DEUTERONOMY 13:4 - Bawm Common Language Bible Version

⁴ LALPA chu ṭih hen amah chu zûl ule, ê-aw ngâi tak hen a thupêk tla zûl u, zumhkâi tak hen amah chu sawnh u.

DEUTERONOMY 13:4 ပူးပေါင်းရင်းမြစ်များ

2 Lal 23:3

Josiah chu a lal tonâk mun ah a dîr le, LALPA sinah amah thu ngâi ding leh a dân thupêk tla thinlung leh thlarau ah kil ding leh thudântuk bu lakah thupêk rîn mi tla chu mang rawh ding hen LALPA sinah thutiamnâk a siam. Mi zapi zawzawng khawm nih thudântuk chu zûl ding hen thu anna tiam.

2 CHRONICLES 34:31

A lal umnâk mun ah chun a dîr le, LALPA sinah a thu ngâi ding leh a thinlung zawzawng leh a thlarau zawzawng hen a dân thu leh a thupêk zûl ding hen thudântuk a siam, chu lasuibu ah thutiamnâk a nei mi zawzawng chu mang rawh ding hen.

JEREMIA 7:23

Sikhawmsele thu ka pêk na mi chu an Pathian kasi khonâk ding leh annih chu ka mi le an si khonâk ding hen ê-aw ngâi ding hen thu ka pêk na asi. An sul-le-lam tluangnâk ding hen thu ka pêk na mi hâwitê um ding hen ka simh na.

MIKAH 6:8

Silo e! LALPA nih a ṭha mi hawng kan simh rawh, kan lakah a duh mi chu hi hi asi; diknâk, zângfahnâk dawnglo langhtirnâk leh amah Pathian hen nâutak hen a kawmh ding a duh mi chu asi.

LUK 1:6

An panih hen Pathian mitmuh ah rep tak hen an um le, simsâwi kawplo hen Lalpa thupêk leh dân zâwzawng zâwt hen an um tâwn.

ROM 6:13

Nan taksa ṭeng tla khawm replonâk ruakhâu rang ding ah sualnâk ah pêk siang lah u; khawmsele, mithi lakah mi nung nawlh hâwi hen Pathian sinah a pêk ule, nan taksa ṭeng tla khawm chu repnâk ruakhâu rang ding ah Pathian sinah pêk siang dauh u.

1 KORIN 6:17

Lalpa lakah a pêk mi lam chu amah hen Thlarau pumkhat an si.

DEUTERONOMY 10:20

LALPA nan Pathian thu cho ngâi ule, amah cho sawnh u. A sinah zumhkâi tak hen um ule, amah min cho hen thutiamnâk nei u.

DEUTERONOMY 11:1

“LALPA nan Pathian chu dâwt ule, a dân zawzawng tla chu zûl kumza u.

DEUTERONOMY 30:20

LALPA nan Pathian chu dâwt ule, a lakah ê-aw ngâi hen zumhkâi hen um u, chu tikah an thlâk natu Abraham, Isak leh Jakob tla sinah pêk ding hen thu a tiamh mi ram ah nanmah leh nan thlâk tla hen sâwt tak nan um lai,” a ti.

DEUTERONOMY 6:13

LALPA nan Pathian chu ṭih ule, amah cho chu sawnh u, amah min cho hen thutiamnâk nei u.

DEUTERONOMY 6:5

LALPA nan Pathian chu nan thinlung zawzawng hen nan thlarau zawzawng hen nan chaknâk zawzawng hen dâwt u.

KOLOSA 1:10

Chun rianṭuan kip ah rah hen Pathian theih rangtlingnâk ah mavua dadauh hen lâwm tak a felfênâk leh dawnhkhonâk kip nei kho ding hen a rokualnâk chak zia hâwi vima a chaknâk kip ah chak hen, Pa, chêu ah mi thenhlimh tla ro chu bâwm bâk tlâk a hawng kan siamtu sinah chun lâwmthu simh hen zeizawng lakah amah lungâwitir ding hen Lalpa zûl tlâk hen nan um kho lai.

2 JOHAN 1:6

Pathian thupêk hâwitê kan um ding mi chu asi, zângfahnâk ka ti mi chu. Thupêk a tîr thawk hen nan theih rawh mi chu hi hi asi, zângfahnâk ah nan um ding mi chu asi.

1 SAMUEL 7:3

Samuel nih Israel mipi tla sinah, “LALPA leiah nan kîr ding tak asi chun nan thinlung zawzawng hen ramdang pathian tla leh pathiannu Astarte lem tla lakah nanna thliar ding asi. Nanmah tak kha LALPA sinah a pumpêk tlak ule, chu tikah Philistia thiltikhonâk ah mi chu ruang an suah na lai,” a ti.