DEUTERONOMY 12:12 - Bawm Common Language Bible Version

¹² Chunah LALPA umnâk ah chun nan fa tla, nan to-aw tla, nan khua lakah Levi um mi tla hen munkhat lâwm tak hen um ule; Levi tla nih anmah rang ê hen mun an nei lo ti theihkumza u.

DEUTERONOMY 12:12 ပူးပေါင်းရင်းမြစ်များ

1 Lal 8:66

A ni riat ni ah chun Solomon nih mi zapi tla chu in leiah a tlungtir na rawh. LALPA nih a to-aw David leh Israel mi tla rangah mal a sâwm na ruangah Solomon rangah an ektê hen an sawr le, in leiah lâwm tak hen an tlung rawh.

2 CHRONICLES 29:36

Pathian nih chubang zawzawng rang tak hen ti kho ding hen a ṭangpi na ruangah lalchem Hezekiah leh zapi minung tla thungâi anna lâwm.

NEHEMIAH 8:9

Zapi tla nih dân a herh zia an theih rawh chun an thinlung a purh le, an ṭap rawh; Churawhchun, Nehemiah lâirêltu, Dân theihtu Ezra, bâwlpu leh Dân theihtu leh Levi tla Dân simhfiangtu tla nih zapi minung tla chu, “Tusûn hi LALPA nan Pathian lakah ni thenhlimh asi, lungfâk hen nan ṭap ding asi loh.

SAM 147:1

LALPA chu sawr u! Pathian sawr hen la sak hi a ṭha asi. Amah sawr chu a dik hen a nuam.

LEVITICUS 23:40

Chu ni ah chun, nan theirah a ṭha chem mi tla, tûmkâu leh thing nah ṭeng tla put hen, LALPA nan Pathian zahnâk phung Kût nanna dawmh ding asi.

NUMBER 18:20

LALPA nih Aron sinah “Israel tla lakah ro ting ding leh ram tingvo zeikhawm nan nei ding asi lo. Kei, LALPA hi nan herhnâk zawzawng rang ding ah nan vo kasi,” a ti.

NUMBER 18:26

Levi tla sinah sim ding hen thu a pêk: “Israel tla thawk hen parâ lû ah pakhat nanna ting ding hen LALPA nih a nan pêk na mi chu LALPA rangah a bîk hen thawhlâwm parâ lû ah pakhat nan pêk bâk ding asi.

JOHAN 13:8

Peter nih a sinah, “Ka kê na ṭâwl rîlmâl lai loh,” a ti. Jisu nih a sinah, “Ka ṭâwl lo chun ka sinah zeikhawm tingvo na nei lai loh,” a ti.

THILTI 8:21

Hi bang thu lakah hin na tel bâk lo, tingvo khawm na nei lo; na thinlung Pathian ngaih hen â rep lo.

DEUTERONOMY 10:9

Churuangah asi, Levi phun tla chu phun dang hâwi hen ram an nei lo mi chu; LALPA nan Pathian nih thu a tiamh hâwi hen LALPA bâwlpu tla tawng mi chu an tâ asi bâk ko.)

DEUTERONOMY 12:18

Nanmah leh nan fa tla, nan to-aw leh nan khua lakah Levi um mi tla hen, munkhat dut hen hi bang thil ap tla hi LALPA nan Pathian nih amah sawnhnâk mun ah a thîm mi mun cho ah nan ei dut ding asi. Chunah chun nan thilti zawzawngah nanna lâwm ding asi.

DEUTERONOMY 12:19

Nan ram ah nan um sung zawzawng chu Levi tla rangah thlawrhthlâu lah na u.

DEUTERONOMY 12:7

Chunah chun LALPA nan Pathian umnâk mal a nan sâwm na mi ram ah chun nan fa le, nan dâwngsung tla hen nan rianṭuan mi thil ṭha chu lâwm tak hen nan ei lai.

DEUTERONOMY 14:29

Hi bang ei ding tla hi Levi murui rangah asi, thil zeikhawm an tâ a umlo ruangah, ramdang mi, mi ngâkṭah, numei tla nan khua ah um mi tla rang khawm asi. An hawng lai le, an herh zia zawng hen anna ting bâk ding asi. Hi hâwi hen ti ule, LALPA nan Pathian nih mal an sâwm na lai.

DEUTERONOMY 16:11

Nan khua ah um mi tla numei, ngâkṭah, ramdang minung, Levi tla, nan fa leh to-aw tla hen, munkhat dut hen lâwm bû hen LALPA mâika ah um u. Hi hi sawnhnâk mun pakhat ah ti u.

DEUTERONOMY 16:14

Nan khua sungah um mi numei, ngâkṭah, ramdang mi, Levi, nan to-aw leh nan fa tla hen a lâwm u.

DEUTERONOMY 18:6

“Levi âutal a duhtu zawzawng nih Israel ram ah zei khua tal thawk hen mun pakhat sawnhnâk ding mi lakah a va kal hen

DEUTERONOMY 26:11

LALPA nan Pathian nih nanmah leh nan dâwngsungkhur tla rangah thil ṭha a nan pêk na mi tla lakah a lâwm u; Levi leh ramdang minung nan sinah um mi tla khawm nih an ulhpi na bâk seh.

DEUTERONOMY 26:12

“A kum thumnâk ah nan thil chîng mi lakah nan tawng mi parâ lû ah pakhat chu Levi tla, ramdang mi, mi ngâkṭah tla, numei tla sinah nan pêk lai le, chu tikah mi zapi nih an thil herh ei ding mi an tawng ver lai.

DEUTERONOMY 27:7

chunah chun nanna bâwl lai le, kawmhnâk thil ap chu ei ule, LALPA nan Pathian mâika ah lâwm tak hen um u.

JOSUA 13:14

Mosi nih Levi phun tla rangah chun ram a pêk na lo. LALPA nih Mosi sinah a simh mi hâwi hen Israel LALPA leh Pathian mâichâm ah bâwlnâk lakah mi tingvo chu an vo ah ting ding an si bâk.

JOSUA 13:33

Sikhawmsele, Mosi nih Levi phun tla rangah lam chun ram rerêng a pêk na lo. Israel tla LALPA Pathian vo chu an vo ding asi ti hen a simh na.