DEUTERONOMY 13:7 - Bawm Common Language Bible Version

⁷ An lakah âunih mawh, nan kiangkam mi pathian mawh, lât tak a um mi pathian mawh sawnh ding hen an fawrh na kho.

DEUTERONOMY 13:7 ပူးပေါင်းရင်းမြစ်များ

JEREMIA 44:15

Churawhchun, pathian dang tla sinah an nupi tla nih bâwlnâk an ap ti theihtu tla zawzawng leh chunah nunau dîr mi zawzawng Israel tla Aigupta simlei ah um mi, zapi minung tam tak nih ka sinah,

NUMBER 25:4

Mosi sinah, “Israel ruitu tla chu, ka thu ngâi hen put na le, zapi tlûnah ka thinthawknâk a reh khonâk ding hen sûn nî chêu ah thah hep na,” a ti.

DEUTERONOMY 13:6

“Na unau nih mawh, na fapa nih mawh, na fanu nih mawh, na nupi na dâwt tak mi nih mawh, na kâwi tak nih mawh, an thlâk natu nih an sawnh dahlo mi pathian sawnh ding hen an fawrh na kho.

DEUTERONOMY 13:8

Anmah perpet ding hen um lah ule, an thu khawm ngâi lah u. An lakah khuaruat lah ule, lungkham lah na ule, hum lah na u.

DEUTERONOMY 6:14

Pathian dang sawnh lah ule, nan kiangkam ah um mi tla pathian zeikhawm sawnh lah u.

JOSUA 24:15

Amah rian chu ṭuan ding nan duh lo asi âwk leh tusûn ni ah hin âu rian nan ṭuan awt a ruat set u. Tuah nan umnâk ram Amor tla pathian mawh Mesopotamia ram ah an thlâk natu pathian rian ma nan ṭuan awt thlûk u. Kei leh ka dâwngsung lam nih chun LALPA rian kan ṭuan lai,” a ti.