DEUTERONOMY 17:11 - Bawm Common Language Bible Version

¹¹ An thuthlûk leh an sîntir na mi tla pawm hep u.

DEUTERONOMY 17:11 ပူးပေါင်းရင်းမြစ်များ

2 SAMUEL 14:19

Lalchem nih chun a sinah, “Hi thu lakah hin Joab nih an telhsih bâk ma?” a ti. Nunau nih a sâng le, “Bâwipa, nangmah min hen ka sim asi, na thu deihnâk sâng ding hen zeikhawm khamnâk lampi a um lo. Hotu ah na siam mi Joab nih ti ding leh sim ding hen hawng ka simh mi asi.

THUFING LASUIBU 4:27

Sual ti lah le, na mâilei ah ding zar hen kal. Lampi dik lakah mi chu kâr khat khawm pial lah.

LEVITICUS 10:11

Mosi mang hen dân kan pêk na mi zawzawng tla kha Israel mi tla rangah nan sîntir na ding asi,” a ti.

DEUTERONOMY 17:10

Annih nih thu an thlûk lai le, a nan simh na mi hâwitê hen nan ti ding asi.

DEUTERONOMY 17:20

A hâwi Israel tla ngâk hen ṭha dauh hen â ruat ding mi leh LALPA thupêk lakah zei kâng khawm ah a zûl lonâk ding mi lakah chu nih chun a vêng ding hen. Churawhchun, kum tam tak lâi a rêl lai le, a thlâk tla nih Israel tla chu thlâk tam tak rangah lâi an rêl lai.

DEUTERONOMY 25:1

“Israel mi panih an thunawk sim ding hen lâirêlnâk mun ah va kal sele, pakhat chu sual lo hen, pakhat chu sual hen ngaih asi lai.

DEUTERONOMY 28:14

Sikhawmsele, zei lak khawm ah ê-aw ngâilo hen nan um ding asi lo, pathian dang tla sawnh hen a rian nan ṭuan ding asi lo.

DEUTERONOMY 5:32

“Israel mi tla, LALPA nan Pathian nih thu an pêk na mi thil zeizawng nan ti mi chu theih u. A dân pêk pakhat khawm zûl lo hen um lah u.

TITA 3:1

Lal tla leh thuneitu tla lakah a pêk ding tla, ê-aw ngâi ding tla, thil ṭha kip ti ding hen a tim ding leh âukhawm simsiat lo ding leh

JOSUA 1:7

Rep tak leh tumnâk nei thlir leh zumh thlir hen um; Mosi ka to-aw nih a nan pêk mi dân zawzawng zûl ding hen theih set, a zeitê khawm thlawrhthâu lah le, na kalnâk zawzawngah na dingchang lai.

JOSUA 23:6

Mosi Dân bu ah rîn mi thil, zeizawng zûl ding hen a thiamthih u. A zeitê khawm thlawrhthlâu lah ule,

2 PETER 2:10

Chubang tla chu, an taksa duhnâk nâwmtâm lei zûltu tla leh Pathian thuneihnâk zauhnawmhtu tla an si. Hi sîntirtu telê tla hi an râlṭha hen anna zûm le, tlûnlei mi rokualnâk khawm zahnâk an nei lo le, an do lehlam asi.

JUD 1:8

Chu hâwi ber hen, hi bang minung tla nih hin langhtirnâk tla an nei le, chu nih chun an taksa lakah sualnâk a tlungtir le, tlûnlei mi rokualnâk chu an siarlo le, Pathian thuneihnâk khawm an zauhnawmh asi.