DEUTERONOMY 10:18 - Bawm Common Language Bible Version

¹⁸ Ngâkṭah leh numei tla a dâwt na, kan sinah ramdang minung um mi tla khawm a dâwt le, ei ding leh nipuan tla a pêk na.

DEUTERONOMY 10:18 ပူးပေါင်းရင်းမြစ်များ

2 CHRONICLES 19:7

LALPA chu ṭih ule, thiamthih tak hen thilti u, LALPA kan Pathian chu perpetnâk mawh, thliar leh dangnâk mawh, nawhnâk lâk mawh sâithiam lo mi asi,” a ti.

SAM 10:18

Ngâkṭah leh nehsawh hen um mi tla ṭapnâk chu na ngâi lai le, siherh hen lâi na rêl piak na lai, thikho mi nih ṭihnâk an tawng lai lo rawh.

SAM 103:6

LALPA nih chun nâuneh hen um mi tla rangah sunhsak tak hen lâi a rêl le, thuneihnâk a pêk na.

SAM 145:9

Mikip sinah a ṭha le, a thilsiam zawzawng lakah ṭhat a suah.

SAM 146:9

Kan ram ah ramdang mi um mi tla chu a zauhkhenh na le, numei leh ngâkṭah tla a ṭangpi na. Mi ṭhalo thiltum tla lam chu a râwk.

SAM 68:5

Biakin thenhlimh ah um mi Pathian nih chun, mi ngâkṭah leh numei tla a zauhkhenh na.

SAM 68:6

Mi riangvâi tla rangah umnâk in a pêk le, rêng an tlâ mi chu thawsuaknâk ah a kalpi na, sikhawmsele mi hel tla chu ṭiau tâk mi ram ah an um lai.

EXODUS 22:20

“Âuzawng, Kei, LALPA lakah silo hen pathian dang sinah bâwlnâk aptu chu thi ding hen mawhtir an si lai.

EXODUS 22:21

“Ramdang mi minung nehsawh hen nauneh lah; Aigupta ram ah ramdang mi nan si mi kha theihkumza u.

EXODUS 22:22

Mi ngâkṭah mawh numei mawh rangah nan nehsawh ding asi lo.

EXODUS 22:23

Nan nehsawh asi chun, Kei, LALPA sinah ṭangpi deih hen an âu mi chu ka sâng na lai le,

ISAI 1:17

Asi, thilsual ti bâng ule, thildik ti a sîn u. Diknâk ti hen um mi tla chu zauh ule, nehsawh hen um mi chu ṭangpi na u, mi ngâkṭah tla ṭanh ule, numei tla hum na u,” a ti.

JEREMIA 49:11

Na mi ngâkṭah tla chu ka sinah mâk na le, keimah nih ka zauhkhenh na lai. Na numei tla khawm nih an ka ngauhsan kho lai.

HOSEA 14:3

Asiria nih hawng kan hum kho dah ding asi lo, râltuknâk rang tla khawm nih hawng kan hum kho lai lo, kan milem tla sinah kan pathian na si kan ti lai lo rawh. LALPA âu sin khawm pial lotu tla sinah khua na ruat,” a ti.

LEVITICUS 25:35

Nanmah Israel chi amah â châwmlâwm kho lo chun, nan kiangah a um kho bâk ding hen lawh nan siah na mi hâwi hen pêk na bâk u.

NUMBER 10:32

Kan sinah na hawng bâk asi chun, LALPA nih mal hawng kan sâwm mi zawzawng kan ṭhenh bâk lai,” a ti.

MATHAI 5:45

nan Pa vân a mi fa tla nan si khonâk ding hen. Anih nih chun misual tla leh mi ṭha tla tlûnah chun a nî a suaktir tâwn le, mirep tla leh mi replo tla tlûnah khawm ruah a sûrtir tâwn asi.

THILTI 14:17

sikhawmsele, Pathian nih amah chu a dik asi ti theihtirnâk umlo hen a siam lo, chu hâwi hen thil ṭha a ti tâwn, vân thawk hen ruah tla leh ei ding a nan pêk na, nan thinlung lâwmnâk hen a nan khattir na tâwn kha,” an ti.

DEUTERONOMY 27:19

“ ‘An diknâk lakah ramdang minung, numei, ngâkṭah tla thlawrhthlâu chu Pathian siat an tlûnah um seh,’ an ti lai. “Mi zapi zawzawng nih ‘Amen!’ ti hen an sâng lai.