DEUTERONOMY 17:1 - Bawm Common Language Bible Version

¹ “LALPA nan Pathian sinah ranrual mawh dawrâ mawh sâwinâk um mi hen a bâwl lah u; chu chu LALPA nih a hua asi.

DEUTERONOMY 17:1 ပူးပေါင်းရင်းမြစ်များ

GENESIS 41:19

Chawpinu dang pasarih an hawng suak nawlh, chu tla chu an râwm hen an ruh fêk. Aigupta ram ah ka muh mi zawng lakah chawpinu sia chem asi.

EXODUS 12:5

Kêl mawh dawrâ mawh zeital nan thîm kho, sikhawmsele, kum khat mi a mipa simsâwinâk umlo mi a siding asi.

THUFING LASUIBU 11:1

Khîng diklo mangtu tla chu LALPA nih a hua. Khing dik tak chu LALPA nih a lawmh.

THUFING LASUIBU 15:8

Mi ṭha thlachamnâk ah LALPA â lâwm le, sikhawmsele misual tla nih bâwlnâk an hawng put mi chu a hua.

THUFING LASUIBU 20:10

LALPA nih diklo tak hen khinghtu leh tahtu chu a hua.

THUFING LASUIBU 6:16

Thil pasarih LALPA nih a hua hen a sâithiam lo mi a um: Zûm tak hen khua hawi, âwkrâwl thusim, thilsual tilo mi thahtu kut, thilsual dawntu thinlung, thilsual ti ding hen thathawk hen kaltu kê, âwkrâwl hen theihtu telê, mah hâwi le sinah nawknâk tuahtu.

LEVITICUS 1:3

A ranrual lakah mi duahphung thil ap ah pakhat a ap chun sâwi ding umlo mi chawchal a put ding asi. LALPA nih rem a ti ding hen LALPA umnâk Puanin tualmâi ah a hawng put ding asi.

MALAKI 1:8

Bâwlnâk ah ran a ngawr mi mawh, a mit a chaw mi mawh, a khêng mi mawh nan hawng put mi lakah zeikhawm diklonâk umlo hen ma nan ruat? Lâirêltu sinah chubang hâwi ran chu pêk nik kher u! A nan lawmh na hen an sunhsak na lai ma?” a ti.

NUMBER 29:8

Duahphung thil ap LALPA sinah pêk ule, a rim nih a lawmhtir asi: chawchal tuai pakhat, dawrâ chal pakhat, dawrâ fa a mipa kum khat mi pasarih simsâwinâk umlo mi pêk ding asi.

DEUTERONOMY 15:21

Sikhawmsele, ran lakah diklonâk a um chun, a khêng hen mawh, a mitchâw hen mawh, râwknâk lian tak a um asi chun LALPA sinah bâwlnâk ah nan mang ding asi lo.

DEUTERONOMY 23:18

LALPA nan Pathian in ah an thutiam zulhpeh ding hen chubang leikângah tawng mi tangka nan hawng put ding asi lo. Â zuar mi minung chu LALPA nih a hua asi.

DEUTERONOMY 24:4

Zeitin tal khawm hen a pasal masa nih a umpi nawlh ding asi lo rawh; chu nunau chu a nâwm rawh mi hâwi hen a ruat ding asi. A umpi nawlh êu mi asi chun LALPA lakah a sual mi asi lai. LALPA nan Pathian nih a nan pêk na mi ram ah chubang hâwi sual ṭihnungkâi chu nan ti ding asi lo.

DEUTERONOMY 25:16

LALPA nih mi perpê tla chu a hua asi.

DEUTERONOMY 7:25

An milem tla chu duah u. Tangka leh ngûn hen siam an si mi kha ngarh lah u, nanmah rang ding hen a lâk lah u. Nan ti bâk chun nan thi phah lai, Pathian nih milem chu a hua ruangah.

HEBRAI 9:14

zungzâl thlarau zârah Krist, simsâwinâk um lo mi bâwlnâk Pathian sinah a ap mi thisen nih chun Pathian nung rianṭuan ding hen kan sia leh ṭha theihnâk chu thilti a thi mi tla lakah chun a thenhlimh awt tuktarâi.

1 PETER 1:19

Dawrâ Fa simsâwinâk um lo leh nâwm kawplo mi Krist thisen sung hen tlanh nan si ti nan theih ruangah.