DEUTERONOMY 11:16 - Bawm Common Language Bible Version

¹⁶ LALPA lakah nan um mi chu pathian dang tla leiah pial rîlmâl lah u.

DEUTERONOMY 11:16 ပူးပေါင်းရင်းမြစ်များ

1 Lal 8:35

“Na mi tla nih na lakah thil an sual ruangah ruah na sûrtir lo hen, annih nih rim hen hi Biakin lei hawi hen thla an hawng cham tikah chun vân thawk hen ngâi piak na.

JOB LASUIBU 31:27

Anmah zah leh châwchawk hen, ṭih ruangah mahlo leikângah, ka pial dahlo.

ISAI 44:20

Vachâm ei mi hen a finghnâk â bang cho. A thinlung âtnâk nih amah chu ṭangpi kho lo rê hen diklonâk leiah a kalpi. A kut ah a tleih mi milem chu pathian asi lo thlo ti a theih lo.

LUK 21:34

“Sikhawmsele, a thiamthih u, chu lo chun ei khawp tuktarâi hen, zû rî hen, dam sung khawsat dawn hen nan thinlung a khat sual lai. Chu ni ah chun thang awh hâwi hen lâkkhatko ah nan tlûnah a hawng tlung khup lai.

LUK 21:36

A ringrâwn u, Minung Fapa mâika ah nan dîr khonâk ding hen leh thil hawng tlung ding mi tla zawzawngah him ding leh chaknâk nan nei khonâk ding hen thlacham u,” a ti.

LUK 21:8

Chun, anih nih chun, “An perpet na lonâk ding hen a thiamthih u. Mi tam tak nih, ‘Amah chu kasi, a tik a tlung rawh,’ ti hen, keimah min sâl hen an hawng lai; chu minung tla chu zûl lah na u.

DEUTERONOMY 12:30

Chubang phun tla chu LALPA nih a veih tik chun an phung-leh-lam zûl lo ding hen a thiamthih ule, chu chu siat thihnâk asi ruangah. An pathian chu zei hâwi hen an sawnh ti hen theih ding a tum lah u, anmah sawnh dân nan châwng sual lebang lai.

DEUTERONOMY 13:3

an thu tla ngâi piak na lah u. LALPA, nan Pathian nih nan thinlung zawzawng hen, amah chu nan dâwt ma dâwtlo ti muh ding duh hen a nan nik na mi asi.

DEUTERONOMY 17:3

pathian dang nî mawh, thlâ mawh, ârfi mawh sawnh leh a rian a ṭuan ti nan theih chun LALPA thupêk hen â kalh asi.

DEUTERONOMY 28:14

Sikhawmsele, zei lak khawm ah ê-aw ngâilo hen nan um ding asi lo, pathian dang tla sawnh hen a rian nan ṭuan ding asi lo.

DEUTERONOMY 29:17

An milem thing, lung, tangkasa leh ngûn hen an siam mi fihnungkâi tla nan muh asi.

DEUTERONOMY 29:18

Hinah mipa, nunau, dâwngsungkhur mawh phun mawh tusûn ni ah dîrtu tla zawzawng nih LALPA nan Pathian chu kaltâk hen phun dang pathian tla nan sawnh lebang lai theih set u. Chubang tla chu thil khâ leh tûr keuh hen a ram a thlâk mi asi sual lebang lai.

DEUTERONOMY 30:17

Sikhawmsele, ê-aw ngâilo hen a thu nan êl chun, pathian dang tla sawnh hen nan pial chun

DEUTERONOMY 31:20

An thlâktu tla sinah thu ka tiamh rawh mi hâwi hen hi ram ṭha leh neihnâk ram ah ka kalpi na lai. Chunah chun ei ding an duh mi zawzawng an tawng lai le, lungngam tak hen an um lai. Sikhawmsele, mahlo leiah an pial lai le, pathian dang tla an sawnh lai. An ka nawng lai le, ka thudântuk tla an buar lai,

DEUTERONOMY 4:23

LALPA nan Pathian nih nan sinah thudân a tuk mi chu philh lo ding hen theih set u. A thupêk zûl ule, zeitin mi zât lem khawm siam lah u,

DEUTERONOMY 4:9

A vêng thlir u! Philh lo ding hen theih set u, nan mit ngelchel hen nan muh mi kha nan thih lânlo philh lah u. Sinai Tlângah LALPA nan Pathian mâika ah

DEUTERONOMY 5:7

“ ‘Keimah lo chu zei pathian khawm sawnh lah u.

DEUTERONOMY 8:19

LALPA nan Pathian chu philh rîlmâl lah u, pathian dang tla sawnh ding leh an rianṭuan piak hen hertâk lah u. Nan ti asi chun nan vei ngelchel lai ti tusûn ni hin kan simh na asi.

HEBRAI 12:15

Âukhawm Pathian zângfahnâk lakah mi nan tlû lonâk ding hen leh thil khâ chu a hawng ṭhang le, mi tam tak a nawktir na mi hâwi hen nan si lonâk ding hen a thiamthih u.

HEBRAI 2:1

Churuangah, nâ hen kan theih mi tla kha semsêngâi tak hen kan sunhsak khun ding asi, chu lo chun kan vei sual lebang lai.

HEBRAI 3:12

Unau tla, a thiamthih u, chu lo chun Pathian nung chu bângtâk ding hen nan lakah âu sungah mawh lunglonâk thinlung sual a hawng um lebang lai.

HEBRAI 4:1

Churuangah, kan ṭih ding asi, chu lo chun Pathian dinhnâk ah lûtnâk ding thutiam um ko hen, nan lakah âumawh a dinhnâk ah lût kho lo hen nan um lebang lai.

JEM 1:26

Âuzawng phung thu sunhsaktu ah â ruat hen, a lei a veng kho ṭung lo chun amah â perpet mi asi, chu hâwi minung nih phung thu ah a sawnh dân chu zeikhawm asi lo.

1 JOHAN 5:21

Ka fa le tla, pathian diklo tla lakah a dang hen a thlei u.

THUPHUANG 12:9

Chun, rûlrêu lianpi, Diabol mawh, Setan an ti mi, laikulh zawzawng perpettu chu tual ah an lawnh rawh, a mifial tla khawm an lawnh sih.

THUPHUANG 13:14

Chun, sarâng masa chem mitmuh ah thilchê a ti mi hen khan tual tlûnah mi zawzawng chu a perpet na rawh. Chun, sarâng nih chun nâmsâu hen thih khawp rê hen liamh hen a um le, a dam nawlh mi sarâng chawnglawmhnâk ding hen mi zawzawng chu sarâng masa chem lem tuah ding hen thu a pêk na.

THUPHUANG 20:4

Chun, laltophah tla ka muh le, a tlûnah mi an to le, an sinah lâirêlnâk an pêk na le, chun, Jisu theihtirnâk thu ruangah leh Pathian thu ruangah lû tan hen an thi mi thlarau tla leh sarâng leh a lem mâimûk lo hen, an chal ah mawh, an kut ah mawh singsiahnâk neilotu tla thlarau khawm ka muh le, chubang tla chu an nung le, Jisu Krist hen kum sâng khat lâi an rêl.

1 SAMUEL 12:20

“Ṭih lah u ” ti hen Samuel nih a sâng. “Chu hâwi hen thilsual ti menza khawm ule, LALPA lakah mi kâng dang ah hawitâk lo hen, nan thinlung zawzawng hen a nâwl zulh lehlam u.

1 SAMUEL 12:21

Pathian diklo tla zûl lah u; an ṭangpi hen an hum kho na ding asi lo, a tak an silo ruangah.