DEUTERONOMY 13:17 - Bawm Common Language Bible Version

¹⁷ Zei thil tal rawk ding hen nawmh asi mi chu mah rangah kil lah u, chu tikah LALPA nih a thinthawknâk a lêt lai le, nan lakah khua a ruat lai. A nan thlâk natu tla sinah thu a tiamh mi hâwi hen nan lakah khua a ruat lai le, a nan puatir na lai.

DEUTERONOMY 13:17 ပူးပေါင်းရင်းမြစ်များ

GENESIS 26:24

Chu zân ah chun a sinah LALPA â langh le, hi hâwi hen a ti, “Kei hi na pa Abraham Pathian kasi, lâu rîlmâl lah; na sinah ka um, ka to-aw Abraham sinah thu ka tiamh mi ruangah mal ka nan sâwm lai le, thlâk tam tak ka nan pêk lai,” a ti.

GENESIS 26:4

Vân ah mi ârfi zat hen thlâk tla ka nan pêk lai. Hi ram zawzawng tla hi ka pêk na lai. Na thlâk tla mal ka sâwm na mi hâwi hen phun zawzawng nih an hawng ka deih lai.

GENESIS 28:14

Na thlâk tla chu tual ah valeidip zat hen an zan lai. Mun kip ah an ram an kauh vima lai le, nang leh na thlâk tla ruangah phun zawzawng mal ka sâwm na lai.

SAM 78:38

Sikhawmsele Pathian nih a mi le tla tlûnah khua a ruat. An sual a ngaihdam le, a veih na loh. Vei tam tak a thinthawknâk a lêt hen â sûm.

SAM 85:3

An lakah na thinthawknâk chu na lêt le; na thinrunhnâk fâk tak chu na nâwp.

EXODUS 20:6

Sikhawmsele, hawng ka duhtu leh ka dân zûltu tla chu, an thlâk tla, san sâng tiang hen ka dâwtnâk an sinah ka langh lai.

EXODUS 32:12

Aigupta mi tla nih Aigupta ram thawk hen a suakpi na mi chu tlângah thah na hen, veih dep na ding a tum mi ma kha a, an ti lai lo mazei? Na thinrun lah; na thinlung lêt le, na mi le tla lakah hi siat leh râwknâk hi tlungtir lah.

LUNGFÂKNÂK 3:32

Ngaihsia tak hen hawng kan umtir kho. Sikhawmsele, hawng kan dâwtnâk chu a fâk thlo asi ti theih chia asi.

EZEKIEL 37:26

Anmah him kumzanâk ding thudântuk ka siam lai. Ka birhtir na lai le, ka zantir na lai, an ram ah ka Biakin ka siah lai le, chunah chun a um kumza lai rawh.

HOSEA 11:9

Ka thinthawknâk hen kan rêp na lai lo; Israel chu ka veih lai lo rawh. Minung silo hen Pathian kasi dangâiah. Kei, mi thenhlimh chu nan sinah ka um. Thinrun bû hen nan sinah ka hawng lai lo.

NUMBER 25:4

Mosi sinah, “Israel ruitu tla chu, ka thu ngâi hen put na le, zapi tlûnah ka thinthawknâk a reh khonâk ding hen sûn nî chêu ah thah hep na,” a ti.

1 KORIN 16:22

Âuzawng nih Lalpa a dâwt lo chun siatphurh hen um seh! Maranatha- Kan Lalpa chu a hawng kal hi!

DEUTERONOMY 13:18

Tusûn ni ah thu ka nan pêk na mi zawzawng hi nan zûl hen a nan ngiar na mi tla nan ti mi asi chun.

DEUTERONOMY 30:3

LALPA nan Pathian nih nan lakah khua a ruat lai. A nan rek na nâk phun lakah mi chu an kîrpi nawlh na lai le, sul-le-lam tluang tak hen an siam nawlh na lai.

DEUTERONOMY 30:5

churawhchun a lânah an thlâk natu umnâk ram chu nan luah nawlh kho ding hen. A lânah an thlâk natu ngâk hen tam dauh leh sûl-le-lam tluang dauh hen an siam na lai.

DEUTERONOMY 7:13

A nan dâwt na hen mal an sâwm na lai le, nan zan hen fa tam tak nan nei lai; nan phâisen tla mal a sâwm lai le, fâng tla uain tla, oliv sariak tla nan nei lai le, ranrual tam tak leh dawrâ tla an pêk na hen mal an sâwm na lai. Hi bang malsâwmnâk zawzawng tla hi an thlâk natu sinah a tiamh na mi ram ah chun an pêk na lai.

DEUTERONOMY 7:26

Chubang lem tla chu nan in sungkhur ah lûtpi lah u, chu hâwi asi lo chun an lakah siatnâk kha nan tlûnah a hawng tlung lai. Milem tla chu nan zauhnawmh hen hua ding asi, LALPA siatbarh mi an si ruangah.

JOSUA 22:20

Zerah fapa Akan nih thu ngâi duh lo hen râwk dep ding mi thil a veih lo ruangah Israel tla rêp an si; amah Akan sual ruangah amah cho mazei a thi,” an ti.

JOSUA 6:18

Sikhawmsele, veih ding mi thil chu zeikhawm nan lâk ding asi lo; nan lâk chun Israel riakmun lakah râwknâk nan tlungtir mi asi lai.

JOSUA 6:24

Chun, khuapi chu an duah le, a tual leh a sungah mi thil hen a kâng hep. LALPA thil siahnâk ah an hawng put mi ngûn, tangka, dâr leh thîr cho a him.

JOSUA 6:26

Chu liau chun Josua nih fawrhnâk thu a sim le: “Âuzawng Jeriko khua sak nawlh ding tumtu chu LALPA siatbarh hen um seh! Âuzawng nih a lungphûm phûmtu chu a fapa upachem nih tlâu tâk seh. Âuzawng a kulh kawtkâ siamtu nih chun a fapa a tlum chem mi nih tlâu tâk seh,” a ti.

JOSUA 7:1

Israel tla sinah LALPA thupêk, Jeriko khua sungah mi thil zeikhawm râwk ding mi thil rerêng lâk lo ding ti hen LALPA thupêk chu an zûl lo. Mi pakhat Akan an ti mi nih thupêk chu a zûl lo. Churuangah LALPA thinthawknâk chu Israel tlûnah a hawng tlung. (Akan chu Karmi fapa, Jabdi tupa, Juda phun lakah mi Zerah thlâk asi.)

JOSUA 7:26

A tlûnah lung tam tak an pawng le, tutiang hen chunah chun a um rih. Churuangah asi, chu mun chu ‘’Akor’’ (Nawknâk Vakuam) an ti mi chu. Churawhchun, LALPA chu a thinthawk lo rawh.

JOSUA 8:28

Josua nih Ai khua chu a duah hep le, râwk dep hen a mâk. Tutiang hen chu hawi hen a um kumza.