DEUTERONOMY 12:7 - Bawm Common Language Bible Version

⁷ Chunah chun LALPA nan Pathian umnâk mal a nan sâwm na mi ram ah chun nan fa le, nan dâwngsung tla hen nan rianṭuan mi thil ṭha chu lâwm tak hen nan ei lai.

DEUTERONOMY 12:7 ပူးပေါင်းရင်းမြစ်များ

1 CHRONICLES 29:22

Chu ni ah chun LALPA mâika ah an din hen an ei le, thungâi anna lâwm. A veinihnâk ah chun Solomon lal a sinâk an phuang. Zadok bâwlpu nih lâirêltu ding ah LALPA min hen sariak a thuh.

NEHEMIAH 8:9

Zapi tla nih dân a herh zia an theih rawh chun an thinlung a purh le, an ṭap rawh; Churawhchun, Nehemiah lâirêltu, Dân theihtu Ezra, bâwlpu leh Dân theihtu leh Levi tla Dân simhfiangtu tla nih zapi minung tla chu, “Tusûn hi LALPA nan Pathian lakah ni thenhlimh asi, lungfâk hen nan ṭap ding asi loh.

THUSIMTU 3:12

Churuang chun, kan dam liauah a lâwm ding hen kan ti kho rirî ti ding asi ti ka theih rawh.

THUSIMTU 3:13

Kan ektê hen kan rianṭuan lakah din leh ei hen kanna lâwm ding asi. Chu chu Pathian thilpêk asi.

THUSIMTU 5:18

Ka tawng mi chu hi hi asi: Mi âuzawng nih a tikho mi lakah thil ṭha chem chu Pathian nih sâwtlotê a dam karah a rianṭuan tha ni lawh a pêk mi din leh ei leh lâwmnâk chu asi; hi hi minung tingvo chu asi.

ISAI 23:18

A sawlehnâk ah a tawng mi tangka chu LALPA sinah ap asi lai. A kil ving lai lo le, LALPA sawnhtu tla nih buh châwknâk leh an nipuan herh châwknâk ah an mang lai.

ISAI 62:9

Sikhawmsele, nanmah a tuhtu Leh fâng âttu nih sang chu Nan nei lai le, LALPA chu nan sawr lai. Nanmah a ṭuantu leh grep pumhtu nih ka Biakin Tualmâi ah grep hâng chu nan din lai,” a ti.

EZEKIEL 44:3

Lal lam chu ka mâika ah râwl thenhlimh ei ding hen a kal kho lai. A lût lai le, a sung chem ah mi kardang kâu ah lan hen kawtkâ leiah a suak lai,” a ti.

JOEL 1:16

Kan mîm-le-fâng tla zeitin khawm ti kho lo rawh mi chu kan zauh ko. Kan Pathian Biakin ah lâwmnâk zeikhawm a um lo rawh.

JOEL 2:26

Tu lam chun ei ding tam tak nan nei lai rawh le, nan khim lai rawh; nan rangah thilchê titu LALPA chu nan sawr lai rawh. Ka mi tla chu zauhnawmh hen an um lai lo rawh.

LEVITICUS 23:40

Chu ni ah chun, nan theirah a ṭha chem mi tla, tûmkâu leh thing nah ṭeng tla put hen, LALPA nan Pathian zahnâk phung Kût nanna dawmh ding asi.

MALAKI 2:13

Hi hi thil dang nan ti mi chu asi, a sinah thil ap nan put mi tla a pawmlo rawh ruangah LALPA mâichâm chu mitthli tlâk leh ṭap bû hen nan thlûk rel.

THILTI 2:46

Chun, nisiar thinlung munkhat hen Pathian Biakin ah chun ṭhanem ngâi tak hen an um tâwn le, an in lei tla khawm ah sang an phel le, lâwptlo leh lungâwi tak hen buh an ei tâwn le,

DEUTERONOMY 12:12

Chunah LALPA umnâk ah chun nan fa tla, nan to-aw tla, nan khua lakah Levi um mi tla hen munkhat lâwm tak hen um ule; Levi tla nih anmah rang ê hen mun an nei lo ti theihkumza u.

DEUTERONOMY 12:18

Nanmah leh nan fa tla, nan to-aw leh nan khua lakah Levi um mi tla hen, munkhat dut hen hi bang thil ap tla hi LALPA nan Pathian nih amah sawnhnâk mun ah a thîm mi mun cho ah nan ei dut ding asi. Chunah chun nan thilti zawzawngah nanna lâwm ding asi.

DEUTERONOMY 12:8

“Chunah nan va kal tikah chun, a lân hâwi hen thil nan ti ding asi lo rawh. Tu tiang hen nanmah duh thu hen Pathian nan sawnh,

DEUTERONOMY 14:23

Churawhchun, LALPA nan Pathian nih amah sawnhnâk ding a ruat mi mun ah kal ule, chunah chun nan parâ lû ah pakhat fâng, uain, oliv sariak leh nan ranrual lakah a fa tîr, dawrâ lakah mi khawm ei u. LALPA nan Pathian nan chawnglawmhnâk ding ah ti kumza u.

DEUTERONOMY 14:26

Nan duhnâk lei zawng ah mang ule, chaw sâ rangah mawh, dawrâ mawh, uain leh zû rang khawm ah, chunah LALPA nan Pathian mâika ah nan dâwngsung hen lâwm tak hen ei u.

DEUTERONOMY 15:20

Kum siar hen nanmah leh nan dâwngsung tla hen sawnhnâk mun ah nan ei ding asi.

DEUTERONOMY 26:11

LALPA nan Pathian nih nanmah leh nan dâwngsungkhur tla rangah thil ṭha a nan pêk na mi tla lakah a lâwm u; Levi leh ramdang minung nan sinah um mi tla khawm nih an ulhpi na bâk seh.

DEUTERONOMY 27:7

chunah chun nanna bâwl lai le, kawmhnâk thil ap chu ei ule, LALPA nan Pathian mâika ah lâwm tak hen um u.

DEUTERONOMY 28:47

LALPA nih thil zeizawng ah mal an sâwm na le, sikhawmsele nannih lam nih chun thinlung lâwm bû leh lâwptlo bû hen a rian nan ṭuan lai lo.

PHILIPI 4:4

Lalpa ah chun a lâwm kumza u. Ka ti nawlh lai, a lâwm u.