DEUTERONOMY 16:16 - Bawm Common Language Bible Version

¹⁶ “Nan phun ah minung zawzawng sawnhnâk mun pakhat ah LALPA sawnh ding hen kum khat ah veithum nan kal ding asi: Kalkanh kût, Fângzûn kût leh Basâ Kût liau tla ah.

DEUTERONOMY 16:16 ပူးပေါင်းရင်းမြစ်များ

1 Lal 9:25

Solomon nih kum khat sungah duahphung leh kawmhnâk thil ap tla chu LALPA mâichâm a siam mi lakah veithum a ap. LALPA sinah rimthâw tla a duah. Churawhchun, Biakin chu a lîm rawh.

2 CHRONICLES 8:13

Ni thenhlimh ni kip ah Mosi dân ah a herh zia hâwi vima hen duah mi thil chu a ap: Dinhni, Thla Thar Kût, kum siar hen kût pathum, Sang Thilnu Telhlo Kût, Fângzûn Kût, leh Basâ Kût tla an si.

Ezra lasuibu 3:1

A thla sarihnâk ah chun Israel tla chu mah khua chiauah an um rawh. Jerusalem ah anna pum ver le,

NEHEMIAH 8:15

Churawhchun, hi bang sîntirnâk tla hi Jerusalem leh khuapi dang kip ah an kuat na: “Suak hen tlâng leiah kal ule, far ṭeng, oliv ṭeng, lênmui ṭeng, tûmkâu, leh thing dang ṭeng tla Dân lakah sîntir mi hâwi hen thing ṭeng hen basâ khuar u,” an ti na.

SAM 122:4

Hi hi Israel phun tla LALPA sinah a thupêk hâwi hen lâwmthu sim ding hen an hawng kalnâk mun chu asi.

SAM 84:7

An kal liau chun an chak dadauh le, Pathian tla Pathian chu Zion ah an muh lai.

SAM 84:8

LALPA Pathian, Zeizawng tikho, ka thlachamnâk theih rawh. Jakob Pathian! ngâi rawh.

SAM 96:8

LALPA min rokual chu sawr ule, thilpêk tla put hen a Biakin ah hawng u.

EXODUS 34:20

Sikhawmsele, chu fa tîr sanatung tla khawm bâwlnâk ding mi dawrâ hen a ruangrûl ah tlanh u. Nan tlanh lo chun a ngâwng chu nan khiak ding asi. Mipa fa tîr chu na tlanh nawlh ding asi. “Thil ap put lo hen ka mâika ah âukhawm hawng a langh lah na seh.

EXODUS 34:24

Phun zawzawng nan mâika ah mi ka nar ver na hen nan ram ka kauh lai le, hi kût pathum sungah chun nan ram lâk ding âukhawm an tum lai lo.

ISAI 23:18

A sawlehnâk ah a tawng mi tangka chu LALPA sinah ap asi lai. A kil ving lai lo le, LALPA sawnhtu tla nih buh châwknâk leh an nipuan herh châwknâk ah an mang lai.

ISAI 33:20

Kan phung kûtnâk Zion khuapi chu zauhnik. Jerusalem chu zauhnik! A sungah him tak hen umnâk mun ding tak asi a! Puanin ṭhial dahlo mi leh a rêngnâk tung phâwi dahlo mi leh a thuamhnâk khawm siat dahlo mi hâwi asi lai.

EZEKIEL 36:38

Tuah khuapi râwk dep hen um mi tla chu Jerusalem ah kût ni ah bâwlnâk ah ap ding mi dawrâ rual a khat zat hâwi hen mi zapi tla an khat zat lai. Churawhchun, kei, LALPA kasi ti an theih lai,” a ti.

HAGAI LASUIBU 1:9

“Tamtak zûn ding nan lungum le, sikhawmsele tâwmtê cho nan tawng. Nan ât mi chu in ah nan tlunh rawh chun keimah nih ka sêm ving. Chu chu zei rangah ka ti? Ka Biakin râwk dep hen a um liauah mikip mah in leiah an rianṭuan ah anna nawk ver ruangah asi.

MATHAI 2:11

Chun, in sungah an va lût le, a nu Mari sinah nâutê chu an muh le, an bawk le, mâi an mûk; chun, an robâwm tla an awng le, a sinah chun lâwmman ngûn tla, bawrâw tla leh murrah tla an pêk.

MARK 12:3

Chun, chu minung chu an tleih le, an vuak le, kut karo hen an kîrtir nawlh rawh.

JOHAN 7:2

Chun, Juda tla Basâ Kût chu a nâi rawh.

DEUTERONOMY 16:15

Sawnhnâk mun pakhat ah hi kût hi LALPA nan Pathian zahnâk ding hen ni sarih ulh u. LALPA nih nan fângzûn leh nan rianṭuan mal a sâwm ruangah a lâwm u.

DEUTERONOMY 16:17

Mikip nih thilpêk LALPA nan Pathian nih malsâwmnâk a pêk na mi chu mah tikho tâwk hen an pêk ding asi.

DEUTERONOMY 31:11

Sawnhnâk ding mun pakhat ah Israel mi tla nih LALPA an Pathian sawnh ding hen an hawng tikah rêl piak na rawh.

1 SAMUEL 1:3

Elkanah chu kum siar hen Ramah khua thawk hen Siloh khua ah LALPA zeizawng tikho sinah bâwlnâk ap ding leh va sawnh ding hen a kal tâwn le, chunah chun Hopni leh Phinehas Eli fapa panih chu LALPA bâwlpu an si.

1 SAMUEL 6:3

“Israel tla sinah LALPA Thudântuk Bâwm nan khirh nawlh na chun nan sual man rangah thilpêk nan kuat sih ngelchel ding asi, Thudântuk Bâwm chu lâwmman tel lo hen nan khirh nawlh ding asi lo. Hi hâwi hen nan ti chun damh hen nan um lai le amah ruangah rêp nan si mi khawm nan theih lai,” an ti.