DEUTERONOMY 10:4 - Bawm Common Language Bible Version

⁴ Chun LALPA nih a tîr mi thu tê kha chu tlângah nanna pûm liauah mei thawk hen nan sinah thu a hawng sim mi thupêk parâ a nan pêk na mi kha chu lungtlêp tla lakah chun a rîn rawh. Chu lungtlêp chu LALPA nih hawng ka pêk le,

DEUTERONOMY 10:4 ပူးပေါင်းရင်းမြစ်များ

EXODUS 31:18

Pathian nih Sinai Tlângah Mosi sinah thu a sim mi chu â lîm rawh chun, amah Pathian ngelchel nih a rîn mi lungtlêp panih lakah thupêk rîn mi tla chu Mosi sinah a pêk rawh.

EXODUS 34:1

LALPA nih Mosi sinah “A lân hâwitê hen lungtlêp panih siam le, a lânah na khuai mi lungtlêp lakah thu a um mi tê kha Ka rîn nawlh lai.

EXODUS 34:28

Mosi chu chunah LALPA sinah ni sâwmli leh zân sâwmli a um, zeikhawm a din hen a ei lo. Lungtlêp lakah thudântuk Thupêk Parâ tla chu a rîn rawh.

DEUTERONOMY 18:16

“Sinai tlângah nanna pûm liauah LALPA thusim chu theihlo rawh ding hen leh ṭihnung a kâi zia muhlo rawh ding hen nan ngiar le, kan thi lebang lai ti nan ṭih ruangah.

DEUTERONOMY 9:10

Churawhchun, LALPA nih lungtlêp panih tlâng bulah nanna pûm liauah mei thawk hen nan sinah thudântuk a sim mi amah kut ngelchel hen a rîn mi chu hawng ka pêk rawh.