DEUTERONOMY 1:17 - Bawm Common Language Bible Version

¹⁷ Nan thu thlûk chu âu lei khawm ṭângṭawm lo hen langhtir ule, mikip rangah bang khap hen lâirêl ule, anih rang ê tilo hen. Âukhawm ṭih na lah ule, nan thu thlûk chu Pathian thawk hen mi asi ruangah. Zei thu tal nan rangah a har tuktarâi chun ka sinah hawng put ule, keimah nih ka thlûk lai.’

DEUTERONOMY 1:17 ပူးပေါင်းရင်းမြစ်များ

GENESIS 18:25

Sual nei lo mi chu sual nei mi hen bang cho hen na thah rîlmâl lai lo. Chu chu ti kho asi lo! Na thah duh rerêng lai lo. Na hei ti bâk chun, sual nei lo mi chu sual nei mi tla hen munkhat hen rêp an si awt, chu hâwi chu ti kho asi lo. Tual tlûn zawzawngah lâirêltu nih rep tak hen ti ding asi ruangah,” a ti.

2 SAMUEL 14:14

Kan thi ver ding ko rawh, tual ah tî thlêt hen pumh nawlh kho lo mi hâwi hen kan si ko rawh. Pathian khawm nih a thi rawh mi chu a nunh nawlh lo. Sikhawmsele, Lalchem nih chun a tâng mi minung kîr nawlh ding hen a lampi a hâwl kho asi.

2 CHRONICLES 19:5

Juda ram kulhnei khua kip ah lâirêltu tla a ruat le, a sîntir na.

2 CHRONICLES 19:6

“Lâi nan rêl tikah hawlh leh ring ah a thiamthih u, nan thilti hi minung thuneihnâk hen nan ti mi asi loh, LALPA thuneihnâk hen nan ti mi asi, mi nan rêp liau khawm ah nan sinah a um ko asi.

JOB LASUIBU 31:34

Minung thusim lakah ka lâu dahlo; an hawng ka siarlo ding mi ṭih ruangah, in sungah erh ziar hen ka dâisip dahlo.

SAM 82:2

“Diklo tak a lâirêl hi na bâng ding asi; misual lei ṭângṭawm hen nan um ding asi lo rawh!

EXODUS 18:18

Nang leh hi mi zapi minung tla rangah dîtnâk asi lai. Hi hi nangmah lâwng ti ding hen chun a tam tuktarâi.

EXODUS 18:22

Chu tla chu zapi minung lâirêl piak kumzatu ding hen ruat na. Thu har tuktarâi chu na sinah hawng tlunh sele, thu tênâu lam chu anmah nih an rêl kho. Chu hâwi hen na ritphurh an sâwng lai le, na rangah a zâng dauh lai.

EXODUS 18:26

Chubang tla chu mi zapi lâirêltu ah bir tak hen an um le, Mosi sinah thu har dauh an tlunh le, thu tênâu lam chu anmah nih an rêl.

THUFING LASUIBU 18:5

Misual sunhsak leh zeikhawm thilsual tilo mi diklo hen ngaih chu a diklo.

THUFING LASUIBU 24:23

Mifing tla nih chun hi bang thil tla khawm hi an sim: Lâirêltu nih thil a fiang lânah ruatnâk nei chu a diklo.

THUFING LASUIBU 28:21

Nabeibâng hen thilti chu a diklo, sikhawmsele lâirêltu nih chun nawhnâk tâwmtê tawng duh ruangah thilsual a ti kho.

THUFING LASUIBU 29:25

Mi nih an ruat mi hâwi hen thinlung put chu ṭihnung a kai le, sikhawmsele LALPA lakah ngauhtu na si chun na him lai.

JEREMIA 1:17

Jeremia, a tîm rawh; kal le, sim ding hen thu ka nan pêk mi zeizawng va simh na. Tu chun anmah tla ṭih lah na, chu hâwi silo chun an sinah na um tikah anmah ṭih ding hen zer khun hen kan siam awt.

LEVITICUS 19:15

“Dân lakah thu na thlûk mi lakah zumhkâi rawh. Mi pâm rang khawm ah sunhsak khun lah le, minei khawm ṭih khun lêm lah.

