DEUTERONOMY 10:2 - Bawm Common Language Bible Version

² na khuai mi lungtlêp ah rîn mi ber chu lungtlêp lakah ka rîn nawlh lai le, chu tikah tawbala sungah na siah lai,’ a ti.

DEUTERONOMY 10:2 ပူးပေါင်းရင်းမြစ်များ

1 Lal 8:9

Chu Thudântuk Bâwm sungah chun Mosi nih Sinai Tlângah Israel tla Aigupta ram thawk hen an hawng kal liauah LALPA nih thudântuk a pêk na mi rînnâk lungtlêp panih cho lo chu a sungah thil dang zeikhawm a um lo.

2 CHRONICLES 5:10

Israel mi tla Aigupta ram thawk hen an suak liauah LALPA nih Sinai Tlângah Israel tla sinah thudântuk a siam mi lungtlêp panih cho lo chu Thudântuk Bâwm lakah zeikhawm a um lo.

EXODUS 32:19

Mosi chu riaknâk mun ah a va tleng le, chawchal lem leh zapi minung lâm mi a muh le, thungâi a thinthawk rawh. Chu tlâng bul ah chun lungtlêp a put mi tla chu a puak le, a kuai dip.

EXODUS 34:1

LALPA nih Mosi sinah “A lân hâwitê hen lungtlêp panih siam le, a lânah na khuai mi lungtlêp lakah thu a um mi tê kha Ka rîn nawlh lai.

EXODUS 40:20

Lungtlêp panih chu a lâk le, Thudântuk Bâwm ah a siah. Thing tluan chu bâwm a nâ kual tla lakah a sawh le a sinh.

DEUTERONOMY 10:5

ka kîr le, tlângah mi chu ka ṭum rawh. Pathian nih thu hawng ka pêk mi hâwi hen thing tawbala ka siam mi sungah ka siah le, chunah chun a um pawt rawh,” a ti.

DEUTERONOMY 4:13

Thudântuk kil thlir ding hen a nan siam piak na mi tla, Thupêk Parâ lungtlêp panih lakah a rîn mi tla chu nan zûl ding hen a nan simh na asi.

HEBRAI 9:4

Chu lakah chun ngûn mâichâm rimthâw duahnâk leh thudântuk bâwm, ngûn hen luanh mi chu a um, chu thudântuk bâwm sungah chun manna ngûn bêl, Aron ṭhianṭhunh chawrh mi, thudântuk lungtlêp tla panih dân thu rînnâk a um.