DEUTERONOMY 10:16 - Bawm Common Language Bible Version

¹⁶ Churuangah chun LALPA thu ngâi ule, nan lung khungtir lah u rawh.

DEUTERONOMY 10:16 ပူးပေါင်းရင်းမြစ်များ

GENESIS 17:11

Tu thawk hen mipa fa zawng chu ni riat ni ah, sal nan in ah a suak mi leh ram dang thawk hen nan châwk mi khawm an fêm nan tan khap na ding asi. Hi hi nannih leh keimah karah thudântuk asi ti theihnâk ah asi.

2 CHRONICLES 30:8

Anmah hâwi hen lungkhung lah u, LALPA thu ngâi u. Jerusalem a Biakin ah hawng u, chu chu LALPA nan Pathian nih thenhlimh tak hen amah sawnhnâk ah a siam mi asi le, chu tikah LALPA chu nan lakah a thinthawk lai lo rawh.

JEREMIA 4:14

Jerusalem, na thinlung ah mi sualnâk chu ṭâwl rawh, na him khonâk ding hen. Zei tiang riamruam me sualnâk na dawn awt?

JEREMIA 4:4

Nannih Juda mi leh Jerusalem mi tla, ka sinah thudân nan tuk mi chu kil thlir ule, kei nan LALPA lakah hawng a pêk u. Chu hâwi nan ti lo chun thilsual nan ti mi ruangah ka thinthawknâk nih mei hâwi hen an khangh na lai. A kâng lai le, âukhawm mihtu a um lai loh,” a ti.

EZEKIEL 44:7

Fêm tanlo mi ramdang minung keimah lunglotu tla chu bâwlnâk thâu leh thisen ka sinah an ap liauah ka Biakin ah an lûttir na le, an nawmh asi. Churuangah ka mi tla nih thil fihnungkâi an ti mi zawzawng hen ka thudântuk chu an buar rawh.

LEVITICUS 26:41

ka lung an sitir lo ruangah an mêlma tla ram ah sal ka tângtir na mi nih an sual tla leh an pu sual tla an lêt lai. A dawnghnâk ah chun nan thlâk tla chu an helnâk leh an sual ruangah rêp an si lai le, anna nautir lai rawh.

DEUTERONOMY 30:6

LALPA nan Pathian nih nanmah leh nan thlâk tla rangah ê-aw ngâinâk thinlung a nan pêk na lai le, churawhchun nan thinlung zawzawng hen amah nan dâwt lai le, chu ram ah chun nan um kumza lai.

DEUTERONOMY 31:27

An lungkhung zia leh hel an mang zia ka theih. Ka dam liau khawm ah LALPA tlûnah an hel le, ka thih nûn châng chun thungâi an zual lai.

DEUTERONOMY 9:13

“LALPA ber nih ka sinah, ‘Hi minung tla hi an lung a khung thlo ti ka theih.

DEUTERONOMY 9:6

Pêk tlâk nan si ruangah hi ram ṭha hi LALPA nih an pêk na mi asi lo ti theih u. Chu hâwi ding ngâk hen, mi lungkhung tak nan si.

KOLOSA 2:11

Krist fêmtannâk ah chun taksa tîttak lît ver hen amah lak ber ah kut a fêmtan silo hen fêmtan nan si kha;