DEUTERONOMY 13:1 - Bawm Common Language Bible Version

¹ “Nan lakah khuavâng nih mawh mang simhfiangtu nih mawh, a lânah nan sawnh dah loh mi Pathian sawnh leh zûl ding hen thilchê ti leh langhtir hen,

DEUTERONOMY 13:1 ပူးပေါင်းရင်းမြစ်များ

1 Lal 13:18

Churawhchun, Bethel mi khuavâng tarpa nih a sinah, “Kei khawm nangmah hâwi hen khuavâng kasi bâk, LALPA thupêk hen vânmifial nih ka in ah kalpi ding leh sunhsaknâk an pêk ding hen hawng ka simh asi,”a ti. Sikhawmsele, chu khuavâng tarpa nih âwkrâwl thu a sim mi asi.

1 Lal 13:19

Churawhchun, Juda ram mi khuavâng chu khuavâng tarpa in ah a va kal le, a sinah buh a ei rawh.

THUFING LASUIBU 30:6

Pathian nih a sim lo mi thu, a sim na ti chun nun a nan simh lai le, âwkrâwl thusim na si zia a langh lai,” a ti.

ISAI 9:15

Anmah lakah tar leh mi zahkâi tla chu lû an si le, mei chu khuavâng âwkrâwl thusimtu tla chu an si!

JEREMIA 23:11

LALPA nih, “Khuavâng leh bâwlpu tla khawm pathian nei lo mi an si; Pathian Biakin takah thilsual an ti mi ka tleih na.

JEREMIA 23:32

Kei, LAPA nih ka sim mi hi ngâi rawh! Âwkrâwl karo hen an mang thu simtu khuavâng chu ka do asi. Anna zûmnâk leh âwkrâwl thu hen ka mi tla chu chubang mang thu tla sim hen mahlo leiah an kalpi na. Kei nih kal ding hen ka fial na hen thu ka pêk na mi asi lo, ka mi tla rangah ṭangpitu an si lêm lo. Kei, LALPA nih ka sim asi,” a ti.

JEREMIA 27:9

Nan khuavâng tla mawh, mâilei ding mi thusimtu âuzawng, mang manhtu leh mithi thlarau kawhtu leh mitleh dâwithiam tla thu ngâi lah u. Chubang zawng tla nih chun Babulon lalchem sinah a pêk lo ding hen an simh na.

JEREMIA 29:24

Nehelam ah mi Semaiah nih amah min hen Jerusalem ah um mi zawzawng leh Maaseiah fapa bâwlpu Zephaniah sinah leh bâwlpu dang tla zawzawng sinah lasui kuattu rangah LALPA zeizawng tikho, Israel Pathian nih thuchah hawng ka pêk. Hi lasuikuat lakah hin Zephaniah sinah Semaiah nih hi hâwi hen a rîn:

JEREMIA 29:26

“LALPA nih Jehoiada ruangrûl ah bâwlpu ah a nan siam le, tu chun nang chu Biakin ah hotu chem na si rawh. Mi â tla, khuavâng telê â siam mi thîr chikchîn hen a ngâwng ah khih mi tla zauhkhenh chu na rianṭuan asi.

JEREMIA 29:8

Kei, LALPA Israel Pathian nih khuavâng nan lakah um mi mawh midang âutal mâilei thu ka sim kho titu perpet hen nan um lo ding hen ka nan simhkan na asi. An mang tla khawm ngâi piak lah na u.

JEREMIA 6:13

Mikip a lian a mê tangka lakah zumhkâilo tak hen an um; khuavâng leh bâwlpu tla tiang nih mi an perpet.

EZEKIEL 13:23

Tu lam chun, nan muhnâk diklo leh mahlo leikângah pial ding hen nan simkannâk chu a lîm rawh. Nan thiltikhonâk lakah mi ka mi tla chu ruang ka suah na rawh, churuangah kei LALPA kasi ti nan theih lai rawh,” a ti.

ZEKARIA 10:2

Mi nih milem leh chamchawh thiam tla sinah thu an deih le, sikhawmsele sângnâk an tawng mi chu âwkrâwl leh zeikhawm lo mi asi. Mi zeimaw mi nih mang an simhfiang le, sikhawmsele amahlo leiah pialtirtu cho asi le; thlangamnâk thu an sim mi khawm mangtlâk asi lo. Churuangah mi tla chu dawrâ a tlâu mi hâwi hen an vâi. Ruitu an nei lo ruangah an lawk a sawng.

ZEKARIA 13:4

Chu tikah chun khuavâng âukhawm langhnâk muh ruangah anna zûm lai lo rawh le, mi tla hum ding hen khuavâng thuam hen khawm anna thuam lai lo.

MATHAI 24:11

Chun, khuavâng telê tam tak khawm an hawng suak lai le, mi tam tak an perpet lai.

MATHAI 24:24

Mesia telê leh khuavâng telê tla an hawng suak awt ruangah; chu tla nih chun ti kho sele thîm tla men an perpet khonâk ding hen singsiahnâk leh thilchê rokual tak tla an ti lai.

MATHAI 7:15

“Khuavâng telê lakah a thiamthih u; chu tla chu dawrâ vun aih hen nan sinah an hawng kal tâwn le, an sung leiah lam chun chingngia râwlṭâm an si ruangah.

MARK 13:22

Mesia telê tla leh khuavâng telê tla an hawng suak awt dangâiah. Chu tla nih chun singsiahnâk leh thilchê tla an ti lai; tikho sele, thîm tla men an perpet khonâk ding hen.

LUK 6:26

“Mi zawzawng nih an nan sawr na tikah nan tlûn a pit teh lai. Chu hâwi ber hen an thlâktu tla nih khuavâng telê tlûnah an ti kha.

DEUTERONOMY 18:20

Sikhawmsele zei khuavâng zawng keimah thupêk lo hen ka min hen thusimtu chu, chu hâwi a ti ruangah a thi ding asi, chu hâwi hen zei khuavâng tal pathian dang tla min hen thusimtu tla chu an thi ding asi,’ a ti.

DEUTERONOMY 4:1

Churawhchun, Mosi nih zapi tla sinah, “Ka nan sîntir na mi dân hi zûl ule, chu tikah LALPA an thlâk natu Pathian nih an pêk na mi ram nan luah lai le, nung dam hen nan um lai.

DEUTERONOMY 4:2

Thu ka nan pêk na mi lakah zeikhawm sapsuan nâk nei lah ule, chu lakah mi zeitê khawm nan lawnh ding asi lo. LALPA nan Pathian thu ka nan pêk na mi cho zûl u.

2 THESALONIKA 2:9

Chu Dân Buartu hawng kalnâk chu Setan ṭuan zia hâwi vima hen, thiltikhonâk zawzawng, singsiahnâk zawzawng,

2 PETER 2:1

Lânah mi zapi tla lakah khuavâng telê an hawng suak mi hâwi hen, nan lak khawm ah sîntirtu telê an hawng suak lai, annih nih chun anmah tla tlanhtu Lalpa chu phehtâk hen, mi râwk khonâk ding hen sîntirnâk diklo an hawng lûtpi lai le, an tlûnah mawhsareh hen siatnâk an tlungtir lai.

1 JOHAN 4:1

Duhtak tla, Thlarau nei ding ti thusimtu zawzawng chu lung ver lah u, thlarau chu Pathian lakah mi asi leh silo nik u. Khuavâng telê tam tak mun kip ah an suak rawh ruangah.