DEUTERONOMY 13:10 - Bawm Common Language Bible Version

¹⁰ Thi thlo hen seh u! Aigupta ram ah sal nan sinâk ah mi an suah natu LALPA nan Pathian lakah mi chu mahlo leikângah an pialpi na ding hen a awt ruangah.

DEUTERONOMY 13:10 ပူးပေါင်းရင်းမြစ်များ

2 Lal 11:18

Churawhchun, zapi tla chu Baal biakin ah an kal le, an râwk dep; mâichâm leh milem tla an râwk le, Baal bâwlpu Mattan chu mâichâm mâika ah an thah. Jehoiada nih Biakin ah vêngtu a siah le,

2 CHRONICLES 24:21

Lalchem Joash chu Zekariah an phiarnâk ah a bawp le, mi zapi tla nih Biakin kulh sungah lung hen an seh.

EXODUS 20:2

“Kei, LALPA nan Pathian, Aigupta ram ah mi sal nan sinâk lakah mi an suakpi natu chu kasi.

EXODUS 32:27

an sinah, “LALPA Israel Pathian nih nan ektê hen nan nâmsâu lâk ule, khatlei mi riak mun kawtkâ thawk hen khatlei mi kawtkâ tiang nan unau tla, nan hâwi tla, nan zâwlbâwm tla thah na ding hen LALPA Israel Pathian nih thu a nan pêk na,” ti hen a simh na.

LEVITICUS 20:2

“Nan lakah leh ramdang minung nan sinah um mi âuzawng nih Molek pathian sawnhnâk ding ah a fa tla mangtu chu zapi nih lung hen thi thlo seh ding asi.

LEVITICUS 20:27

“Mipa mawh nunau mawh mithi thlarau a sawnh chun lung hen thi thlo seh ding asi; zei minung zawng chu hâwi titu chu mah thihnâk chu amah mawh asi,” a ti.

LEVITICUS 24:23

Mosi nih chu thu chu a sim thluh rawh chun, chu minung chu lênglei ah an suah le, thi thlo hen lung hen an seh. LALPA nih Mosi rangah thu a pêk mi hâwi hen Israel mi tla nih an ti rawh.

DEUTERONOMY 13:5

Aigupta ram ah sal nan sinâk ah mi an suah natu lakah heltu, mang simhfiangtu mawh, khuavâng mawh si mi âutal nan thah na ding asi. Chubang hâwi minung tla chu misual, LALPA nih um ding dân thu an pêk na mi lakah mi chu pial tâk ding hen an awt natu an si. Chu sualnâk lakah mi chu nan suak khonâk ding hen anmah tla chu nan thah na ding asi.

DEUTERONOMY 17:5

chu minung chu khua lênglei ah suah ule, lung hen thi thlo seh u.

DEUTERONOMY 17:7

Theihpitu tla nih a masa chem hen lung hen an seh lai le, chu tikah midang tla nih chu minung chu lung hen an seh ding asi; hi hâwi hen sualnâk lakah nanna thlei ding asi.

DEUTERONOMY 21:21

Churawhchun, khua mi tla nih lung hen thi thlo hen an seh ding asi; chu hâwi hen sualnâk chu nan veih ding asi. Israel lakah mikip tla nih chubang thil chu an theih lai le, an lâu lai rawh.

DEUTERONOMY 4:19

Vân ah nan muh mi nî, thlâ leh ârfi tla sawnh ding hen khawm perpet hen um lah u. Chubang zawzawng tla chu LALPA nan Pathian nih midang tla rangah sawnh ding hen a pêk na mi asi.

JOSUA 7:25

Josua nih, “Zei rangah kan lakah nawknâk na siam? LALPA nih na tlûnah nawknâk a hawng tlungtir bâk lai!” a ti. Churawhchun, mi zapi tla nih Akan chu lung hen thi thlo an seh; a dâwngsung tla khawm chu hâwi hen lung hen an seh na le, a neih zawzawng khawm an duah hep.