DEUTERONOMY 17:16 - Bawm Common Language Bible Version

¹⁶ Lalchem nih chun a kawrsen tla rangah rang tla tam tak a nei ding asi lo, rang tla châwk ding hen Aigupta ah mi a fial na ding asi lo, LALPA nih chu ram ah chun a mi tla kîr lo rawh ding a ti ruangah.

DEUTERONOMY 17:16 ပူးပေါင်းရင်းမြစ်များ

2 SAMUEL 8:4

David nih rang tlûnah â chuan mi minung sâng khat leh zasarih leh kê hen a kal mi sîng nih a tleih piak na. A lei mi kari nûktu rang khawm zâ a nei tâwk, a dang vial chu a khêngtir ver na.

1 Lal 1:5

Absalom chu a thi rawh le, David leh Haggith fapa Adonijah chu an fapa upa thibang asi. Amah chu thungâi a mêlṭha. David nih zei lak khawm ah nun a simhnâk a um lo, lal siding hen a tum thlo; rang kari tla a timhtuah le, a mâilei ah kaltu mi sâwmga a ruat.

1 Lal 4:26

Solomon nih kari nûktu rang sîng li leh minung chuanhnâk rang sîng khat leh sâng nih a nei.

1 Lal 5:6

Churuangah chun na mi tla sidar thing hâu ding hen Lebanon ah fial na. Ka mi tla khawm an sinah an ṭuan bâk lai le, na mi tla rianṭuan man chu nangmah nih na ti zia zia ka pêk lai. Kei minung tla chu nangmah mi tla hâwi hen thing hâu an thiamlo ti na theih ko kha,” a ti.

2 CHRONICLES 1:16

Lal hen tlâinâk nei mi tla, Musri leh Silisia thawk hen ram dangah zuar mi tla leh,

2 CHRONICLES 9:25

Lalchem Solomon nih kari leh rang siahnâk mun sângli a nei. Râltuknâk ah chuan ding mi rang sîng khat leh sâng nih a nei. A zeimaw zat chu Jerusalem ah a siah le, a dang tla chu khuapi dang dang ah a siah na.

SAM 20:7

Mi zeimaw mi nih an râltuknâk kari leh an rang tla an rinhsanh le, khawmsele kannih lam nih chun LALPA, kan Pathian thiltikhonâk kan rinhsanh.

EXODUS 13:17

Aigupta lalchem nih mi a suaktir na liauah, Pathian nih Philistia ram kalnâk lampi leiah a kalpi na lo, chu lei chu a nâi dauhnâk sikhawmsele, Pathian nih, “Israel tla chu râltuk ding an si awt ti anna theih ruangah Aigupta ram ah kîr nawlh ding thinlung an nei lebang lai,” ti a ruat.

EXODUS 13:18

Churuangah lam ngâwinâk leiah ramkaro pal hen Tipi Sen leikângah a kalpi na. Israel tla chu râltuk ding hen anna timhtuah rawh.

EXODUS 14:13

Mosi nih a sâng na le, “Lâu rîlmâl lah u! Nan um mun ṭhial lo hen dîr ule, tusûn ah LALPA nih ruang an suah na ding mi nan muh lai; hi Aigupta minung tla hi turî rawh chun nan muh na awtlo rawh asi.

ISAI 2:7

An ram chu ngûn leh tangka hen a khat le, an neih kil khawm dih ti a um lo. An ram chu rang hen a khat le, an kari tla khawm dawng ti a um lo.

JEREMIA 42:19

Churawhchun, ka sim vima le, “Nannih Juda ram ah um mi tla, Aigupta ram ah kal lo ding hen LALPA nih a nan simh na.

EZEKIEL 17:15

Sikhawmsele, Juda lalchem chu a hel le, amah ṭangpitu Aigupta sinah chun rang tam tak leh kawrsen tam tak a deih ding hen a fial. Chu chu a tawng lai ma? Chu nih chun ruang a suah kho lai ma? thutiam chu a râwk kho lai lo le, rêp lo hen a um kho lai lo!

HOSEA 11:5

“Ka sinah kîr ding an duh lo, churuangah Aigupta leiah an kîr lai le, Asiria nih an tlûnah lâi a rêl lai.

HOSEA 14:3

Asiria nih hawng kan hum kho dah ding asi lo, râltuknâk rang tla khawm nih hawng kan hum kho lai lo, kan milem tla sinah kan pathian na si kan ti lai lo rawh. LALPA âu sin khawm pial lotu tla sinah khua na ruat,” a ti.

MIKAH 5:10

LALPA nih, “Chu tikah chun na rang tla ka lâk lai le, na kari tla khawm ka râwk hep awt.

DEUTERONOMY 28:68

LALPA nih chu leiah nan kîr nawlh rêng lai lo rawh a ti menza khawmsele Aigupta ram ah timeilawng hen an kîrtir nawlh ving na lai. Chunah chun sal siding hen nan mêlma sinah va a zuar ding nan tum lai le, sikhawmsele, âukhawm nih châwk ding hen an duh na lai lo,” a ti.

1 SAMUEL 8:11

“Hi hi nan lal nih a nan ti na ding dân chu asi,” ti hen a simhfiang na. “Nan fapa tla chu kawrsen ah a siam na lai le, a zeimaw mi chu a râltuknâk kari khalhtu ah a siam na lai le, a zeimaw mi chu a rang tlûnah chuantu ah, a dang tla chu a kari mâilei ah tek ding hen.