DEUTERONOMY 16:18 - Bawm Common Language Bible Version

¹⁸ “LALPA nan Pathian nih a nan pêk na mi khua kip ah lâirêltu leh rianṭuantu ruat na u. Chubang tla nih zapi tla chu thliar dangnâk nei lo hen lâi an rêl ding asi.

DEUTERONOMY 16:18 ပူးပေါင်းရင်းမြစ်များ

1 CHRONICLES 23:4

Lalchem nih sîng nih leh sâng li chu Biakin ah rianṭuantu ah a ruat na, sâng ruk chu rîn mi lasuibu kiltu leh thunawk thlûktu ah,

1 CHRONICLES 26:29

Izhar thlâk lakah Kenaiah leh a fapa tla chu rianṭuan ding mi ruat piak an si: Lasui rînnâk singsiahnâk kilkâwi ding leh Israel mi tla thunawk lâirêl piak na ding.

Ezra lasuibu 7:25

Nang, Ezra, Pathian nih finghnâk a nan pêk mi mangtu, Eufretis thlanglei ah um mi tla, na Pathian Dân zûltu tla zawzawng tlûnah zauhkhenhtu ah leh lâirêltu ah ka nan ruat asi, Dân theihlo tla na sîntir na ding asi.

EXODUS 18:21

Sikhawmsele, thil dang lakah chun a tlâk dauh mi minung thîm le, zapi minung ruitu ding ruat na le, sângkhat ruitu, zâ ruitu, sâwmngâ ruitu, parâ ruitu tla ding mi ruat na. Pathian ṭih mi, mi zumhkâi, nawhnâk lâk lo mi an siding asi.

EXODUS 21:22

“Mi anna sual hen nunau a râi mi rangah ngânfâk an pêk hen a fa a siat chun, chu nunau chu a dêngkhuai lah khawmsele, ngânfâk pêktu nih chun chu nunau pasal nih a hauh zat zawng a châwi ding asi, lâirêltu tla remtinâk hen.

EXODUS 21:6

a pu nih Pathian sawnhnâk mun ah a kalpi ding asi. Chunah kawtkâ mawh kawtkâ tung kiangah dîrtir sele, a nâ vih seh. Churawhchun, san tlum hen a sal asi lai rawh.

THUFING LASUIBU 31:23

A pasal khawm khua lakah ruitu tla hen anna mêltheih.

MATHAI 5:21

“Tuan liau mi tla sinah chun, ‘Mi na thah ding asi lo,’ an ti mi leh ‘Âuzawng mi thahtu vial chu lâirêlnâk ah dîr ṭihnungkâi tak hen a um lai,’ an ti, ti nan theih rawh.

MATHAI 5:22

Kei lam nih chun, ‘Âuzawng a unau tlûnah thinruntu vial chu lâirêlnâk ah dîr ṭihnungkâi tak hen a um lai le, âuzawng a unau sinah, ‘Nang, mido-tla-lo,’ titu vial chu lâirêltu tla rêl piak ding ṭihnungkâi tak hen a um lai; chun, âuzawng ‘Nang mi â’ titu vial chu Gehena mei ah lawnh ṭihnungkâi tak hen a um lai ti ka nan simh na.

DEUTERONOMY 16:17

Mikip nih thilpêk LALPA nan Pathian nih malsâwmnâk a pêk na mi chu mah tikho tâwk hen an pêk ding asi.

DEUTERONOMY 16:19

An lâirêlnâk lakah khat leikâng ṭângṭawmnâk nei hen diklo tak hen lâi an rêl ding asi lo; nawhnâk khawm an ei ding asi lo, thilpêk nih mifing leh mi zumhkâi mit a châwttir le, diklo tak hen thu thlûknâk a siam tâwn.

DEUTERONOMY 17:12

Âuzawng lâirêltu mawh bâwlpu tla nih an ti mi siarlo tak hen zûl duhlotu tla chu thah ding asi; chu hâwi hen Israel lakah mi thilsual chu nan lawnh ding asi.

DEUTERONOMY 17:9

Levi bâwlpu tla leh lâirêltu, chu liauah rianṭuan hen um mi sinah nan thunawk tlunh ule, anmah rangah thu chu thlûktir na u.

DEUTERONOMY 21:2

nan hotu leh lâirêltu tla chu an va kal lai le, a kiang mi khua tla chu ruak hen zei vial a lât tah na seh.

DEUTERONOMY 25:1

“Israel mi panih an thunawk sim ding hen lâirêlnâk mun ah va kal sele, pakhat chu sual lo hen, pakhat chu sual hen ngaih asi lai.

1 SAMUEL 8:1

Samuel chu a tar rawh chun a fapa tla chu Israel tla tlûnah lâirêltu ah a siam na.