DEUTERONOMY 17:2 - Bawm Common Language Bible Version

² “Nan khua tla lakah mi khua pakhat ah nunau mawh mipa mawh, LALPA lakah sual leh a thudântuk buar hen

DEUTERONOMY 17:2 ပူးပေါင်းရင်းမြစ်များ

2 Lal 18:12

Israel tla nih LALPA, Pathian thu an ngâilo ruangah Samaria khua chu a tlû rawh. LALPA to-aw Mosi nih dân a pêk mi chu zûl lo hen an râwk. A ngâi khawm an ngâilo, zûl khawm an zûl lo.

2 Lal 21:3

A pa Hezekiah nih a râwk mi lunglotu pathian sawnhnâk mun tla a siam nawlh le; Israel lalchem Ahab nih a ti mi hâwi hen Baal leh pathiannu Aserah lem a siam mi sawnhnâk ding ah mâichâm tla a siam. Manaseh nih ârfi tla khawm a sawnh.

JOB LASUIBU 31:28

Pathian zeizawng duhlotu asi ruangah, chu hâwi sual chu thihnâk hen rêp ding asi.

EXODUS 22:19

“Mipa âuzawng ran pungtu chu thah ding asi.

EXODUS 22:20

“Âuzawng, Kei, LALPA lakah silo hen pathian dang sinah bâwlnâk aptu chu thi ding hen mawhtir an si lai.

JEREMIA 31:32

A lânah anmah thlâktu tla sinah thudântuk li ka siam le, kut hen ka tleih na le, Aigupta mi ka suakpi na liau mi hâwi asi lai lo rawh. Kei chu an lakah pasal hâwi kasi khawm ah, annih nih chun thudântuk chu an zûl lo.

JEREMIA 34:18

Juda leh Jerusalem ah rianṭuantu tla, lal in ah rianṭuantu tla, bâwlpu tla leh ruitu zawzawng tla hen chawpê tan nih an suah mi kar lakah kal hen ka sinah thudântuk an siam. Sikhawmsele an thudântuk chu an buar le, a thu an zûl lo. Churuangah chawchal lakah an ti mi hâwitê hen hi bang mi tla tlûnah ka ti awt.

EZEKIEL 16:38

Ṭângdang pawmtâk hen mi na thah ruangah kan mawhtir awt, ka thinthawknâk leh ka thinrunhnâk hen thihnâk hen ka nan rêp awt.

HOSEA 6:7

“Adam ram ah an lût kâ hen anmah hen thudântuk ka siam mi chu an buar.

HOSEA 8:1

LALPA nih, “Mêlma chu ka ram ah mupi hâwi hen a hawng a thlûr! Râlringnâk hâu âwntir u! Ka mi tla nih an sinah thudân ka tuk mi an buar le, ka sîntir na mi lakah an hel.

LEVITICUS 20:2

“Nan lakah leh ramdang minung nan sinah um mi âuzawng nih Molek pathian sawnhnâk ding ah a fa tla mangtu chu zapi nih lung hen thi thlo seh ding asi.

LEVITICUS 26:15

Ka dân leh ka thupêk tla nan zûl duh lo hen ka thudântuk tla nan buar chun,

LEVITICUS 26:25

Nanmah rêpnâk ding hen tuknâk ka tlungtir lai, ka thudântuk nan buar ruangah; khuapi ah him ding duh hen nan tek lai le, chunah chun dam kho lo mi râi ka hawng tlungtir lai, nan mêlma tla lakah zângran hen pêk nan si lai.

DEUTERONOMY 17:5

chu minung chu khua lênglei ah suah ule, lung hen thi thlo seh u.

DEUTERONOMY 29:18

Hinah mipa, nunau, dâwngsungkhur mawh phun mawh tusûn ni ah dîrtu tla zawzawng nih LALPA nan Pathian chu kaltâk hen phun dang pathian tla nan sawnh lebang lai theih set u. Chubang tla chu thil khâ leh tûr keuh hen a ram a thlâk mi asi sual lebang lai.

DEUTERONOMY 29:25

‘Aigupta ram thawk hen a suakpi na liauah an thlâk natu Pathian sinah thudântuk an siam mi LALPA mi tla nih an buar ruangah ti hen an sâng lai.

DEUTERONOMY 31:20

An thlâktu tla sinah thu ka tiamh rawh mi hâwi hen hi ram ṭha leh neihnâk ram ah ka kalpi na lai. Chunah chun ei ding an duh mi zawzawng an tawng lai le, lungngam tak hen an um lai. Sikhawmsele, mahlo leiah an pial lai le, pathian dang tla an sawnh lai. An ka nawng lai le, ka thudântuk tla an buar lai,

DEUTERONOMY 4:23

LALPA nan Pathian nih nan sinah thudân a tuk mi chu philh lo ding hen theih set u. A thupêk zûl ule, zeitin mi zât lem khawm siam lah u,

HEBRAI 10:28

Mosi Dân siarlo mi chu theihtu panih pathum mawh thu hen, siherhnâk tel lo hen thah an si.

JOSUA 23:16

LALPA nan Pathian nih thudântuk zûl ding a nan pêk na mi nan zûl lo hen, pathian dang tla rianṭuan hen nan sawnh chun a thin thawknâk hen a nan rêp na lai le, hi a nan pêk na mi ram ṭha lakah nan um mi hi zeikar lo ah pakhattê khawm an zuah na lai lo,” a ti.

JOSUA 7:11

Israel tla nih thilsual an ti! Zûl ding thu ka pêk na mi an buar rawh. Veih ding mi thil zeimawh tla an lâk. An fîr le, anmah thil nâwngah an siah.

JOSUA 7:15

Ka thur na mi zawng thil-le-rî ah mawh hen a lang mi chu mei ah duah an si lai, a dâwngsung leh a thil neih hen Israel lakah thil ṭihnungkâi a hawng tlungtir hen LALPA Thudântuk a buar mi ruangah,” a ti.

LÂIRÊL 2:20

LALPA chu Israel tlûnah a rothawk le, “Hi phun nih hin an thlâktu tla sinah zûl ding hen thu ka pêk mi ka thudântuk chu an buar. Ka thu an ngâilo ruangah chun,

LÂIRÊL 6:31

Sikhawmsele Joash nih a mâika dîr mi tla sinah, “Baal ruangah ma nan dîr? Amah nan vêng mi ma? Âuzawng amah ruangah dîrtu chu khua dei lânah thah an si lai. Baal hi pathian tak asi chun amah leh amah a hum seh. Râwk mi mâichâm khawm chu amah tâ asi dangâiah,” a ti.