla ka thudîntuk leh ka thupêk lakah dik tak hen an um chun, an fa tla khawm nangmah hâwi hen lal an si vima lai.”

SAM 19:11

Na to-aw rangah theihthiamnâk na ka pêk le; ka zûl ruangah lâwmman pêk hen ka um.

THUFING LASUIBU 10:27

LALPA thu ngâi le, na san a sâu lai. Misual tla chu an thih cham phanh lânah an thi.

THUFING LASUIBU 27:24

neihnâk hi a lun awtlo ruangah. Phun tla khawm hi a um kumza ding asi lo.

THUSIMTU 8:13

Sikhawmsele misual rangah chun sul-le-lam a tluang kho lo. An nungnâk chu thlapelê hâwi asi. Pathian ê-aw an ngâilo ruangah seino an si liauah an thi lai,” an ti mi ka theih.

ISAI 2:12

Chu ni ah chun LALPA zeizawng tikho nih mikip thiltikho tla, mi puar tla, mi zûm tla a nâutir na lai.

HABAKUK 2:4

Thuchah lam chu hi hi asi: ‘Misual rerêng chu zuah an si lai lo, sikhawmsele mirep lam chu Pathian lakah zumh an kâi ruangah an nung lai, ti hi,” a ti.

2 KORIN 12:7

Chun, theihtirnâk tla chu thungâi a fâk ruangah ka sung-û tir tuk lonâk ding hen taksa ah ling hawng ka pêk asi. Setan mifial, kut nurnâk ah hawng ka mangtu ding mi chu; chu lo chun ka sung-û tir tuk lebang lai.

DEUTERONOMY 12:25

Hi bang thupêk tla hi nan zûl chun, LALPA a lâwm lai le, nanmah leh nan thlâk tla rangah thil zeizawng a tluang lai.

DEUTERONOMY 12:28

Thu ka nan pêk na mi zeizawng zumhkâi tak hen zûl ule, nan rangah leh nan thlâk tla rangah sul-le-lam tluangnâk asi kumza lai le; LALPA lawmhtirnâk ding hen thil dik nan ti ruangah.

DEUTERONOMY 12:32

“Thu ka nan pêk na mi zawzawng ti ule, chu lakah mi chu zeikhawm sap lah ule, lawnh ber lah u.

DEUTERONOMY 17:11

An thuthlûk leh an sîntir na mi tla pawm hep u.

DEUTERONOMY 4:2

Thu ka nan pêk na mi lakah zeikhawm sapsuan nâk nei lah ule, chu lakah mi zeitê khawm nan lawnh ding asi lo. LALPA nan Pathian thu ka nan pêk na mi cho zûl u.

DEUTERONOMY 5:32

“Israel mi tla, LALPA nan Pathian nih thu an pêk na mi thil zeizawng nan ti mi chu theih u. A dân pêk pakhat khawm zûl lo hen um lah u.

DEUTERONOMY 8:2

LALPA nan Pathian nih ramkaro pal hen lam lât tak kum sâwmli kar a nan rui na mi kha theihkumza u, a thupêk nan ngâi ma ngâilo, zei hâwi hen nan thinlung a um ti a theih kho ding hen nan lakah harsatnâk tlungtir hen a nan nik na mi kha.

1 PETER 5:5

Chu hâwi ber hen, nannih seino tla, upa tla thu ngâi u. Nan ektê hen rian a ṭuan piak tawnh ule, thinlung nâunâk hen a thuam u. Pathian nih mizûm tla a do le, â nâutir mi tla lam chu zângfahnâk a pêk tâwn ruangah.

1 SAMUEL 10:25

Samuel nih zapi tla chu lal rianṭuan ding mi leh thuneihnâk tla rangah a simhfiang na le, lasuibu ah an rîn le, mun thenhlimh ah an siah. Churawhchun, in leiah a lâwitir na rawh.

1 SAMUEL 15:23

A lakah helnâk hi dâwithiam hen a bang le, lungkhungnâk hi milem sawnh tluk hen a sual. LALPA thu na ngâilo ruangah lalchem siding an duh lo rawh,” a ti.