DEUTERONOMY 13:9 - Bawm Common Language Bible Version

⁹ Amasa chem ah lung hen seh masatu si rawh, chu tikah midang tla khawm nih seh bâk na seh.

DEUTERONOMY 13:9 ပူးပေါင်းရင်းမြစ်များ

LEVITICUS 24:14

“Kha minung kha riaknâk mun ah mi lêng ah suah ving u. Siatbarh liau theihtu zawng nih a lû tlûnah an kut thâng na seh, a sual ti theihnâk ding hen, churawhchun zapi nih thi thlo hen lung hen seh na seh.

MATHAI 10:37

“Âuzawng a nu mawh a pa mawh keimah ngâk hen dâwt dauhtu chu ka mi si tlâk asi lo. Âuzawng a fanu mawh a fapa mawh keimah ngâk hen dâwt dauhtu khawm chu ka mi si tlâk asi lo.

LUK 14:26

“Âuzawng ka sinah hawng kaltu nih chun a pa le, a nu le, a nupi le, a fa le, a unau le, a farnu le, amah nungnâk khawm a hua lo chun ka ṭhiruai asi kho lai lo.

JOHAN 8:7

Chun, an deih seset ruangah anih chu a thawk le, an sinah, “Nan lakah sual nei lo mi zawng nih amah chu lung hen seh masa seh,” a ti.

THILTI 7:58

khua thawk hen an nar le, lung hen an seh. A theihtu tla nih chun tlangvâl pakhat a min Sawl kê bul ah chun an puan tla an siah.

DEUTERONOMY 13:5

Aigupta ram ah sal nan sinâk ah mi an suah natu lakah heltu, mang simhfiangtu mawh, khuavâng mawh si mi âutal nan thah na ding asi. Chubang hâwi minung tla chu misual, LALPA nih um ding dân thu an pêk na mi lakah mi chu pial tâk ding hen an awt natu an si. Chu sualnâk lakah mi chu nan suak khonâk ding hen anmah tla chu nan thah na ding asi.

DEUTERONOMY 25:12

khuaruat lah ule; a kut tan piak u.

DEUTERONOMY 7:16

LALPA nan Pathian nih nan thiltikhonâk lakah a siah mi zawzawng tla chu veih dep na ule, khuaruatnâk an tlûnah nei lah u. An pathian tla chu sawnh lah u, thihnâk ding mi asi awt ruangah.

DEUTERONOMY 7:2

LALPA, nan Pathian nih hi bang minung tla hi nan thiltikhonâk ah a siah na hen nan neh na tikah chun nan thah hep na ding asi. Anmah hen a tlainâk mawh, an lakah khuaruatnâk rêng nei lah u.