DEUTERONOMY 10:17 - Bawm Common Language Bible Version

¹⁷ LALPA nan Pathian chu pathian zawzawng lâirêltu leh thiltikhonâk lakah Chungnungchem asi. Anih chu a chak hen a rokual le, ṭih ding mi tak asi. Mi thliar leh dang a nei lo le, nawhnâk khawm a lâk lo.

DEUTERONOMY 10:17 ပူးပေါင်းရင်းမြစ်များ

2 CHRONICLES 19:7

LALPA chu ṭih ule, thiamthih tak hen thilti u, LALPA kan Pathian chu perpetnâk mawh, thliar leh dangnâk mawh, nawhnâk lâk mawh sâithiam lo mi asi,” a ti.

NEHEMIAH 1:5

“LALPA, vân ah mi Pathian! Nang chu na rokual le, kannih chu nangmah ṭih hen kan um ko. Nangmah dâwttu leh na thupêk hâwi hen thil titu sinah chun na Thudântuk lakah rinhsanh tlâk na si.

NEHEMIAH 4:14

Mi tla chu ka zauhnâk ah thungâi dî hen ka theih na le, an sinah leh anmah ruitu leh rianṭuantu tla sinah, “Kan mêlma tla chu ṭih na lah u; LALPA rokual zia leh ṭihnungkâi zia theih ule, a ram lakah nan hâwi tla, nan fa tla, nan nupi tla, nan in tla ruangah do u,” ka ti na.

NEHEMIAH 9:32

“Pathian, kan Pathian, nang chu na rokual châwk a! ṭihnung khawm na kai! Thil khawm na ti kho ngâk! Na thutiam lakah zumhkâi tak hen na um. Asiria lal tla nih hawng kan nehsawhnâk hen tutiang thungâi kan tuar! Kan lal tla, hawng kan ruitu tla, kan bâwlpu leh khuavâng tla, hawng kan thlâktu leh mi zawzawng nih kan tuar! Kan tuar fâk dân tla hi theihkumza rawh!

JOB LASUIBU 34:19

Lâirêltu lei khawm â ṭângṭawm lo, mipâm hua hen minei a sunhsak lêm lo le, mikip chu amah siam mi an si ruangah.

SAM 99:3

A min rokual leh zah a kâinâk chu mikip nih an sawr lai. Amah chu a Thenhlimh asi!

EXODUS 23:8

Nawhnâk duh lah, mi tla chu nawhnâk nih an mit a châwtir na le, diknâk an ruat kho lo, chu nawhnâk nih chun mawh lo hâwi hen a siam na ruangah.

ISAI 37:16

“LALPA, Zeizawng tikho, thilnung thla tlûnah totu Pathian chu nangmah cho na si le, nangnih chun laikulh lalram zawzawngah lâi na rêl. Nangnih tual leh vân na siam.

ISAI 9:6

Kan lakah ngâksia a hawng suak! Fapa pêk hen kan um! Anih chu kan lâirêltu asi lai. “Remruattu Che,” “Pathian chak,” “Zungzâl Pa,” “Remnâk Lal” an ti lai.

JEREMIA 20:11

Sikhawmsele, LALPA, nang chu keimah leiah ṭângṭawm mi na si, na chak hen na vak le, hawng ka nehsawhtu tla chu an tlawlh lai. Anna dingchang lo ruangah mualpho hen an um kumza lai. An ningzaknâk chu zeiliau khawm philh asi lai lo!

JEREMIA 32:18

Sâng tam tak tla sinah na dâwtnâk dawnglo na zauhtir le, sikhawmsele an nu leh an pa sualnâk ruangah mi tla na rêp na. Nang chu Pathian rokual leh thiltikho tak na si; nang chu LALPA Zeizawng tikho na si.

DANIAL 11:36

“Siria lal nih amah thu thu hen thil a ti lai. Zei pathian zawng, Pathian rokual chem khawm, Pathian rokual tak ngâk khawm hen lian dauh a ruat hen â khâwng lai. Pathian nih a rêpnâk tik a tlung lânlo chu, chubang chu a tikho lai. Pathian nih a thiltum mi hâwitê a ti lai.

DANIAL 2:45

Âu tawngh tham lo hen lung a beuh le, a hawng rîl mi nih milem, thîr, dâr, valei, tangkasa, ngûn hen siam mi a denh mi na muh. Pathian rokual nih hi nûnthâi ah thil a hawng tlung ding mi nang lal rangah a nan simh mi asi. Na mang na manh mi tak leh a simfiangnâk chu ka nan simh hen ka nan pêk rawh asi,” a ti.

