DEUTERONOMY 10:21 - Bawm Common Language Bible Version

²¹ Sawr u, anih chu nan Pathian asi, thilchê rokual tak an ti piak na mi chu nan mit ngelchel hen nan muh asi.

DEUTERONOMY 10:21 ပူးပေါင်းရင်းမြစ်များ

2 SAMUEL 7:23

Israel mi tla sal ah tang mi, na mi rang ding ah na suah na mi hâwi hen tual tlûnah âu phun khawm an um lo. An rangah thilchê rokual tak tla na ti le, laikulh pumpi ah na min a thang rawh. Nangmah mi siding hen Aigupta ram ah mi na suah na mi tla, an kalnâk zawzawngah phun tla leh an pathian chu na nar piak hep na.

SAM 109:1

Pathian, dâisip hen um lah le; ka nan sawr asi!

SAM 145:6

Mi tla nih na thilti chak tla an sim lai le, kei nih na rokualnâk ka phuang lai.

SAM 148:14

A phun thîm tla chu chak tak hen a siam na le, a dâwt na mi, a mi Israel tla zawzawng nih amah chu an sawrnâk ding hen. LALPA chu sawr u!

SAM 22:3

Sikhawmsele, nang, Mi Thenhlimh, Israel nih a nan sawr mi laltophah ah na to.

EXODUS 15:2

LALPA chu hawng ka vêngtu chak tak asi; amah chu ruang hawng ka suahtu asi. Amah chu ka Pathian asi, ka sawr lai; ka pa Pathian asi, rokualnâk la ka sak lai.

EXODUS 34:10

LALPA nih Mosi sinah, “Tu chun Israel fa tla sinah thudântuk ka siam rawh. An mâika ah thil rokual tla zei ram khawm ah ti dahlo mi, hi tual tlûn zei phun lak khawm ah um dahlo mi ka ti awt. Mi zawzawng nih Kei, LALPA nih thil rokual ka ti kho zia an muh lai, nan rangah thil ṭihnungkâi ka ti awt ruangah.

ISAI 60:19

“Sûn ah Nî chu na rangah chêu asi lai lo rawh, Zân khawm ah thlâpa chu na rangah chêu asi lai lo rawh; Kei, LALPA chu na zungzâl chêu kasi lai le, Ka rokualnâk chêu chu na tlûnah a chêu lai.

ISAI 64:3

Na hawng kal liauah kan ruat lo hâwi tak hen thil ṭihnungkâi na ti mi tik tla a hawng um le; tlâng sâng tla nih an muh le, lâu hen anna nîn.

JEREMIA 17:14

LALPA, hawng ka damh le, tliang ver hen ka dam lai; hawng ka hum le, him tak hen ka um lai. Ka nan sawr mi chu nang na si!

LUK 2:32

Phundang tla sinah langhtirnâk chêu leh na mi Israel tla rokualnâk ding chu,” a ti.

JOSUA 24:18

Hi ram ah hin kan hawng kal le, hinah Amor um mi tla khawm a nar ver na. Churuangah chun LALPA rian chu kan ṭuan bâk awt, amah chu kan Pathian asi,” an ti.

THUPHUANG 21:23

Chun, chu khua nih chun a cherhtu ding hen nî a herh lo, thlâ khawm a herh lo; Pathian rokualnâk nih a cherh le, an meichêu chu Dawrâ Fa asi.

1 SAMUEL 12:24

LALPA lakah ê-aw ngâi ule, nan thinlung zawzawng hen a rianṭuan u. Nan rangah thil rokual tak an ti piak na mi chu theihkumza u.