DEUTERONOMY 13:5 - Bawm Common Language Bible Version

⁵ Aigupta ram ah sal nan sinâk ah mi an suah natu lakah heltu, mang simhfiangtu mawh, khuavâng mawh si mi âutal nan thah na ding asi. Chubang hâwi minung tla chu misual, LALPA nih um ding dân thu an pêk na mi lakah mi chu pial tâk ding hen an awt natu an si. Chu sualnâk lakah mi chu nan suak khonâk ding hen anmah tla chu nan thah na ding asi.

DEUTERONOMY 13:5 ပူးပေါင်းရင်းမြစ်များ

1 Lal 13:19

Churawhchun, Juda ram mi khuavâng chu khuavâng tarpa in ah a va kal le, a sinah buh a ei rawh.

1 Lal 18:40

Elija nih, “Baal khuavâng tla kha tleih na ule, pakhat khawm suah lah na u, a ti na. Mi zapi tla nih an tleih hep na le, Elija nih Kison tiva ah a kalpi na le, a thah hep na.

2 CHRONICLES 34:31

A lal umnâk mun ah chun a dîr le, LALPA sinah a thu ngâi ding leh a thinlung zawzawng leh a thlarau zawzawng hen a dân thu leh a thupêk zûl ding hen thudântuk a siam, chu lasuibu ah thutiamnâk a nei mi zawzawng chu mang rawh ding hen.

JEREMIA 14:15

Kei, LALPA nih, chubang khuavâng keimah fial lo mi khuavâng tla tlûnah thil ka ti ding chu ka nan simh na asi, sikhawmsele ka min hen râltuknâk leh pâmnâk hi ram ah hin a hawng tlung awtlo titu tla chu râltuk leh pâmnâk hen ka thah na awt.

JEREMIA 50:6

“Ka mi tla chu dawrâ a dâwngpu nih tlâng sâng takah a thlâu na mi hâwi an si. Dawrâ rual hâwi hen tlâng khat thawk hen tlâng dang tla khawm ah an vâi le, an umnâk in khawm an theih lo rawh.

JEREMIA 7:23

Sikhawmsele thu ka pêk na mi chu an Pathian kasi khonâk ding leh annih chu ka mi le an si khonâk ding hen ê-aw ngâi ding hen thu ka pêk na asi. An sul-le-lam tluangnâk ding hen thu ka pêk na mi hâwitê um ding hen ka simh na.

ZEKARIA 13:3

Âuzawng thu sim nget rihtu chu âwkrâwl thusim hen LALPA thu ka sim ti a ti ruangah a nu leh a pa nih thah ding mi na si an ti lai. Thu a sim liau takah a nu leh a pa tak nih thi thlo an sunh lai.

THILTI 13:8

Sikhawmsele, Elima dâwithiam (chu chu a min umzia asi), chu nih chun lal ruangrûl chu lungtir lo ding tum hen annih chu a kham na.

DEUTERONOMY 13:10

Thi thlo hen seh u! Aigupta ram ah sal nan sinâk ah mi an suah natu LALPA nan Pathian lakah mi chu mahlo leikângah an pialpi na ding hen a awt ruangah.

DEUTERONOMY 13:15

chu khua mi an minung leh ranrual hen thah hep na u. Chu khua chu veih dep u.

DEUTERONOMY 13:9

Amasa chem ah lung hen seh masatu si rawh, chu tikah midang tla khawm nih seh bâk na seh.

DEUTERONOMY 17:5

chu minung chu khua lênglei ah suah ule, lung hen thi thlo seh u.

DEUTERONOMY 17:7

Theihpitu tla nih a masa chem hen lung hen an seh lai le, chu tikah midang tla nih chu minung chu lung hen an seh ding asi; hi hâwi hen sualnâk lakah nanna thlei ding asi.

DEUTERONOMY 18:20

Sikhawmsele zei khuavâng zawng keimah thupêk lo hen ka min hen thusimtu chu, chu hâwi a ti ruangah a thi ding asi, chu hâwi hen zei khuavâng tal pathian dang tla min hen thusimtu tla chu an thi ding asi,’ a ti.

DEUTERONOMY 19:19

mi a phiar mi rêp tawng ding mi chu a phiartupa nih rêp a tawng rûl lai. Chu hâwi hen nan lakah sual chu nan veih ding asi.

DEUTERONOMY 22:21

a pa tualmâi ah an kalpi lai le, khua mi minung tla nih thi thlo hen lung hen an seh ding asi. Kan mi lakah thil ningzakkâi tak a ti hen, pasal nei lânah a pa in ah a um liauah pung hen a um ruangah. Hi hâwi hen Israel lakah thilsual chu nan veih ding asi.

DEUTERONOMY 22:24

an panih hen khua lênglei ah nan suakpi hen thi thlo lung hen nan seh na ding asi. Khua lakah hâu theihkhonâk ah um ko hen chu nungâk chu ṭangpitu hâwl hen a âu lo ruangah a thi ding asi. Chu mipa khawm chu mi deih mi nungâk a pung ruangah a thi bâk ding asi. Hi hâwi hen chubang sualnâk chu nan veih ding asi.

DEUTERONOMY 24:7

“Âuzawng mah Israel phun lakah mi a fîr hen sal ah a siam hen mawh sal ah zuartu chu thah ngelchel ding asi. Hi hâwi hen chubang thilsual tla chu nan veih ding asi.

DEUTERONOMY 26:14

Ka ulh liau khawm ah chu lakah mi zeikhawm ka ei lo; dân ah thianglo hen ka um khawm ah ka in ah chu lakah mi zeikhawm ka lâk lo; mi thi rangah thil ap ah chu lakah mi zeikhawm ka pêk lo. LALPA, na thu ka ngâi le; parâ lû ah pakhat thu ah na thupêk hâwi hen ka zûl ver.

DEUTERONOMY 4:19

Vân ah nan muh mi nî, thlâ leh ârfi tla sawnh ding hen khawm perpet hen um lah u. Chubang zawzawng tla chu LALPA nan Pathian nih midang tla rangah sawnh ding hen a pêk na mi asi.

DEUTERONOMY 6:13

LALPA nan Pathian chu ṭih ule, amah cho chu sawnh u, amah min cho hen thutiamnâk nei u.

DEUTERONOMY 7:4

nan fa le tla chu LALPA lakah mi pathian dang sawnh ding hen an rui na awt ruangah. Chubang hâwi thil a hawng um sual chun, LALPA nan tlûnah a thinthawk lai le, an veih sawm na lai.

JOSUA 23:8

Chu hâwi ding ngâk hen, tuah nan umdân hâwi hen LALPA lakah chun zumhkâi hen um u.

THUPHUANG 19:20

Chun, sarâng chu an tleih le, khuavâng telê, sarâng singsiahnâk nei mi leh a lem maimûktu tla, an perpet na tâwnnâk thilchê a mitmuh ah titu tla kha an tleih sih le, an panih hen kât hen a kâng mi meizur ah a nung hen an lawnh na.

LÂIRÊL 20:13

“Tuah Gibeah khua mi misual tla chu kan kut ah hawng kan pêk u; chu tikah kan thah na lai le, Israel lakah mi thilsual chu kan veih lai,” an ti. Sikhawmsele, Benjamin mi tla nih Israel dang tla thusim chu an ngâi piak duh na lo.

1 SAMUEL 12:14

Nan lalchem leh nanmah nih LALPA, Pathian chu nan zûl hen nan zah hen a duhzia nan ti hen a thu nan ngâi hen a thupêk tla nan zûl chun zeizawng tluang tak hen a kal lai.