DEUTERONOMY 11:9 - Bawm Common Language Bible Version

⁹ Nan thlâktu tla leh an thlâk tla sinah pêk ding hen LALPA nih a tiamh mi ram ṭha leh neihnâk ram ah sâwt tak nan um lai.

DEUTERONOMY 11:9 ပူးပေါင်းရင်းမြစ်များ

EXODUS 20:12

“Nan nu leh nan pa zah na u, chu tikah ka nan pêk na mi ram ah hin nan san sâu lai.

EXODUS 3:8

churuang chun Aigupta ram ah an um mi chu suakpi na hen ram kâu tak pakhat neihnâk ding hen ram ningno tak, Kanaan mi tla, Hit mi tla, Amor mi tla, Periz mi tla, Hiv mi tla leh Jebus mi tla tuah an umnâk leiah kalpi na ding hen ka hawng ṭum asi.

THUFING LASUIBU 10:27

LALPA thu ngâi le, na san a sâu lai. Misual tla chu an thih cham phanh lânah an thi.

THUFING LASUIBU 3:16

Finghnâk nih sansâunâk a nan pêk le, neihnâk leh zahkâinâk khawm a nan pêk.

THUFING LASUIBU 3:2

Ka nan sîntirnâk nih san sâunâk leh sul-le-lam tluangnâk a nan pêk lai.

THUFING LASUIBU 9:11

Finghnâk nih na nungnâk kum a sap lai.

EZEKIEL 20:6

Churawhchun, Aigupta ram ah mi suah na hen neihnâk ram leh ram ningno, ram zawzawngah ram ṭha chem anmah rangah ka thîm piak na mi leiah kalpi na ding hen thu ka tiamh na.

DEUTERONOMY 1:8

Hi bang ram zawzawng tla chu Kei, LALPA nih a nan thlâk natu tla, Abraham, Isak leh Jakob leh an thlâk zawzawng tla rangah ka tiamh na mi asi; kal ule, luah u hawng kan ti’ ” a ti.

DEUTERONOMY 11:10

Nan luah ding mi ram chu a lânah nan umnâk Aigupta ram hâwi asi lo. Chunah chun thlâi chî nan erh khawm ah har tak hen tidil ding hen rianṭuan a herh le;

DEUTERONOMY 11:21

Churawhchun, LALPA nan Pathian nih nan thlâktu tla rangah a tiamh mi ram ah chun nanmah leh nan fa tla hen hun sâwt tak nan um lai. Tual tlûnah vân a um kar vial chu chunah hun sâwt tak nan um lai.

DEUTERONOMY 4:40

Tusûn ni ah ka nan pêk na mi dân zawzawng chu zûl ule, nan thlâk leh nanmah rangah sul-le-lam tluangnâk asi vima lai. LALPA nan Pathian nih nan tâ si kumza ding hen a nan pêk na mi ram ah hin nan um vima lai,” a ti.

DEUTERONOMY 5:16

“ ‘Kei, LALPA nan Pathian nih thu kan pêk na mi hâwi hen nan nu leh nan pa tla zah na ule, thil zeizawng tluang tak hen a kal lai le, kan pêk na mi ram ah sâwt tak hen nan um kho lai.

DEUTERONOMY 5:33

A ektê hen zûl ule, churawhchun thil zeizawng ah nan sul-le-lam a tluang lai le, nan va luah ding mi ram ah chun nan um kumza lai.

DEUTERONOMY 6:18

LALPA thusim a dik leh a ṭha mi chu ti ule, nan sul-le-lam a tluang lai. LALPA nih an thlak natu sinah a tiamh mi ram ṭha chu nan luah kho lai le,

DEUTERONOMY 6:2

Chu ram ah nan um kar zawzawng chu nanmah leh nan thlâk tla nih LALPA nan Pathian chu zah hen a dân ka nan pêk na mi zawzawng hi nan zûl ding asi, chu tikah chu ram ah chun sâwt tak nan um kho lai.

DEUTERONOMY 6:3

Israel mi tla, ngâi ule, zûl u! Chun nan sul-le-lam a tluang lai le, phun chak tak nan hawng si lai le, neihnâk leh ram ṭha ah chun nan um lai, LALPA hawng kan thlâktu Pathian nih a tiamh mi hâwi hen.

DEUTERONOMY 8:7

LALPA nan Pathian nih ram ṭha tak tiva leh tinungva tla, tual tang thawk hen tiva kuam lei leh tlâng tla ah tî a suak mi tla;

DEUTERONOMY 9:5

LALPA nih an ram an tingtir na mi chu nan ṭhat ruang leh nan dik ruangah asi lo. An sual ruangah leh a nan thlâk natu Abraham, Isak leh Jakob sinah thu a tiamh mi ti a tum ruangah a nar na awt mi asi.