DEUTERONOMY 13:2 - Bawm Common Language Bible Version

² chu leikângah kalpi ding hen an awtpi na kho; chu hâwi hen ti na menza khawmsele,

DEUTERONOMY 13:2 ပူးပေါင်းရင်းမြစ်များ

1 Lal 13:3

Khuavâng nih a sim vima le, “Hi mâichâm hi a tlû hen â râwk lai le, a tlûnah vachâm tla hi â thektham ver lai. Chu tikah keimah mang hen Pathian nih thu a sim mi hi na theih lai,” a ti.

EXODUS 22:19

“Mipa âuzawng ran pungtu chu thah ding asi.

EXODUS 7:22

Churawhchun, lalchem dâwithiam tla nih an dâwi hen chu hâwitê hen an ti bâk le, lalchem chu a lân hâwi hen a lung a khung nget rih. LALPA nih a sim hâwi hen lalchem nih Aron leh Mosi thu chu a ngâi duh lo nget rih.

JEREMIA 23:32

Kei, LAPA nih ka sim mi hi ngâi rawh! Âwkrâwl karo hen an mang thu simtu khuavâng chu ka do asi. Anna zûmnâk leh âwkrâwl thu hen ka mi tla chu chubang mang thu tla sim hen mahlo leiah an kalpi na. Kei nih kal ding hen ka fial na hen thu ka pêk na mi asi lo, ka mi tla rangah ṭangpitu an si lêm lo. Kei, LALPA nih ka sim asi,” a ti.

JEREMIA 27:9

Nan khuavâng tla mawh, mâilei ding mi thusimtu âuzawng, mang manhtu leh mithi thlarau kawhtu leh mitleh dâwithiam tla thu ngâi lah u. Chubang zawng tla nih chun Babulon lalchem sinah a pêk lo ding hen an simh na.

JEREMIA 28:9

Sikhawmsele, khuavâng thlangamnâk thu simkantu chu a simkan mi dik tak hen a hawng tlung tik cho ah LALPA nih a fial mi khuavâng tak asi ti pawm kho asi lai,” a ti.

ZEKARIA 10:2

Mi nih milem leh chamchawh thiam tla sinah thu an deih le, sikhawmsele sângnâk an tawng mi chu âwkrâwl leh zeikhawm lo mi asi. Mi zeimaw mi nih mang an simhfiang le, sikhawmsele amahlo leiah pialtirtu cho asi le; thlangamnâk thu an sim mi khawm mangtlâk asi lo. Churuangah mi tla chu dawrâ a tlâu mi hâwi hen an vâi. Ruitu an nei lo ruangah an lawk a sawng.

MATHAI 24:24

Mesia telê leh khuavâng telê tla an hawng suak awt ruangah; chu tla nih chun ti kho sele thîm tla men an perpet khonâk ding hen singsiahnâk leh thilchê rokual tak tla an ti lai.

DEUTERONOMY 13:13

mi-do-tla-lo zeimaw mi nih a lânah nan sawnh dahlo mi pathian sawnh ding hen an khua lakah mi minung tla mahlo leikângah an kalpi na mi nan theih tâwn lai.

DEUTERONOMY 13:6

“Na unau nih mawh, na fapa nih mawh, na fanu nih mawh, na nupi na dâwt tak mi nih mawh, na kâwi tak nih mawh, an thlâk natu nih an sawnh dahlo mi pathian sawnh ding hen an fawrh na kho.

DEUTERONOMY 18:20

Sikhawmsele zei khuavâng zawng keimah thupêk lo hen ka min hen thusimtu chu, chu hâwi a ti ruangah a thi ding asi, chu hâwi hen zei khuavâng tal pathian dang tla min hen thusimtu tla chu an thi ding asi,’ a ti.

DEUTERONOMY 18:22

Khuavâng nih LALPA min hen thu a sim hen, a thusim chu a diklo asi chun LALPA thuchah asi lo. Chu khuavâng chu mah thu hen a sim mi asi le, amah chu nan ṭih ding asi lo.