MALAKI 2:9

Churuangah ka duh dân nan zûl lo ruangah leh ka mi tla nan sîntir na liauah mikip bang khap hen nan titir na lo ruangah Israel mi tla nanmah zauhnawmhtu ah ka siam rûl na bâk awt,” a ti.

MATHAI 22:16

Chun, an ṭhiruai tla, Herod murui sinah mi tla hen, a sinah an fial le, chubang tla nih chun, “Sîntirtu, mi dik tak na si le, dik tak hen Pathian leikâng thu na sîntir na tâwn le, sunhsak khun mi khawm na nei lo ti kan theih le; âukhawm thliar leh dangnâk na nei lo.

MARK 12:14

Chun, annih chu an hawng tlung rawh chun a sinah, “Sîntirtu, mi dik tak na si le, âukhawm ṭih leh zah khun na nei lo ti kan theih, âukhawm thliar leh dang lo hen, sîset hen Pathian lei thu na sîntir tâwn asi. Kaisar sinah siah châwi hi dân asi ma, si lo? Kan pêk lai ma, pêk lai lo?” an ti.

LUK 20:21

Annih nih chun a sinah, “Sîntirtu, dik tak hen thu na sim hen, âukhawm thliar leh dang nei lo hen Pathian thu na sîntir tâwn ti kan theih;

ROM 2:11

Pathian nih mi zawzawng bang ver hen a zauhkhenh ruangah.

EPHESI 6:9

Chun, nannih hotu tla, chu hâwi ber hen anmah leh nanmah hotu chu vân ah a um ti leh anih nih chun mi duh khun a nei lo ti theih hen, râp lo hen an tlûnah ti bâk u.

DEUTERONOMY 10:17

LALPA nan Pathian chu pathian zawzawng lâirêltu leh thiltikhonâk lakah Chungnungchem asi. Anih chu a chak hen a rokual le, ṭih ding mi tak asi. Mi thliar leh dang a nei lo le, nawhnâk khawm a lâk lo.

DEUTERONOMY 16:19

An lâirêlnâk lakah khat leikâng ṭângṭawmnâk nei hen diklo tak hen lâi an rêl ding asi lo; nawhnâk khawm an ei ding asi lo, thilpêk nih mifing leh mi zumhkâi mit a châwttir le, diklo tak hen thu thlûknâk a siam tâwn.

DEUTERONOMY 24:17

“An diknâk ah chun mi ngâkṭah khawm ramdang mi khawm dawktir lah u; lei â bat mi ruangah numei nipuan lâk piak lah.

DEUTERONOMY 25:1

“Israel mi panih an thunawk sim ding hen lâirêlnâk mun ah va kal sele, pakhat chu sual lo hen, pakhat chu sual hen ngaih asi lai.

KOLOSA 3:25

Thil diklo titu nih chun a thilti diklo man chu a tawng nawlh lai; Pathian nih mikip chu bang ver hen lâi a rêl ruangah.

1 THESALONIKA 2:4

Thâwngthâng Ṭha kiltir ding hen Pathian nih ṭha hawng kan ti hâwi hen, minung lawmhtir ding hâwi si lo hen, kan thinlung niktu Pathian lawmhtir dauh hen thu kan sim dauh tâwn asi.

JEM 2:9

sikhawmsele, mi thliar bîk nan nei chun nan sual asi, dân râwktu hâwi hen dân nih an mawhtir na asi.

1 PETER 1:17

Chun, thliar leh dang nei lo hen, mikip an rianṭuan hâwi chiau hen lâirêl piaktu chu Pa ti hen nan auh chun hi tual ah nan um kar vial amah zah tak hen um u.

1 SAMUEL 16:7

Sikhawmsele LALPA nih a sinah, “A sâng mi leh â dawh mi leiah zauh lah. Chu hâwi chu ka duh lo, minung lâirêl hâwi hen ka rêl lo ruangah. Minung nih chun lênglei a zauh le, kei lam nih chun thinlung lei ka zauh dauh,” a ti.

1 SAMUEL 2:25

Mi nih midang lakah thilsual a ti chun Pathian nih a hum kho, sikhawmsele LALPA lakah thilsual titu chu âunih a hum kho lai!” a ti. Sikhawmsele, an pa thu chu an ngâi duh lo le, churuangah LALPA nih anmah chu thah a tum na rawh.