DEUTERONOMY 16:2 - Bawm Common Language Bible Version

² Mun pakhat, sawnhnâk ding mun ah chun kal ule, Kalkanh Kût buh LALPA zahnâk ding ah ei ding hen nan ranrual mawh dawrâ mawh pakhat thah u.

DEUTERONOMY 16:2 ပူးပေါင်းရင်းမြစ်များ

2 Lal 23:21

Thudântuk lasuibu ah rîn hâwi hen lalchem Josiah nih mi zapi tla chu LALPA an Pathian zahnâk ding hen Kalkanh Kût mang ding hen thu a pêk na.

2 CHRONICLES 35:7

Lalchem Josiah nih Kalkanh Kût rangah mang ding ah amah ranrual lakah mi dawrâ fa, kêl fa singthum leh chawchal sâng thum a pêk.

NUMBER 9:2

“Hi thla a ni leili ni ah Israel mi tla nih chun a dân hâwitê hen Kalkanh Kût chu nî tlâk rawp ah dawmh hen an mang ding asi,” a ti.

MATHAI 26:17

Chun, Sang Thilnu telhlo ni, ni masa chem ah ṭhiruai tla chu Jisu sinah an hawng kal le, “Kalkanh Kût buh einâk ding hen kha zeiah me an timhtuah piak sele na duh?” an ti.

MATHAI 26:2

“Ni nihnâk ah Kalkanh Kût a hawng um awt ti nan theih, Minung Fapa hi khenh ding hen an tleihtir awt asi,” a ti.

MARK 14:12

Chun, Sang Thilnu telhlo Kût, ni masa chem, Kalkanh Kûtnâk dawrâ fa an thah tâwnnâk ni ah chun, a ṭhiruai tla nih a sinah, “Kalkanh Kût buh na ei khonâk ding hen kha zeiah va timhtuah sele na duh?” an ti.

LUK 22:15

Chun, an sinah, “Ka tuar lânah hi Kalkanh Kût buh hi an eipi na thungâi ka duh asi.

LUK 22:8

Chun, Jisu nih Peter leh Johan sinah, “Kalkanh Kût buh kan ei khonâk ding hen kan rangah va timhtuah u,” ti hen a fial na.

1 KORIN 5:7

Thilnu telh lo mi nan si hâwi ber hen sang tlang thar nan si khonâk ding hen thilnu li chu thianh u. Kan Kalkanh Kût khawm an thah rawh asi, Krist ngelchel chu.

DEUTERONOMY 12:11

LALPA nih amah nan sawnhnâk ding hen mun pakhat cho a thîm lai le, chunah chun thu kan pêk na mi thil zeizawng a sinah nan kalpi lai. Nan bâwlnâk duahphung tla leh bâwlnâk dang tla, parâ lû pakhat leh nan thil ap tla, a bîk hen LALPA sinah thilpêk nanna tiam mi tla LALPA sinah nan pêk ding asi.

DEUTERONOMY 12:14

Nan phun lakah mi phun khat umnâk ah LALPA nih a ruat mi mun pakhat cho ah nan pêk ding asi. Chu mun pakhat cho ah chun ap ding mi bâwlnâk tla, duah ding mi leh thil dang zawzawng tla chu nan ap ding asi.

DEUTERONOMY 12:18

Nanmah leh nan fa tla, nan to-aw leh nan khua lakah Levi um mi tla hen, munkhat dut hen hi bang thil ap tla hi LALPA nan Pathian nih amah sawnhnâk mun ah a thîm mi mun cho ah nan ei dut ding asi. Chunah chun nan thilti zawzawngah nanna lâwm ding asi.

DEUTERONOMY 12:26

LALPA sinah thilpêk ding nan tiamh mi leh nan thil ap tla amah nan sawnhnâk leh thil ap nan pêknâk ding mun pakhat cho ruat u.

DEUTERONOMY 12:5

Nan ram sungah mi nan phun zawzawng tla nih sawnhnâk ding mun chu LALPA nih amah sawnhnâk ding mun pakhat cho a thîm awt.

DEUTERONOMY 15:20

Kum siar hen nanmah leh nan dâwngsung tla hen sawnhnâk mun ah nan ei ding asi.

DEUTERONOMY 16:1

‘LALPA nan Pathian zahnâk ding hen Abib thla ah Kalkanh Kût ulh u;’ chu thla zân ah chun Aigupta ram ah mi ruang an suah na ruangah.

DEUTERONOMY 16:3

Chu buh chu nan ei tikah sang thilnu telh mi hen nan ei ding asi lo. Aigupta ram nan mâk awt liauah mawhsareh nan ei hâwi khan ni sarih chu sang thilnu telhlo mi nan ei ding asi. Chu sang nan ei ding mi chu- tuarnâk sang ti asi lai. Aigupta ram thawk hen nan hawng suak hen, chu ram chu tuarnâk ram asi ti nan damsung zawzawngah nan theih khonâk ding hen.