DEUTERONOMY 1:4 - Bawm Common Language Bible Version

⁴ Hi hi LALPA nih Amor lalchem Sihon, Hesbon khua ah lâirêltu leh Basan ram Og lalchem Astarot leh Edrei ah lâirêltu a neh na nûnah mi asi.

DEUTERONOMY 1:4 ပူးပေါင်းရင်းမြစ်များ

GENESIS 14:5

A kum leilinâk ah chun Kedorlamer leh amah bawptu tla chu an kawrsen tla hen an hawng le, Asterot Karnaim a mi Rephaim, Ham ah mi Zuzim, Seva-Kiriathaim phâi a mi Emim,

NEHEMIAH 9:22

“An kiangkam ramri mi phundang tla na nehtir na. Sihon nih lâirêlnâk Hesbon ram na nehtir na le, Og lal umnâk Basan ram khawm na nehtir na.

SAM 135:11

Amor lal Sihon, Basan lal Og, leh Kanaan ram lal zawzawng tla khawm.

DEUTERONOMY 1:5

Chu liau chun Jordan saklei Moab ramri ah an um le, chunah chun Mosi nih Pathian dân tla leh sîntirnâk a simhfiang.

DEUTERONOMY 2:26

“Churawhchun, Kedemot ramkaro thawk hen Hesbon ah mi Sihon lalchem sinah hi bang remnâk thu sim ding hen mi ka fial na:

DEUTERONOMY 3:1

“Churawhchun, marlei kângah mi Basan ram ah kanna ṭhial le, Edrei khua kiangah hawng kan do ding hen Og lalchem chu a mi tla zawzawng hen an hawng suak.

DEUTERONOMY 3:6

Khuapi zawzawng tla kan râwk le, mipa tla, nunau tla leh ngâksia tla kan thah hep na, Hesbon ah mi Sihon lalchem khuapi tla kan ti hâwitê hen kan ti.

DEUTERONOMY 4:47

A ram leh Basan lalchem Og, Amor lalchem dang Jordan Va saklei ah a um mi ram chu an luah.