DEUTERONOMY 1:7 - Bawm Common Language Bible Version

⁷ Nan riakmun tla siat ule, a ṭhial u. Amor umnâk tlâng ram ah chun kal ule, a kiangkam ah mi ram tla zawzawngah khawm, Jordan Vakuam lei tla, tlâng ram lei leh phâi lei tla, simlei tla, Mediteranian leiah. Kanaan ram leiah kal ule, Lebanon Tlâng lanh lei ram Eufretis Tiva tiang hen.

DEUTERONOMY 1:7 ပူးပေါင်းရင်းမြစ်များ

GENESIS 12:9

Chunah mi chu â ṭhial vima le, Kanaan simlei a fûk vima.

2 SAMUEL 8:3

Zobah ram ah mi Siria lal, Rehob fapa Hadadezer khawm a neh. Tlûnlei mi Eufretis tiva hen ram chu luah nawlh ding hen Hadadezer nih â tîm ruangah.

1 CHRONICLES 18:3

Chu nûn chun Hadadezer nih Eufretis saklei ram chu lâk ding a tum ruangah Hamat ram kiangah mi Siria lalchem Hadadezer mun Zobah chu David nih a do.

1 CHRONICLES 5:9

Gilead ram ah ranrual tam tak an nei le, churuang chun saklei ram ramkaro Eufretis Tiva lei kalnâk tiang an luah hep.

EXODUS 23:31

Nan ram chu Agaba likâwlneng thawk hen Eufretis tiva tiang leh Mediteranian Tipi thawk hen ramkaro tiang ka kauh lai. Chu mi ram ah um mi tla tlûnah thiltikhonâk kan pêk na lai le, nan kalnâk zawng ah nan nar vima na lai.

AMOS 2:9

“Sikhawmsele, ka mi tla, nanmah ruangah Amor mi tla sidar thing hâwi a sâng mi leh oak thing hâwi an khauh mi chu ka veih dep na.

NUMBER 10:12

Israel tla chu Sinai Ramkaro thawk hen an kalnâk ding leikângah anna thawh rawh. Sûm chu Paran ramkaro ah â dîn.

DEUTERONOMY 1:19

“LALPA kan Pathian thupêk hâwi hen Sinai Tlâng chu kan mâk le, ramkaro ṭihnungkâi kâu tak pal hen Amor umnâk tlâng ram lampi leiah kan kal. Kades Barnea ah kan tlung rawh chun,

DEUTERONOMY 11:11

sikhawmsele, nan va lûtnâk ding mi ram chu tlâng sâng tak leh tivakuam tinung um mi ram asi.

DEUTERONOMY 11:24

Nan lamh mi tual nan kalnâk zawng chu nan tâ asi lai. Nan ramri simlei mi ramkaro thawk hen marlei mi Lebanon Tlâng leh, saklei mi Eufretis tiva thawk hen thlanglei mi Mediteranian Tipi tiang asi lai.

JOSUA 1:4

Nan ramri ding mi chu simlei ramkaro thawk hen marlei kang Lebanon Tlâng tiang; saklei kângah Eufretis Va thawk hen Hit ram zawzawng leh thlanglei kângah Mediteranian Tipi tiang asi lai.

JOSUA 10:40

Josua nih ram pumpi a neh rawh. Tlâng ram ah lalchem tla zawzawng a neh na le, saklei ram ah mi tla leh thlanglei kâng tlâng bul ah mi tla, marlei kâng ramkaro mun ah mi khawm. Pakhat khawm a zuah na lo, an ektê hen a thah hep na. Chu chu Israel LALPA Pathian thupêk asi.

JOSUA 24:15

Amah rian chu ṭuan ding nan duh lo asi âwk leh tusûn ni ah hin âu rian nan ṭuan awt a ruat set u. Tuah nan umnâk ram Amor tla pathian mawh Mesopotamia ram ah an thlâk natu pathian rian ma nan ṭuan awt thlûk u. Kei leh ka dâwngsung lam nih chun LALPA rian kan ṭuan lai,” a ti.

JOSUA 9:1

Israel tla nih nehnâk anna ting mi chu Jordan thlanglei mi lalchem zawzawng tlângah mi, Mediteranian Tipi phâi ah mi zawzawng, Lebanon tlâng marlei tiang hen an theih ver. Hi bang Lalchem tla hi Hit mi lalchem tla, Amor mi lalchem tla, Kanaan mi lalchem tla, Periz mi lalchem tla, Hiv mi lalchem tla leh Jebus mi lalchem tla an si.

THUPHUANG 9:14

chu aw-hâu nih chun, vânmifial paruknâk tâwtawrâwt a put mi sinah chun, “Eufretis tipi ah vânmifial pali phuar hen an um mi tla kha suah na rawh!” a ti.