DEUTERONOMY 16:3 - Bawm Common Language Bible Version

³ Chu buh chu nan ei tikah sang thilnu telh mi hen nan ei ding asi lo. Aigupta ram nan mâk awt liauah mawhsareh nan ei hâwi khan ni sarih chu sang thilnu telhlo mi nan ei ding asi. Chu sang nan ei ding mi chu- tuarnâk sang ti asi lai. Aigupta ram thawk hen nan hawng suak hen, chu ram chu tuarnâk ram asi ti nan damsung zawzawngah nan theih khonâk ding hen.

DEUTERONOMY 16:3 ပူးပေါင်းရင်းမြစ်များ

1 Lal 22:27

Chun, rêngin ah thlâk sele, him tak hen ka hawng kîr nawlh lânlo chu tî leh râwl khawp ual lo hen pêk na seh,” a ti.

SAM 102:9

Na thinrunhnâk leh na thinthawknâk ruangah vachâm chu ka buh asi, ka din mi chu ka mitthli nih a chawmh. Na ka thur le, na ka lawnh ving.

SAM 111:4

LALPA nih a thilchê ti chu hawng kan philhtir lo; vêl a nei hen khua a ruat.

SAM 127:2

Nungnâk ding hen hamh tak a rianṭuan, zîngte thawk leh tlâi tak hen it khawm zeikhawm asi lo. LALPA nih amah dâwttu tla an it liau khawm ah a âwva na ruangah.

EXODUS 12:11

Kal sek ding hen tîm chia hen, nan kê lakah pheikawk bunh hen, nan kut ah ṭhianṭhunh put hen khulrang hen ei u. LALPA, kei nan hawng ka zahnâk ding hen Kalkanh Kût asi.

EXODUS 12:17

Hi kût hi nei ule, Aigupta ram ah mi nan phun kan suaktir na mi ni asi ruangah; zeiliau zawng ah hi kûtnâk hi nan nei kumza ding asi.

EXODUS 12:39

Aigupta ram thawk hen an hawng suakpi mi sang chu an em le, an hawng suak liauah Aigupta ram mi nih mawhsareh hen an nar na ruangah eibâr zeikhawm an timhtuah manh lo.

EXODUS 12:8

Chu zân ah chun sâ chu an em lai le, an nah khâ mi thilnu telh lo sang hen an ei ding asi.

EXODUS 34:18

“Sang Thilnu telh lo Kût nei ule, thu ka nan pêk mi hâwi hen Abib thla ah sang thilnu telh lo ni sarih sung nan ei ding asi, chu thla ah chun Aigupta ram nan suaktâk ruangah.

ISAI 52:12

Tu lam chu nam bû hen nan suak lai lo rawh le; suak ding hen khawm nanna ṭang lai lo rawh. LALPA nan Pathian nih a nan rui na lai le thil zeizawng ah a nan hum na lai.

LEVITICUS 23:6

A ni leinga ni ah chun Sang Thilnu Telh loh Kût dawmh u, ni sarih kar vial chu sang thilnu telh mi nan ei ding asi lo.

ZEKARIA 12:10

“David thlâk leh Jerusalem ah midang um mi tla chu khuaruatnâk thlarau leh thlachamnâk thlarau hen ka khattir na lai. Thi thlo an sunh mi chu an zauh lai le, mi nih a fa neihlem tlûnah a lungfâk mi hâwi a lakah an lungfâk lai. An fa tîr thi mi lakah an lungfâk hâwi hen thungâi an lungfâk lai.

NUMBER 28:17

A ni leinga ni ah phung Kût chu dawmh asi lai le, ni sarih tiang mang asi lai, chu kar zawng chun sang thilnu telh lo hen siam mi ei ding asi.

NUMBER 9:11

thla khat mawh chu ngâk a tam dauh a thla nihnâk ni leili ni zânlei ah mang ding siang asi. Sang thilnu telhlo leh belh khâ hen mang u.

LUK 22:19

Chun, sang a lâk le, lâwmthu a sim thluh rawh chun a phel le, “Hi hi ka taksa, nan rangah pêk ding chu asi; nan hawng ka theihkumzanâk ding hen hi hi ti tâwn u,” a ti.

1 KORIN 5:8

Churuangah, kanna kût lai, thilnu li a kût lo hen, nunsiat leh sualnâk ah kût lo hen, thilnu tel lo hen taknâk leh diknâk sang hen kanna kût lai.

DEUTERONOMY 16:2

Mun pakhat, sawnhnâk ding mun ah chun kal ule, Kalkanh Kût buh LALPA zahnâk ding ah ei ding hen nan ranrual mawh dawrâ mawh pakhat thah u.

DEUTERONOMY 4:9

A vêng thlir u! Philh lo ding hen theih set u, nan mit ngelchel hen nan muh mi kha nan thih lânlo philh lah u. Sinai Tlângah LALPA nan Pathian mâika ah

1 THESALONIKA 1:6

Chun, thu chu hamhnâk tuar bû hen, Thlarau Thenhlimh ah lâwm hen nan pawm le, kanmah leh Lalpa châwngtu nan si.

JOSUA 4:7

Jordan Va ah LALPA Thudântuk Bâwm an tanpi liauah a luang mi tî â dîn thlo ti nan simh na lai. Chu lung nih chun Israel mi tla rangah zei thil a hawng um ti theihtirtu asi kumza lai,” a ti.