DEUTERONOMY 12:10 - Bawm Common Language Bible Version

¹⁰ Jordan Va nan kanh tikah LALPA nih a nan luahtir na lai le, chunah chun nan va um lai rawh. Nan mêlma zawzawng lakah mi a nan hum na lai le, thlangam tak hen nan um lai.

DEUTERONOMY 12:10 ပူးပေါင်းရင်းမြစ်များ

1 Lal 4:25

A damsung zawzawng chu Israel leh Juda tla chu him tak hen an um le, dâwngsungkhur kip nih grep zûn leh theipi mah tâ chiau an nei.

1 Lal 8:56

“LALPA nih thu a tiamh mi hâwi hen a mi tla rangah thlangamnâk a pêk ruangah amah chu sawr hen um seh. A to-aw Mosi mang hen a thutiam tam tak tla chu a theihkumza.

1 CHRONICLES 22:18

“LALPA na Pathian chu na sinah a um le, zei leikâng zawng ah thlangamnâk a nan pêk rawh. Hi ram ah um mi tla zawzawng hawng ka nehtir ver le, LALPA leh na sinah tuah pêk an si rawh.

SAM 4:8

Ka zâu liauah lungngam tak hen ka it le, LALPA, nangmah cho na si; him tak hen hawng ka kiltu chu.

EXODUS 33:14

LALPA nih a sinah, “Na sinah ka hawng lai le, nehnâk kan pêk lai,” a ti.

THUFING LASUIBU 1:33

Sikhawmsele, ka thu ngâitu chu a him lai. Ṭihnâk zeikhawm nei lo hen a um lai,” ti hen.

JEREMIA 23:6

Lalchem asi tikah Juda mi tla chu him tak hen an um lai le, Israel mi tla chu thlangam tak hen an um lai. Anih chu ‘LALPA kan Ruangsuahnâk’ mawh ‘Lalpa kan repnak’ ti asi lai.

JEREMIA 32:37

Ka thinthawknâk leh ka thinrunhnâk hen ka rekrâwitir na mi ram zawzawng thawk hen mi tla chu ka pumh na lai le, hi mun ah hin ka kîrpi nawlh na lai le, him tak hen ka umtir na lai.

JEREMIA 33:11

Mi nih ka Biakin ah lâwmnâk thil ap an hawng put liauah la an sak mi nan theih lai. ‘A ṭhatnâk leh dâwtnâk dawnglo ruangah LALPA Zeizawng tikho sinah lâwmthu sim u,’ an ti lai. Hi ram hi a lânah mi hâwitê hen sul-le-lam tluang tak hen ka siam lai. Kei, LALPA nih ka sim asi,” a ti.

EZEKIEL 28:26

Chunah chun him tak hen an um lai rawh. In tla an sak lai le grep tla an phun lai. An kiangkam ah anmah zauhnawmhtu tla ka rêp na lai le, Israel chu him tak hen a um lai rawh. Churawhchun, kei chu LALPA an Pathian kasi ti an theih lai,” a ti.

EZEKIEL 34:25

An sinah an himnâk ding hen thudântuk ka siam awt. Ram lakah ramsa ṭihnungkâi ka ṭhiau phin na lai le, churawhchun ka dawrâ tla chu phâisen ah him tak hen an um lai le, tumun tla ah an bawk lai.

EZEKIEL 34:28

Lunglo phun tla nih an rûn lai lo rawh le, ramsa tla khawm nih an thah hen an ei na lai lo rawh. Him tak hen an um lai le, âukhawm nih an lauh na lai lo rawh.

EZEKIEL 38:11

Ṭangpitu nei lo ram thlangam tak leh him tak hen kulh nei lo leh vêngtu nei lo khuapi ah an um mi tla chu rûn na tum lai.

EZEKIEL 38:8

Kum tam tak nûnah phun tam tak lakah mi munkhat hen kîrtir mi ṭihnâk nei lo tla umnâk ram rûn ding hen thu ka pêk awt. Israel tlâng sâng tla sâwt tak a karo hen siah mi leh râwk mi, tuah mi zawzawng him tak hen an umnâk chu a rûn lai.

DEUTERONOMY 11:31

Tuah LALPA nan Pathian nih an pêk na mi ram Jordan Va chu nan kanh awt rawh asi. Chunah chun nan va kal hen nan va um tikah chun

DEUTERONOMY 3:27

Pisgah tlângsîpah va kâi le, simlei, marlei, saklei leh thlanglei zauh. Chiamchariam tê hen zauh, Jordan Va kanh ding na silo ruangah.

DEUTERONOMY 33:12

Benjamin phun thu a sim: “Hi hi LALPA nih a dâwt hen a hum na mi phun chu asi; Nî tlâk hen anmah tla chu a vêng na le, An lakah â chêl,” a ti.

DEUTERONOMY 33:28

Churuangah Jakob thlâk tla chu thlangam tak hen an um, Vân mi dâmtî nih a chinh mi tual ah fâng leh uain hen a khat mi ram ah him tak hen um na seh.

DEUTERONOMY 4:22

Kei lam chu hi ram ah hin ka thi lai le, tiva chu ka kanh awtlo, sikhawmsele, nannih lam chu nan va kanh lai le, ram ṭha chu nan va luah lai.

DEUTERONOMY 9:1

“Israel mi tla, ngâi u! Tusûn ni ah nanmah ngâk a chak leh rokual mi phun umnâk ram chu luah ding hen Jordan Va chu nan kanh awt rawh asi. An khuapi tla chu a lian hen a kulh tla thungâi a sâng.

JOSUA 11:23

Mosi nih thu a pêk hâwi hen Josua nih ram pumpi a lâk hep rawh. Anmah tâ si rawh ding hen Israel tla chu a pêk na le, anmah tingvo chiau a siam piak na, tingvo khat chu phun khat rang vima ding hen. Churawhchun, mi tla chu râl tuknâk chu anna dîn rawh.

JOSUA 14:1

Chu nûnah chun Kanaan ram Jordan Va thlanglei chu Israel tla rangah ṭhenh hen a hawng um nawlh. Bâwlpu Eleazar, Nun fapa Josua leh Israel dâwngsung lakah ruitu zapi tla lakah an ṭhenh zâr na.

JOSUA 3:17

Mi zapi tla nih tual châr ah Jordan Va an tan liauah chun bâwlpu tla nih Jordan Va lâi tual châr tlûnah Thudântuk Bâwm put hen zapi tla nih an tan thluh ver tiang an dîr ko.

JOSUA 4:12

Reuben phun ah mi leh Gad phun leh Manaseh phun khingkhuai tla chu râltuk ding tîm chia zet hen Mosi nih ti ding a simh na mi hâwi hen zapi tla mâilei ah Jordan Va an tan.

1 SAMUEL 7:12

Churawhchun, Samuel nih lung a lâk le, Mizpah leh Shen karah a pawng le, “Lampi tluan hen LALPA nih hawng kan ṭangpi,” a ti. Churawhchun, a min ah “Ṭangpinâk Lung” (Eben-ezer) ti hen min a phuah.