DEUTERONOMY 12:14 - Bawm Common Language Bible Version

¹⁴ Nan phun lakah mi phun khat umnâk ah LALPA nih a ruat mi mun pakhat cho ah nan pêk ding asi. Chu mun pakhat cho ah chun ap ding mi bâwlnâk tla, duah ding mi leh thil dang zawzawng tla chu nan ap ding asi.

DEUTERONOMY 12:14 ပူးပေါင်းရင်းမြစ်များ

2 KORIN 5:19

kha hâwi hen Pathian nih Krist lakah laikulh hi amah hen a rem hen a siam le, an buarnâk tla chu buarnâk ah ruat piak lo hen a remnâk thu hawng kan kiltir kha.

DEUTERONOMY 12:11

LALPA nih amah nan sawnhnâk ding hen mun pakhat cho a thîm lai le, chunah chun thu kan pêk na mi thil zeizawng a sinah nan kalpi lai. Nan bâwlnâk duahphung tla leh bâwlnâk dang tla, parâ lû pakhat leh nan thil ap tla, a bîk hen LALPA sinah thilpêk nanna tiam mi tla LALPA sinah nan pêk ding asi.

DEUTERONOMY 12:5

Nan ram sungah mi nan phun zawzawng tla nih sawnhnâk ding mun chu LALPA nih amah sawnhnâk ding mun pakhat cho a thîm awt.

HEBRAI 13:15

Chun, Jisu zârah bâwlnâk hâwi hen sawrnâk chu Pathian sinah kan ap kumza lai; chu chu kan aw-hâu tla hen a min hen lâwmthu tla kan sim kumza lai tinâk asi.

SAM 9:11

Zion ah lâirêltu LALPA chu sawr hen la sak u! A thilti tla chu phun kip sinah sim u!

SAM 5:7

Sikhawmsele, na dâwtnâk rokual ruangah na in ah ka hawng kho. Na Biakin thenhlimh ah ka nan sawnh kho hen, zah tak hen na sinah ka hawng kûn.

DEUTERONOMY 12:13

Nanmah duhnâk kip ah bâwlnâk nan ap ding asi lo.

DEUTERONOMY 12:15

“Sikhawmsele, nan ran lam chu nan umnâk zawzawngah nan thah hen nan ei kho. LALPA nih a nan pêk na mi chu nan duh zat zawng nan ei kho. Nan ektê hen dân lakah mi thiang mawh mi thianglo mawh, khawm nih nan ei kho, nan ei nget tâwn hâwi hen sakhi leh sazuk sâ tla.

LEVITICUS 17:3

Israel lakah mi nih chaw mawh dawrâ mawh LALPA umnâk Puanin tualmâi ah silo hen mun dangah LALPA rangah thil ap pêktu nih chun dân a buar asi. Thî a suah ruangah Pathian mi ah ngaih asi lai lo.

DEUTERONOMY 12:18

Nanmah leh nan fa tla, nan to-aw leh nan khua lakah Levi um mi tla hen, munkhat dut hen hi bang thil ap tla hi LALPA nan Pathian nih amah sawnhnâk mun ah a thîm mi mun cho ah nan ei dut ding asi. Chunah chun nan thilti zawzawngah nanna lâwm ding asi.

DEUTERONOMY 14:23

Churawhchun, LALPA nan Pathian nih amah sawnhnâk ding a ruat mi mun ah kal ule, chunah chun nan parâ lû ah pakhat fâng, uain, oliv sariak leh nan ranrual lakah a fa tîr, dawrâ lakah mi khawm ei u. LALPA nan Pathian nan chawnglawmhnâk ding ah ti kumza u.

DEUTERONOMY 15:20

Kum siar hen nanmah leh nan dâwngsung tla hen sawnhnâk mun ah nan ei ding asi.

DEUTERONOMY 16:2

Mun pakhat, sawnhnâk ding mun ah chun kal ule, Kalkanh Kût buh LALPA zahnâk ding ah ei ding hen nan ranrual mawh dawrâ mawh pakhat thah u.

DEUTERONOMY 17:8

“A zeimaw mi thunawk tla chu khua mi lâirêltu tla rangah thlûk ding hen a har tuk khawm asi kho, thil-le-rî thunawk, taksa liamh thu, thah mi leh thahtu kar lakah mi thunawk tla. Chubang hâwi thu a hawng um chun LALPA nan Pathian nih a ruat mi sawnhnâk mun pakhat ah kal ule,

DEUTERONOMY 18:6

“Levi âutal a duhtu zawzawng nih Israel ram ah zei khua tal thawk hen mun pakhat sawnhnâk ding mi lakah a va kal hen

DEUTERONOMY 31:11

Sawnhnâk ding mun pakhat ah Israel mi tla nih LALPA an Pathian sawnh ding hen an hawng tikah rêl piak na rawh.

JOSUA 9:27

Sikhawmsele, chu liau lîlâ ah sal ah a siam na le, Israel mi leh LALPA mâichâm rangah thing an khawmh le, tî an than rawh. Tusûn ni tiang hen LALPA nih amah sawnhnâk mun a ruatnâk ah chun an ṭuan vima.

JOSUA 22:29

LALPA lakah hel hen zûl kan tum lo ruangah duahphung thil apnâk leh eiphung bâwlnâk mawh apnâk ding hen mâichâm kan siam mi asi rîlmâl lo. LALPA umnâk Puanin mâika mi mâichâm lo hen mâichâm dang rerêng kan siam ding asi lo,” an ti.

1 Lal 8:29

Hi sawnhnâk ding mun na thîm mi hi a sûn a zân hen zauhkhenh rawh. Hi lei hawi hen thla ka cham zâwnah hawng ka ngâi piak rawh.

2 Lal 18:22

Asiria hotu nih, “Asi lo leh LALPA, na Pathian lakah dahmawh na ngauh ah? Hezekiah nih a râwk mi mâichâm Jerusalem ah mi lak cho ah Pathian sawnh ding hen Juda mi tla a simh na mi kha dahmawh?

1 CHRONICLES 22:1

“Hi hi LALPA Pathian Biakin umnâk ding mi chu asi. Hi hi Israel tla nih duahphung thil ap pêknâk ding mâichâm chu asi,” a ti.