DEUTERONOMY 10:9 - Bawm Common Language Bible Version

⁹ Churuangah asi, Levi phun tla chu phun dang hâwi hen ram an nei lo mi chu; LALPA nan Pathian nih thu a tiamh hâwi hen LALPA bâwlpu tla tawng mi chu an tâ asi bâk ko.)

DEUTERONOMY 10:9 ပူးပေါင်းရင်းမြစ်များ

EZEKIEL 44:28

“Bâwlpu tla chu bâwlpu sinâk Israel tla lakah ka pêk na mi chu thlâk khat thawk hen thlâk dang a um ding mi lakah anna ap singsuan vima ding asi. Israel lakah mi thil anna tleih kumza ding asi lo; an thil herh zawzawng chu keimah kasi.

NUMBER 26:62

Levi chi lakah mi mipa fa thla khat mi mawh chu ngâk a upa dauh mi tam zat chu 23,000 an si. Israel lakah mi a dang ê hen rîn an si. Israel lakah mi thil zeikhawm pêk an si lo ruangah.

THILTI 8:21

Hi bang thu lakah hin na tel bâk lo, tingvo khawm na nei lo; na thinlung Pathian ngaih hen â rep lo.

DEUTERONOMY 12:12

Chunah LALPA umnâk ah chun nan fa tla, nan to-aw tla, nan khua lakah Levi um mi tla hen munkhat lâwm tak hen um ule; Levi tla nih anmah rang ê hen mun an nei lo ti theihkumza u.

DEUTERONOMY 14:27

“Nan khua ah Levi murui tla chu thlawrhthlâu lah na u, mah rang ê hen thil an nei lo ruangah.

DEUTERONOMY 14:29

Hi bang ei ding tla hi Levi murui rangah asi, thil zeikhawm an tâ a umlo ruangah, ramdang mi, mi ngâkṭah, numei tla nan khua ah um mi tla rang khawm asi. An hawng lai le, an herh zia zawng hen anna ting bâk ding asi. Hi hâwi hen ti ule, LALPA nan Pathian nih mal an sâwm na lai.

JOSUA 14:3

Mosi nih Jordan Va saklei ram chu phun nih leh a khingkhuai rangah a pêk ving na rawh. (Josef thlâk tla chu phun nih hen anna ṭhen le, Manaseh leh Efraim) an si. Sikhawmsele Mosi nih Levi tla rangah lam chun ram tingvo a pêk na lo. Ram ruangrûl ah khuapi an umnâk leh an ranrual rangah phâisen anna ting bâk.