DEUTERONOMY 11:21 - Bawm Common Language Bible Version

²¹ Churawhchun, LALPA nan Pathian nih nan thlâktu tla rangah a tiamh mi ram ah chun nanmah leh nan fa tla hen hun sâwt tak nan um lai. Tual tlûnah vân a um kar vial chu chunah hun sâwt tak nan um lai.

DEUTERONOMY 11:21 ပူးပေါင်းရင်းမြစ်များ

SAM 72:5

Nî a chêu sung zawzawng chu na mi tla nih an sawr sele, hun hawng um ding mi rangah thlâ nih chêu a pêk kar vial chu.

SAM 89:30

“Sikhawmsele, a thlâk tla nih ka dân an zûl lo hen, thu ka pêk na mi hâwi hen an um lo chun,

THUFING LASUIBU 3:16

Finghnâk nih sansâunâk a nan pêk le, neihnâk leh zahkâinâk khawm a nan pêk.

THUFING LASUIBU 3:2

Ka nan sîntirnâk nih san sâunâk leh sul-le-lam tluangnâk a nan pêk lai.

THUFING LASUIBU 4:10

Ka fapa, ka thu ngâi rawh. Sunhsak tak hen ka nan simh mi hi zûl le, na san a sâu lai.

THUFING LASUIBU 9:11

Finghnâk nih na nungnâk kum a sap lai.

ISAI 65:20

Fasêm thih khawm a um lai lo rawh le, minung san khawm sâutir asi lai. Kum zâ cho a dam mi chu seinotê ah ruat asi lai. Chu lânah a thi mi chu ka rêp na mi singsiahnâk asi lai.

DEUTERONOMY 11:9

Nan thlâktu tla leh an thlâk tla sinah pêk ding hen LALPA nih a tiamh mi ram ṭha leh neihnâk ram ah sâwt tak nan um lai.

DEUTERONOMY 4:40

Tusûn ni ah ka nan pêk na mi dân zawzawng chu zûl ule, nan thlâk leh nanmah rangah sul-le-lam tluangnâk asi vima lai. LALPA nan Pathian nih nan tâ si kumza ding hen a nan pêk na mi ram ah hin nan um vima lai,” a ti.

DEUTERONOMY 5:16

“ ‘Kei, LALPA nan Pathian nih thu kan pêk na mi hâwi hen nan nu leh nan pa tla zah na ule, thil zeizawng tluang tak hen a kal lai le, kan pêk na mi ram ah sâwt tak hen nan um kho lai.

DEUTERONOMY 6:2

Chu ram ah nan um kar zawzawng chu nanmah leh nan thlâk tla nih LALPA nan Pathian chu zah hen a dân ka nan pêk na mi zawzawng hi nan zûl ding asi, chu tikah chu ram ah chun sâwt tak nan um kho lai.

THUPHUANG 20:6

Hi thawknawlhnâk masa chem ah a tel mi tla chu an thaw suak hen anna thenhlimh asi, chubang tla tlûnah chun thih nihnâk nih thu rerêng a nei lai lo le, Pathian leh Krist bâwlpu tla an si lai le, amah hen kum sâng khat lâi an rêl lai.