DEUTERONOMY 12:3 - Bawm Common Language Bible Version

³ An mâichâm leh an lungphun tla chu khuai dip u. An pathiannu Aserah singsiahnâk ruk tla chu duah ule, hâu ule, chu mun ah chun zeiliau khawm ah an sawnh lo rawhnâk ding hen.

DEUTERONOMY 12:3 ပူးပေါင်းရင်းမြစ်များ

1 Lal 14:15

LALPA nih Israel tla chu a rêp lai le, tiva ah tî nih lâiluang a ninh hâwi hen a ninh lai. Hi ram ṭha an thlâk tla a pêk na mi lakah mi hi Israel tla chu a phâwi zek na lai le, Eufretis tiva pîn leiah a rektir phin na lai; pathiannu Aserah siam hen a thin an thawktir ruangah.

1 Lal 15:13

A pinu Maakah lalnu nih Aserah pathiannu lem a siam ruangah a lalnu sinâk a bângtir. Asa nih milem tla chu a hâu le, Kidron Vakuam ah a duah hep.

2 Lal 11:18

Churawhchun, zapi tla chu Baal biakin ah an kal le, an râwk dep; mâichâm leh milem tla an râwk le, Baal bâwlpu Mattan chu mâichâm mâika ah an thah. Jehoiada nih Biakin ah vêngtu a siah le,

2 Lal 18:4

Lunglotu tla milem sawnhnâk tla a râwk, lung intungpi khawm a khiak piak na, pathiannu Aserah lem khawm a hâu piak na. Mosi nih a siam mi dâr rûl lem Nehustan an ti mi khawm a mân dip. Chu ni tiang hen rûl ruk chu Israel tla nih zahnâk ah rimthâw an duah.

2 Lal 23:14

Lalchem Josiah nih pathiannu Aserah lem lungphun chu a thlûk le, a mân dip, chu an phunnâk mun tual chu minung ruh hen a khuh.

2 CHRONICLES 14:2

Asa nih thil ṭha leh thil dik ti hen Pathian a lawmhtir.

2 CHRONICLES 14:3

Ramdang mi lunglotu pathian sawnhnâk tla a râwk le, Aserah pathiannu lem lungtung tla a thlûk.

2 CHRONICLES 19:3

Chu hâwi si menza khawmsele na lakah ṭhatnâk tâwm a um, pathiannu lem zawzawng, Aserah chu na lawnh le, Pathian duhzia ti ding na tum.”

2 CHRONICLES 31:1

Chu Kût chu â lîm rawh chun Israel zapi tla chu Juda khuapi kip ah an kal le, lungphun tla an râwk le, Aserah pathiannu lem tla chu an thlûk, lunglo tla pathian sawnhnâk mun ah mâichâm tla an râwk. Chu hâwi hen Juda ram Benjamin leh Efraim leh Manaseh ram ah mi khawm an râwk le, an in leiah an kîr rawh.

2 CHRONICLES 34:3

Josiah chu kum riat mi asi liauah lal asi le, thungâi a ngâksia rih, amah thlâktu lalchem David Pathian sawnh a dawmh rawh. Kum li nûn chun lunglotu tla pathian sawnhnâk mun, pathiannu Aserah lem leh milem dang tla râwk a dawmh rawh.

SAM 16:4

Pathian dang tla leiah kaltu tla chu anmah lakah nawknâk tam tak anna siam. Anna bâwlnâk ah chun ka tel lai lo le, an Pathian khawm ka sawnh awt lo.

EXODUS 23:13

“Kei, LALPA nih nan sinah ka sim mi zawzawng chu ngâi u, pathian dang tla sinah thlacham lah ule, an min khawm sim lah u.

EXODUS 23:24

An pathian tla sinah kûn lah ule, sawnh lah u, an phung tla zûl lah u. An pathian tla râwk ule, an lungphun tla khiak u.

EXODUS 34:13

Chu hâwi ti ngâk hen an mâichâm tla siat ule, an lungphun thenhlimh tla râwk u, an pathiannu Aserah ruk tla hâu u.

ISAI 27:9

Sikhawmsele Israel sualnâk chu lunglo tla mâichâm sangvut hâwi hen rial dip asi tik leh rimthâw mâichâm mawh pathiannu Aserah lem pakhat khawm zuah lo asi tikah ngaihdam asi lai.

JEREMIA 17:2

Nan mi tla nih chun pathiannu Aserah chu tlâng tlûnah mi thing ring kip ah leh mâng ah mi tlâng tlûnah an siah le, mâichâm ah an sawnh.

HOSEA 2:17

Baal min rerêng ka simtir lai lo rawh.

MIKAH 5:14

Na ram ah mi pathiannu Aserah chu ka thlûk lai le, na khuapi tla chu ka râwk lai.

ZEKARIA 13:2

Chu tikah chun ram lakah milem min chu ka veih ving lai le, âukhawm nih an theih lai lo rawh. Khuavâng kasi titu zawzawng chu ka thliar lai le, milem sawnh duhnâk khawm ka veih ving lai.

NUMBER 33:52

ram sungah minung um mi tla zawzawng chu nan nar phin ding asi. An sawnh mi milem lung leh thîr hen an siam mi tla leh an sawnhnâk mun tla râwk dep u.

DEUTERONOMY 12:4

“Hi bang hâwi minung tla nih an pathian an sawnh mi dân hen nan LALPA leh nan Pathian chu nan sawnh ding asi lo.

DEUTERONOMY 7:25

An milem tla chu duah u. Tangka leh ngûn hen siam an si mi kha ngarh lah u, nanmah rang ding hen a lâk lah u. Nan ti bâk chun nan thi phah lai, Pathian nih milem chu a hua ruangah.

DEUTERONOMY 7:5

Churuangah an mâichâm tla râwk ule, an lungphun tla kektir dip u, Aserah an pathiannu lem chu hâu ving ule, an ruk tla chu duah u.

THUPHUANG 13:1

Chun, sarâng, ki parâ leh lû pasarih a nei mi, tisumsumriat thawk hen a hawng suak mi ka muh le, a ki kip ah lallukhuh a um le, a lû kip ah simsiatnâk min â rîn asi.

LÂIRÊL 2:2

Hi ram mi minung tla hen zeikhawm thudântuk nan siam ding asi lo. An mâichâm tla nan râwk ding asi,’ kan ti na. Sikhawmsele ka nan simh na mi hâwi hen nan ti lo. An ti dân lam nan châwng!