DANIAL 2:47

Lal nih, “Na Pathian chu pathian zawzawng lakah a rokual chem le, lal tla tlûnah Lal asi le, thilthup tla langhtu asi. Thilthup na simhfiang ruangah chu chu ka theih mi asi,” a ti.

MARK 12:14

Chun, annih chu an hawng tlung rawh chun a sinah, “Sîntirtu, mi dik tak na si le, âukhawm ṭih leh zah khun na nei lo ti kan theih, âukhawm thliar leh dang lo hen, sîset hen Pathian lei thu na sîntir tâwn asi. Kaisar sinah siah châwi hi dân asi ma, si lo? Kan pêk lai ma, pêk lai lo?” an ti.

THILTI 10:34

Chun, Peter nih a sim le: “Pathian nih mi duh bîk a nei lo ti diktak hen ka theih,

ROM 2:11

Pathian nih mi zawzawng bang ver hen a zauhkhenh ruangah.

GALATIA 2:6

Chun, mi lian dauh ah an ruat mi tla lakah chun zeitin mi tal khawm si sele, ka rangah â dang lêm lo, Pathian nih âukhawm a thliar lo-- mi lian dauh ah an ruat mi tla nih chun ngaihdân thar zeikhawm an ka sap lo.

EPHESI 6:9

Chun, nannih hotu tla, chu hâwi ber hen anmah leh nanmah hotu chu vân ah a um ti leh anih nih chun mi duh khun a nei lo ti theih hen, râp lo hen an tlûnah ti bâk u.

DEUTERONOMY 1:17

Nan thu thlûk chu âu lei khawm ṭângṭawm lo hen langhtir ule, mikip rangah bang khap hen lâirêl ule, anih rang ê tilo hen. Âukhawm ṭih na lah ule, nan thu thlûk chu Pathian thawk hen mi asi ruangah. Zei thu tal nan rangah a har tuktarâi chun ka sinah hawng put ule, keimah nih ka thlûk lai.’

DEUTERONOMY 16:19

An lâirêlnâk lakah khat leikâng ṭângṭawmnâk nei hen diklo tak hen lâi an rêl ding asi lo; nawhnâk khawm an ei ding asi lo, thilpêk nih mifing leh mi zumhkâi mit a châwttir le, diklo tak hen thu thlûknâk a siam tâwn.

DEUTERONOMY 24:17

“An diknâk ah chun mi ngâkṭah khawm ramdang mi khawm dawktir lah u; lei â bat mi ruangah numei nipuan lâk piak lah.

DEUTERONOMY 27:25

“ ‘Mi sualnâk nei lo mi thah ding hen tangka lâktu tlûnah Pathian siat um seh,’ an ti lai. “Mi zapi zawzawng nih ‘Amen!’ ti hen an sâng lai.

DEUTERONOMY 7:21

Churuangah hi minung tla hi ṭih na lah u. LALPA nan Pathian nan sinah a um; amah chu Pathian rokual leh ṭih ding mi chu asi.

KOLOSA 3:25

Thil diklo titu nih chun a thilti diklo man chu a tawng nawlh lai; Pathian nih mikip chu bang ver hen lâi a rêl ruangah.

1 TIMOTHE 6:15

Chu langhnâk a tik takah sawrtlâk Pathian tak cho, lalchem tla Lalchem, lalpa tla Lalpa nih chun a zauhtir lai.

JOSUA 22:22

“Mi thiltikho chu Pathian asi, amah chu LALPA asi! Mi chak pakhat chu Pathian asi! Amah chu LALPA asi! Zei rangah hi hi kan ti amah nih a theih asi, nannih khawm nih nan theih ding hen kan duh na! LALPA lakah kan hel hen amah kan zumh lo mi asi chun hawng kan zuah rerêng lah seh!

1 PETER 1:17

Chun, thliar leh dang nei lo hen, mikip an rianṭuan hâwi chiau hen lâirêl piaktu chu Pa ti hen nan auh chun hi tual ah nan um kar vial amah zah tak hen um u.

THUPHUANG 17:14

Chu tla nih chun Dawrâ Fa chu an do lai le, sikhawmsele, Dawrâ Fa chu hotu tla Hotu, lal tla Lal asi ruangah, amah kawh mi tla, thîm mi tla leh amah zûltu zumhkâi tla nih chun an neh na lai,” a ti.

THUPHUANG 19:16

Chun, a puan leh a kê ah min rîn, “lal tla Lal leh hotu tla Hotu,” ti hen a um.